ជាតិ
ThmeyThmey.com និង CFI បើកវគ្គបណ្តុះបណ្តាលជូនអ្នកសារព័ត៌មានវ័យក្មេងសម្រាប់វគ្គថ្មី
×![]()
ដោយ: ថ្មីៗ
ភ្នំពេញ៖ ក្នុងន័យពង្រឹងវិជ្ជាជីវៈសារព័ត៌មាននៅក្នុងប្រទេសកម្ពុជា ទីភ្នាក់ងារអភិវឌ្ឍព័ត៌មានបារាំង CFI (Canal France International), ក្រោមគម្រោង«ព័ត៌មានទន្លេមេគង្គ» (Mekong News), ដោយសហការជាមួយសារព័ត៌មានអេឡិចត្រូនិក Thmeythmey.com នឹងបើកវគ្គបណ្តុះបណ្តាលស្តីពីរបៀបសរសេរព័ត៌មានសម្រាប់សារព័ត៌មានអេឡិចត្រូនិក (អនឡាញ) នៅខែសីហានេះនៅទីក្រុងភ្នំពេញ។
វគ្គពិសេសដែលធ្វើឡើងនៅថ្ងៃទី១៤, ១៥ និង១៦ខែសីហានេះ នឹងផ្តោតលើរបៀបសរសេរ, របៀបចាប់មុំ, គំនិតប្រធានបទ, របៀបធ្វើសេចក្តីរាយការណ៍សម្រាប់សារព័ត៌មានអេឡិចត្រូនិក (អនឡាញ), ការប្រើប្រាស់រូបភាព និងក្រមសីលធម៌។ លក្ខខណ្ឌសម្រាប់អ្នកចូលរួម៖
១) អ្នកសារព័ត៌មានវ័យក្មេង (អាយុក្រោម ៣០ឆ្នាំ)។
២) អ្នកសារព័ត៌មានកំពុងបំពេញការងារជូនស្ថាប័នណាមួយ។
៣) ត្រូវចូលរួមសិក្សារយៈពេល៣ថ្ងៃ (ព្រឹក និងល្ងាច)។
៤) ត្រូវចុះឈ្មោះចូលរៀនឲ្យបានមុនថ្ងៃទី១២ ខែសីហានេះជាកំហិត។
5) ត្រូវផ្តល់ CV។
ក្រោយការសិក្សា សិក្ខាកាមនឹងទទួលបានវិញ្ញាបនបត្របញ្ជាក់ការសិក្សាពីស្ថាប័ន CFI និង thmeythmey.com។ សាស្ត្រាចារ្យក្នុងវគ្គសិក្សានេះ គឺជនជាតិបារាំង និងខ្មែរ។ គម្រោងបណ្តុះបណ្តាលនេះ ទទួលបានការគាំទ្រផ្នែកហិរញ្ញវត្ថុពីក្រសួងអឺរ៉ុប និងកិច្ចការបរទេសនៃសាធារណៈរដ្ឋបារាំង។ សូមបញ្ជាក់ថា វគ្គបណ្តុះបណ្តាលនេះ គឺជាផ្នែកមួយនៃគម្រោងធំរបស់ CFI (Mekong News) សម្រាប់ ៤ ប្រទេស ក្នុងនោះមាន៖ កម្ពុជា មីយ៉ាន់ម៉ា ឡាវ និងវៀតណាម នៅក្នុងតំបន់មេគង្គ។ សូមអញ្ជើញទំនាក់ទំនងកញ្ញា ញឹក ស្រីល័ក្ខ (អ្នកសម្របសម្រួលវគ្គបណ្តុះបណ្តាល)៖ ០៨៩ ៨២០ ៨៣២។ អ៊ីម៉ែល៖ [email protected]។
Tag:
CFI
អ្នកសារព័ត៌មាន
© រក្សាសិទ្ធិដោយ thmeythmey.com
