ជាតិ
សង្គមជាតិ
ប៉ូលិស៥នាក់ ដែលរត់ការដោះលែងជនល្មើសចិន ត្រូវចោទពីបទ «សូកប៉ាន់និងរារាំងការអនុវត្តច្បាប់»
សកម្មភាពមន្រ្តី ACU នាំនគរបាលទាំង៣នាក់ ចេញពីតុលាការភ្នំពេញ កាលពីថ្ងៃទី២៣ ខែកក្កដា ឆ្នាំ២០១៩ ទៅសួរនៅ ACU ហើយបន្ទាប់មក ក៏នាំទៅតុលាការវិញ រហូតឈានដល់ព្រះរាជអាជ្ញា ចោទប្រកាន់
×![]()
ដោយ: ភួង វ៉ាន់ថា
ភ្នំពេញ៖ ព្រះរាជអាជ្ញារងនៃអយ្យការអមសាលាដំបូងរាជធានីភ្នំពេញ លោក សាយ ណូរ៉ា បានសម្រេចចោទប្រកាន់ពី «បទសូកប៉ាន់ និង បទរារាំងក្នុងការអនុវត្តច្បាប់» លើមន្ត្រីនគរបាល៣នាក់ និង២នាក់ទៀត ដែលកំពុងគេចខ្លួន ដោយសារពួកគេ លួចរត់ការដោះលែងជនជាតិចិន-តៃវ៉ាន់១៨នាក់ ដែលជាក្រុមចាប់ជំរិតទារប្រាក់តាមប្រព័ន្ធអ៊ីនធឺណិត។ 
ការចោទប្រកាន់នេះ ធ្វើឡើងក្រោយ អង្គភាពប្រឆាំងអំពើពុករលួយ (ACU) ស៊ើបអង្កេតលើជនសង្ស័យទាំងនោះរួច។ ជនសង្ស័យទាំងនោះជាមន្ត្រីនៃ អគ្គនាយកដ្ឋានអត្តសញ្ញាណកម្ម និងអគ្គនាយកដ្ឋានអន្ដោប្រវេសន៍។
កាលពីថ្ងៃទី១៧ ខែកក្កដា កម្លាំងនគរបាលខេត្តកំពង់ស្ពឺ បានចាប់ខ្លួនជនជាតិចិន និងតៃវ៉ាន់ទាំង១៨នាក់ នៅភូមិចារ ឃុំសាយចចឹប ស្រុកបរសេដ្ឋ ខេត្តកំពង់ស្ពឺ៕
Tag:
នគរបាល
ចិន
បទល្មើស
© រក្សាសិទ្ធិដោយ thmeythmey.com
