ជាតិ
មេបញ្ជាការការពារអាកាស លោក អ៊ុល ណាវី ទទួលមរណភាពក្នុងអាយុ៦២ឆ្នាំ
× លោក អ៊ុល ណាវី មេបញ្ជាការនៃបញ្ជាការដ្ឋានការពារអាកាស នៃកងយោធពលខេមរភូមិន្ទ បានទទួលមរណភាពក្នុងអាយុ៦២ឆ្នាំ កាលពីថ្ងៃទី១៨ ខែកក្កដា ដោយសារជំងឺគាំងបេះដូង។ នេះបើតាមសាររំលែកទុក្ខរបស់ លោក សំ វណ្ណថន អគ្គលេខាធិការនៃឧត្តមក្រុមប្រឹក្សាការពារជាតិ និងជាអគ្គលេខាធិការ ក្រសួងការពារជាតិ។
ក្នុងលិខិតរំលែកទុក្ខដែលផ្ញើទៅកាន់លោកស្រី រឿង សុផាន្នី ភរិយារបស់លោក អ៊ុល ណាវី សម្តេច សាយ ឈុំ ប្រធានព្រឹទ្ធសភា បានសំដែងការសោកស្តាយ និងចាត់ទុកការបាត់បង់ឧត្តមសេនីយ៍ឯក អ៊ុល ណាវី ដូចជាការបាត់បង់ឥស្សរជនមួយរូបដែលរួមចំណែកយ៉ាងសកម្មក្នុងការរំដោះពលរដ្ឋខ្មែរពីរបៀបប្រល័យពូជសាសន៍៕
© រក្សាសិទ្ធិដោយ thmeythmey.com