ជាតិ
សង្គមជាតិ
នាយកវិទ្យាល័យជាស៊ីមបឹងកេងកង ហាមសិស្សធ្វើពិធី «ខួបកំណើត» នៅបរិវេណសាលា
×![]()
ដោយ៖ ហួ ឆេងស៊ីម
លោក នុត ងួនលី នាយកវិទ្យាល័យជាស៊ីមបឹងកេងកង បានចេញបម្រាមមួយ ហាមសិស្សានុសិស្ស ធ្វើពិធីខួបកំណើតក្នុងបរិវេណវិទ្យាល័យនេះ មិនថាធ្វើខ្លួនឯង ធ្វើឲ្យមិត្រភក្ដិ ឬធ្វើជូនលោកគ្រូ-អ្នកគ្រូនោះទេ។ បម្រាមរបស់លោកនាយក ធ្វើឡើងតាមរយៈសេចក្តីជូនដំណឹង ដែលចេញនៅថ្ងៃទី៣០ ខែកក្កដា ឆ្នាំ២០១៩។ 
ក្រៅពីពិធីខួបកំណើត លោក នុត ងួនលី ក៏មិនអនុញ្ញាតឲ្យធ្វើពិធីផ្សេងៗទៀតដែរ។ ប៉ុន្តែ លោក ពុំបានបញ្ជាក់ឡើយថា ពិធីផ្សេងៗនោះ សំដៅលើពិធីអ្វីខ្លះ។
តាមរយៈសេចក្តីជូនដំណឹង លោកនាយកសាលា យល់ឃើញថា ការដាក់បម្រាមនេះ គឺដើម្បីកុំឲ្យប៉ះពាល់ដល់សណ្តាប់ធ្នាប់ វប្បធម៌ និង បទបញ្ជាផ្ទៃក្នុងសាលា។
លោក បានបង្ហោះសេចក្តីជូនដំណឹងនោះ លើគណនីហ្វេសប៊ុករបស់លោក (Nuth Ngounly) ដោយអមជាមួយនឹងសំណេរថា៖«សូមក្មួយៗ ចូលរួមអនុវត្ត! សូមលោកគ្រូ អ្នកគ្រូ ជួយផ្សព្វផ្សាយបន្ត និងជួយទប់ស្កាត់»៕
Tag:
អប់រំ
នុត ងួនលី
ខួបកំណើត
© រក្សាសិទ្ធិដោយ thmeythmey.com
