ព្រះរាជអាជ្ញារងកោះកុងត្រូវផ្លាស់ទៅក្រសួង ហើយរដ្ឋមន្ត្រីតម្រូវឲ្យមានវត្តមានរាល់ម៉ោងការងារ

ជាតិ

ព្រះរាជអាជ្ញារងកោះកុងត្រូវផ្លាស់ទៅក្រសួង ហើយរដ្ឋមន្ត្រីតម្រូវឲ្យមានវត្តមានរាល់ម៉ោងការងារ

24, Jul 2019 , 2:18 pm

រូបភាព

លោក អ៊ង រី ព្រះរាជអាជ្ញារងខេត្តកោះកុង ដែលត្រូវបានផ្លាស់ទៅក្រសួងយុត្តិធម៌

ដោយ: ធឿន បញ្ញាឬទិ្ធ

ភ្នំពេញ៖ រដ្ឋមន្ត្រីក្រសួងយុត្តិធម៌ លោក អង្គ វង្ស វឌ្ឍនា បានសម្រេចឲ្យលោក អ៊ង រី ព្រះរាជអាជ្ញារងនៃអយ្យការអមសាលាដំបូងខេត្តកោះកុង មកបម្រើការងារនៅក្នុងក្រសួងជាបណ្ដោះអាសន្នវិញ។ នេះបើតាមលិខិតបង្គាប់របស់រដ្ឋមន្ត្រីយុត្តិធម៌ ចុះថ្ងៃទី២៤ កក្កដានេះ។

ក្នុងលិខិតដដែល បានបង្គាប់ឲ្យលោក អ៊ង រី បង្ហាញវត្តមាននៅក្រសួងយុត្តិធម៌ រៀងរាល់ម៉ោងធ្វើការទៀតផង។ គួរបញ្ជាក់ផងដែរថា ការសម្រេចផ្ទេរលោក អ៊ង រី មកបំពេញការងារនៅក្រសួងវិញ ធ្វើឡើងក្រោយពីព្រះរាជអាជ្ញារងរូបនេះ មានរឿងរ៉ាវគ្រួសារផ្ទាល់ខ្លួន ហើយត្រូវបានចុះផ្សាយតាមរយៈស្ថាប័នព័ត៌មានក្នុងស្រុកជាបន្តបន្ទាប់ កាលពីពេលថ្មីៗនេះ៕