អ្នកនាំពាក្យ៖ ការផ្សាយថាតុលាការយោធា មានបក្ខពួកនិងគ្រួសារនិយម ជាការបំផ្លើស

ជាតិ

សង្គមជាតិ

អ្នកនាំពាក្យ៖ ការផ្សាយថាតុលាការយោធា មានបក្ខពួកនិងគ្រួសារនិយម ជាការបំផ្លើស

21, Jul 2019 , 2:59 pm

រូបភាព

លោក ន័យ ថុល ប្រធានតុលាការយោធា

ដោយ: សារព័ត៌មានថ្មីៗ

នាយឧត្តមសេនីយ៍ ឈុំ សុជាត អ្នកនាំពាក្យក្រសួងការពារជាតិ ចាត់ទុកថាជាការបំផ្លើសខុសការពិត ចំពោះការចុះផ្សាយនានាថា តុលាការយោធាកម្ពុជា មានបក្ខពួកនិយម និងគ្រួសារនិយម។

លោក ឈុំ សុជាត សរសេរលើទំព័រហ្វេសប៊ុករបស់លោកដូច្នេះថា៖«តុលាការយោធាកម្ពុជា មិនមានបញ្ហាបក្ខពួកនិយម ឬគ្រួសារនិយម ដូចការចុះផ្សាយចោទប្រកាន់នោះឡើយ។ តុលាការយោធាកម្ពុជា បានដំណើរការប្រកបដោយភាពឯករាជ្យ និងតែងផ្តល់យុត្តិធម៌សម្រាប់យោធិនគ្រប់រូប»។

យ៉ាងណា អ្នកនាំពាក្យក្រសួងការពារជាតិ ប្រកាសស្វាគមន៍គ្រប់មតិរិះគន់ក្នុងន័យស្ថាបនា និងទទួលយកព័ត៌មានទាំងអស់ ដើម្បីពិនិត្យតាមដាន មុននឹងលើកជារបាយការណ៍ជូនថ្នាក់លើ។

ថ្មីៗនេះ មានមន្ត្រីក្នុងតុលាការយោធា លួចទម្លាយព័ត៌មានថា លោក ន័យ ថុល ប្រធានតុលាការយោធា បង្កើតបក្ខពួក ដោយដាក់ប្រពន្ធ-កូន និងសាច់ញាតិ ឲ្យដាន់តំណែងផ្សេងៗក្នុងស្ថាប័ននេះ។ បន្ទាប់មកក៏មានការចុះផ្សាយជាហូរហែ៕