​ដោយ​៖ ឈួន ឈី​វ​អ៊ីង​
 

 

​វិទ្យាស្ថាន​បច្ចេកវិទ្យា MIT ស្ថិតនៅ​លំដាប់​ទី​១ នៃ​តារាង​ចំណាត់ថ្នាក់​សកលវិទ្យា​ល័យ​ទូទាំង​ពិភពលោក ជាមួយ​លំដាប់​ពិន្ទុ ១០០​។ នេះ​បើតាម​ការផ្សាយ​របស់គេ​ហ​ទំព័រ World Economic Forum ។ 

 

​តារាង​លំដាប់ថ្នាក់​នេះ​មានការ​ប្រែប្រួល​បន្តិចបន្តួច​នៅ​ប៉ុន្មាន​ឆ្នាំ​ចុង​ក្រោយនេះ​។ ដោយ​សាកលវិទ្យាល័យ Stanford  ស្ថិតនៅ​លេខ​រៀង​ទី​២ ជាមួយ​លំដាប់​ពិន្ទុ ៩៩,៨​។​

 

​បណ្ដា​សាកលវិទ្យាល័យ​នៅ​សហរដ្ឋអាមេរិក និង​អង់គ្លេស នៅតែ​បន្ត​ឈរ​នៅ​កំពូល​តារាង មានតែ​សាលា ETH-Zurich របស់​ស្វ៊ី​ស​តែមួយគត់ ដែល​អាច​ប្រជែង​តំណែង​កំពូល​ទាំង​១០​។ សកល​វិទ្យាល័យ​របស់​ប្រទេស​ស្វី​ស​មួយ​នេះ ស្ថិត​លំដាប់​ទី​៦​។​

​សកល​វិទ្យាល័យ​បច្ចេកវិទ្យា​ណាន​យ៉ាង (NTU) និង​សកល​វិទ្យាល័យ​ជាតិ​សិង្ហ​បុរី (NUS) កំពុង​បង្កើន​លក្ខណៈពិសេស​នៃ​ការអប់រំ ក្នុង​គោលបំណង​ឈានទៅដល់​លំដាប់​កំពូល​តារាង​នោះដែរ​។​

​ខាងក្រោម​នេះ​សាកលវិទ្យាល័យ​ល្បីៗ​ទាំង​១០ នៅពេល​បច្ចុប្បន្ន​៖ 
 

១. វិទ្យាស្ថាន​បច្ចេកវិទ្យា Massachusetts (MIT) សហរដ្ឋអាមេរិក​

២. សាកលវិទ្យាល័យ Stanford សហរដ្ឋអាមេរិក​

៣. សាកល​វិទ្យា Harvard Uni សហរដ្ឋអាមេរិក​

៤. សាកល​វិទ្យា Oxford ចក្រភព​អង់គ្លេស​

៥. វិទ្យាស្ថាន​បច្ចេកវិទ្យា California សហរដ្ឋអាមេរិក​

 ៦. វិទ្យាស្ថាន​បច្ចេកវិទ្យា ETH Zurich ប្រទេស​ស្វី​ស​

៧.  សាកលវិទ្យាល័យ Cambridge ចក្រភព​អង់គ្លេស​

៨. សាកលវិទ្យាល័យ London (UCL) ចក្រភព​អង់គ្លេស​

៩. សាលា Imperial College London ចក្រភព​អង់គ្លេស​

១០. សាកលវិទ្យាល័យ Chicago សហរដ្ឋអាមេរិក​៕