សង្គមអន្តរជាតិ
អន្តរជាតិ
ថៃ បើកបង្ហូរទឹកពីទំនប់វារីអគ្គិសនី ២ ដើម្បីសង្គ្រោះដំណាំស្រូវ ទើបដាំថ្មី
ទំនប់វារីអគ្គិសនី Bhumibol (ប្រភពរូប៖ egat.co.th)
×![]()
ការបើកបង្ហូរទឹកចេញពីទំនប់វារីអគ្គិសីសំខាន់ ២ របស់ប្រទេសថៃ រួមមាន Bhumibol និង Sirikit កំពុងប្រព្រឹត្តទៅក្នុងល្បឿនលឿនរហ័ស ក្នុងគោលដៅឆ្លើយតបឲ្យទាន់ពេលវេលាចំពោះតំបន់ជាច្រើនដែលកំពុងជួបប្រទះគ្រោះរាំងស្ងួត និងជួយសង្គ្រោះដំណាំស្រូវ ដែលទើបត្រូវបានប្រជាកសិករថៃដាំ កាលពីពេលថ្មីៗ ។ នេះបើតាមការបញ្ជាក់របស់ក្រសួងកសិកម្មថៃ។ 
នៅថ្ងៃទី២៤ កក្កដា អនុរដ្ឋមន្ត្រីកសិកម្មថៃ លោក Prapat Pothasuthon បានលើកឡើងថា ទំនប់វារីអគ្គិសនី Bhumibol ក្នុងខេត្ត Tak ភាគខាងលិចនៃប្រទេសថៃ កំពុងបង្ហូរទឹកនៅកម្រិត ២៥លានម៉ែត្រគូប ក្នុងមួយថ្ងៃ ដែលកើនឡើងពី ២៣លានម៉ែត្រគូបក្នុងមួយថ្ងៃ អំឡុងពេលវេលាដដែល កាលពីឆ្នាំមុន។
តាមការចុះផ្សាយរបស់កាសែតថៃ បាងកកប៉ុស្តិ៍ លោកអនុរដ្ឋមន្ត្រីថៃដដែលនេះ បញ្ជាក់ឲ្យដឹងទៀតថា ទំនប់វារីអគ្គិសនី Sirikit ក្នុងខេត្ត ភាគខាងជើង នៃប្រទេសថៃ បានបង្ហូរទឹក ២០លានម៉ែត្រគូបក្នុងមួយថ្ងៃ ដែលកើនឡើង ១លានម៉ែត្រគូប បើធៀបនឹងឆ្នាំ២០១៨ ។
ទំនប់វារីអគ្គិសនីទាំងពីរនេះ បានបង្កើនកម្រិតនៃការបង្ហូរទឹក កាលពីថ្ងៃអាទិត្យទី២១ កក្កដា។ នេះបើតាមការបញ្ជាក់របស់លោក Prapat ដោយបន្ថែមថា ស្ថានីយ៍បូមទឹកជាង ៤០០កន្លែង នៅតាមដងទន្លេ Ping និង Nan ត្រូវបានអាជ្ញាធរដាក់បញ្ជាឲ្យផ្អាកដំណើរការរយៈពេល៣ថ្ងៃសិន ដើម្បីអាចឲ្យទឹកដែលបង្ហូរចេញពីទំនប់វារីអគ្គិសនីទាំងពីរ អាចហូរទៅដល់តំបន់គោលដៅ។
ជាមួយគ្នានេះ លោកនាយករដ្ឋមន្ត្រីថៃ ប្រាយុទ្ធ ចន្ទអូចា ក៏បានណែនាំឲ្យកងយោធាថៃបើកប្រតិបត្តិការ បង្កើតទឹកភ្លៀងសិប្បនិម្មត ដើម្បីស្រោចលើតំបន់ដែលកំពុងជួបប្រទះនឹងគ្រោះរាំងស្ងួតផងដែរ។ ប្រមុខរដ្ឋាភិបាលថៃរូបនេះ ក៏បានបញ្ជាឲ្យអាជ្ញាធរមូលដ្ឋានទាំងអស់ ចុះពិនិត្យតំបន់មួយចំនួន ដែលអាចប្រឈមមុខនឹងហានិភ័យអណ្តូងទឹកក្លាយជាស្ងួតហួតហែង៕
នៅថ្ងៃទី២៤ កក្កដា អនុរដ្ឋមន្ត្រីកសិកម្មថៃ លោក Prapat Pothasuthon បានលើកឡើងថា ទំនប់វារីអគ្គិសនី Bhumibol ក្នុងខេត្ត Tak ភាគខាងលិចនៃប្រទេសថៃ កំពុងបង្ហូរទឹកនៅកម្រិត ២៥លានម៉ែត្រគូប ក្នុងមួយថ្ងៃ ដែលកើនឡើងពី ២៣លានម៉ែត្រគូបក្នុងមួយថ្ងៃ អំឡុងពេលវេលាដដែល កាលពីឆ្នាំមុន។
តាមការចុះផ្សាយរបស់កាសែតថៃ បាងកកប៉ុស្តិ៍ លោកអនុរដ្ឋមន្ត្រីថៃដដែលនេះ បញ្ជាក់ឲ្យដឹងទៀតថា ទំនប់វារីអគ្គិសនី Sirikit ក្នុងខេត្ត ភាគខាងជើង នៃប្រទេសថៃ បានបង្ហូរទឹក ២០លានម៉ែត្រគូបក្នុងមួយថ្ងៃ ដែលកើនឡើង ១លានម៉ែត្រគូប បើធៀបនឹងឆ្នាំ២០១៨ ។
ទំនប់វារីអគ្គិសនីទាំងពីរនេះ បានបង្កើនកម្រិតនៃការបង្ហូរទឹក កាលពីថ្ងៃអាទិត្យទី២១ កក្កដា។ នេះបើតាមការបញ្ជាក់របស់លោក Prapat ដោយបន្ថែមថា ស្ថានីយ៍បូមទឹកជាង ៤០០កន្លែង នៅតាមដងទន្លេ Ping និង Nan ត្រូវបានអាជ្ញាធរដាក់បញ្ជាឲ្យផ្អាកដំណើរការរយៈពេល៣ថ្ងៃសិន ដើម្បីអាចឲ្យទឹកដែលបង្ហូរចេញពីទំនប់វារីអគ្គិសនីទាំងពីរ អាចហូរទៅដល់តំបន់គោលដៅ។
ជាមួយគ្នានេះ លោកនាយករដ្ឋមន្ត្រីថៃ ប្រាយុទ្ធ ចន្ទអូចា ក៏បានណែនាំឲ្យកងយោធាថៃបើកប្រតិបត្តិការ បង្កើតទឹកភ្លៀងសិប្បនិម្មត ដើម្បីស្រោចលើតំបន់ដែលកំពុងជួបប្រទះនឹងគ្រោះរាំងស្ងួតផងដែរ។ ប្រមុខរដ្ឋាភិបាលថៃរូបនេះ ក៏បានបញ្ជាឲ្យអាជ្ញាធរមូលដ្ឋានទាំងអស់ ចុះពិនិត្យតំបន់មួយចំនួន ដែលអាចប្រឈមមុខនឹងហានិភ័យអណ្តូងទឹកក្លាយជាស្ងួតហួតហែង៕
Tag:
ថៃ
កសិកម្ម
ដំណាំស្រូវ
© រក្សាសិទ្ធិដោយ thmeythmey.com
