ជាតិ
វីដេអូ
នយោបាយជាតិ
អ្នកនាំពាក្យនឹងនាំអ្នកកាសែតទៅមើលទីតាំងនៅរាមដែលគេចោទថាជា «មូលដ្ឋានយោធាចិន»
× លោក ផៃ ស៊ីផាន ប្រធានអង្គភាពអ្នកនាំពាក្យរដ្ឋាភិបាល និងលោក ឈុំ សុជាត អ្នកនាំពាក្យក្រសួងការពារជាតិ បានបញ្ជាក់ឲ្យដឹងនៅព្រឹកថ្ងៃព្រហស្បតិ៍នេះថា អ្នកកាសែតនឹងត្រូវអញ្ជើញទៅកាន់តំបន់រាម ក្នុងខេត្តព្រះសីហនុ ដើម្បីទៅមើលទីតាំងដែលរងការចោទប្រកាន់ថា ជាមូលដ្ឋានយោធាចិន។
ថ្លែងក្នុងសន្និសីទសារព័ត៌មានប្រចាំសប្តាហ៍នាព្រឹកនេះ លោក ផៃ ស៊ីផាន និងលោក ឈុំ សុជាត បានបញ្ជាក់សារជាថ្មីថា រដ្ឋាភិបាលគ្មានគម្រោងប្តឹងសារព័ត៌មានអាមេរិក The Wall Street Journal ដែលផ្សាយព័ត៌មានដំបូងគេពាក់ព័ន្ធនឹងកិច្ចព្រមព្រៀងសម្ងាត់រវាងចិន-កម្ពុជា លើការសាងសង់មូលដ្ឋានយោធាចិន នៅរាម នោះឡើយ។
«យើងប្រាប់ការពិត និងបង្ហាញភាពស្មោះត្រង់របស់កម្ពុជា»។ នេះជាការអះអាងរបស់លោក ផៃ ស៊ីផាន ដោយចាត់ទុកសារព័ត៌មានក្នុងស្រុកជាដៃគូ ដើម្បីប្រជែងការផ្សាយព័ត៌មានប្រឌិតរបស់សារព័ត៌មានអន្តរជាតិ៕
© រក្សាសិទ្ធិដោយ thmeythmey.com