តុលាការ ឃុំប្រធាន-អនុប្រធាន និង មន្ត្រីមន្ទីរសុរិយោដីខេត្តពោធិ៍សាត់ ក្រោមបទចោទបី

ជាតិ

សង្គមជាតិ

តុលាការ ឃុំប្រធាន-អនុប្រធាន និង មន្ត្រីមន្ទីរសុរិយោដីខេត្តពោធិ៍សាត់ ក្រោមបទចោទបី

01, Aug 2019 , 2:28 pm

រូបភាព

ដោយ: ថ្មីៗ

ចៅក្រមស៊ើបសួរនៃសាលាដំបូងរាជធានីភ្នំពេញ បានសម្រេចកាលពីល្ងាចថ្ងៃទី៣១ ខែកក្កដា ឆ្នាំ២០១៩ ឲ្យឃុំខ្លួនជាបណ្តោះអាសន្នចំពោះ លោក លៀម ប៊ុនរឿន ប្រធាន លោក ជាង វុទ្ធី អនុប្រធាន និង លោក តែ ប៊ុនថេង មន្ត្រីសុរិយោដីខេត្តពោធិ៍សាត់។ នេះបើតាមលោក គុជ គីមឡុង ព្រះរាជអាជ្ញារង និងជាអ្នកនាំពាក្យនៃអយ្យការអមសាលាដំបូងរាជធានីភ្នំពេញ ដែលបានប្រាប់សារព័ត៌មានថ្មីៗ។

អ្នកទាំងបី ត្រូវបានព្រះព្រះរាជអាជ្ញា ចោទបីបទល្មើស គឺបទវិតិក្រម (អ្វីដែលមន្ត្រីមិនអាចទាមទារពីពលរដ្ឋ) តាមក្រមព្រហ្មទណ្ឌ បទរំលោភអំណាច តាមច្បាប់ស្ដីពីការប្រឆាំងអំពើពុករលួយ និង បទសម្អាតប្រាក់ តាមច្បាប់ស្ដីពីការប្រឆាំងការសម្អាតប្រាក់ និងហិរញ្ញវត្ថុ។

កាលពីថ្ងៃទី២៧ ខែកក្កដា មន្ត្រីអង្គភាពប្រឆាំងអំពើពុករលួយ បានឃាត់ខ្លួនអ្នកទាំងបី ហើយនៅថ្ងៃទី៣០ ខែកក្កដា ក៏បញ្ជូនទៅកាន់សាលាដំបូងរាជធានីភ្នំពេញ។ អ្នកទាំងបី រងការសង្ស័យថា ប្រព្រឹត្តអំពើពុករលួយ ដោយទារប្រាក់ប្រមាណ១០ម៉ឺនដុល្លារ ពីក្រុមហ៊ុនមួយ ជាថ្នូរនឹងការចេញលិខិតស្នាមនិងអនុញ្ញាតឲ្យក្រុមហ៊ុននោះ បង្កើនរោងចក្រ។ អ្នកទាំងបី ត្រូវឃាត់ខ្លួន ក្នុងភោជនីយដ្ឋានមហាលាប ក្រុងពោធិ៍សាត់ ជាទីកន្លែងដែលពួកគេនិងខាងក្រុមហ៊ុនជួបគ្នា ដើម្បីប្រគល់លុយ៕

អត្ថបទទាក់ទង

ក្រៅពីដកតំណែង សម្ដេច ហ៊ុន សែន បញ្ជាឲ្យACU តាមពិនិត្យទ្រព្យសម្បត្តិមន្ត្រីពុករលួយ៣រូបនៅពោធិ៍សាត់