ជាតិ
បទយកការណ៍ / បទសម្ភាសន៍
សេដ្ឋកិច្ច
លោក ហ៊ុយ វ៉ាថារ៉ូ៖ ទីផ្សារធានារ៉ាប់រងរបស់កម្ពុជា បន្តមានសន្ទុះល្អ
× ភ្នំពេញ៖ ប្រធានសមាគមធានារ៉ាប់រងកម្ពុជា លោក ហ៊ុយ វ៉ាថារ៉ូ បានឲ្យដឹងថា ទីផ្សាធានារ៉ាប់រងរបស់កម្ពុជា បន្តមានកំណើនល្អ ដោយសារប្រជាពលរដ្ឋកាន់តែយល់ជ្រួតជ្រាបពីអត្ថប្រយោជន៍នៃសេវាកម្មនេះ ទន្ទឹមនឹងកំណើនប្រាក់ចំណូលរបស់ពួកគាត់។ គួរបញ្ជាក់ថា ប្រាក់ចំណូលពីការលក់ផលិតធានារ៉ាប់រង ឬហៅថាបុព្វលាភធានារ៉ាប់រងដុល បានកើនដល់ ១៩៦លានដុល្លារក្នុងឆ្នាំ២០១៨ និងត្រូវបានព្យាករថានឹងកើនដល់ទំហំ ២៦០លានដុល្លារនៅចុងឆ្នាំ២០១៩ ខាងមុខនេះ។ ជាមធ្យម ទីផ្សារធានារ៉ាប់រងទទួលបានកំណើន៣៥ភាគរយក្នុងមួយឆ្នាំៗ ក្នុងរយៈពេល៥ឆ្នាំចុងក្រោយនេះ។
ទោះជាមានកំណើនខ្ពស់បែបនេះ តែលោក វ៉ាត់ថារ៉ូ នៅតែជំរុញទាំងស្ថាប័នរដ្ឋ និងគ្រឹះស្ថានផ្ដល់សេវាធានារ៉ាប់រង ត្រូវបង្កើនការផ្សព្វផ្សាយពីវិស័យនេះថែមទៀត លើកកម្ពស់សមត្ថភាពធនធានមនុស្ស និងពង្រឹងការអនុវត្តវិធានច្បាប់ឲ្យបានត្រឹមត្រូវ ដើម្បីឲ្យវិស័យធានារ៉ាប់រងដែលនៅក្មេងខ្ចីនៅឡើយរបស់កម្ពុជា អាចបន្តលូតលាត់ប្រកបដោយនិរន្តរភាព។
សូមស្ដាប់កិច្ចសម្ភាសរវាងលោក ញ៉ុង ហេង នៃសារព័ត៌មានថ្មីៗ និងលោក ហ៊ុយ វ៉ាថារ៉ូ ប្រធានសមាគមធានារ៉ាប់រងកម្ពុជា ដូចតទៅនេះ៖
សព្វថ្ងៃ ទីផ្សារកម្ពុជាមានក្រុមហ៊ុនធានារ៉ាប់រងទូទៅចំនួន ១៣ ក្រុមហ៊ុនធានារ៉ាប់រងអាយុជីវិត ១១ ក្រុមហ៊ុនធានារ៉ាប់រងខ្នាតតូចចំនួន៧ ក្រុមហ៊ុនធានារ៉ាប់រងបន្តចំនួន១ និងក្រុមហ៊ុនអន្តរការីធានារ៉ាប់រងចំនួន៣៨ ៕
Tag:
ហ៊ុយ វ៉ាថារ៉ូ
ធានារ៉ាប់រង
© រក្សាសិទ្ធិដោយ thmeythmey.com