អន្តរជាតិ
អាមេរិកយល់ព្រមលក់ឧទ្ធម្ភាចក្រតម្លៃ ៨០០លានដុល្លារទៅអោយកូរ៉េខាងត្បូង
× មន្ទីរបញ្ចកោណបានប្រកាស នៅថ្ងៃទី០៧ ខែសីហា ថា រដ្ឋាភិបាលសហរដ្ឋអាមេរិកបានយល់ព្រមលក់ឧទ្ធម្ភាចក្រ ដែលមានតម្លៃរហូតដល់ ៨០០លានដុល្លារទៅកូរ៉េខាងត្បូង។ ការប្រកាសនេះធ្វើឡើងប៉ុន្មានម៉ោងបន្ទាប់ពីប្រធានាធិបតី ដូណាល់ ត្រាំនិយាយថាទីក្រុង សេអ៊ូល យល់ព្រមទិញកាន់តែច្រើន សម្រាប់វត្តមានកងទ័ពសហរដ្ឋអាមេរិកនៅក្នុងប្រទេស។
តាមការចុះផ្សាយ AFP ភ្នាក់ងារសហប្រត្តិបត្តិការសន្តិសុខ និងការពារជាតិរបស់មន្ទីបញ្ចកោណ បានបញ្ជាក់ថា៖ «សាធារណរដ្ឋកូរ៉េនឹងប្រើឧទ្ធម្ភាចក្រសម្រាប់ពង្រីកសមត្ថភាព ក៏ដូចជាការប្រឆាំងទៅនឹងការគំរាមគំហែងក្នុងតំបន់ និង ពង្រឹងកិច្ចការពារនៅក្នុងប្រទេសផ្ទាល់»។
នាយកដ្ឋានកិច្ចការរដ្ឋបានយល់ព្រមលក់ឧទ្ធម្ភាចក្រប្រភេទ 12MH-60R Multi-Mission Seahawk ដែលមានបំពាក់អាវុធយុទ្ធភ័ណ្ឌ, ប្រព័ន្ធទំនាក់ទំនង និងប្រព័ន្ធរ៉ាដា ។ បន្ថែមពីនេះទៅទៀត ឧទ្ធម្ភាចក្ប្រភេទនេះមានសមត្ថភាពសម្រាប់ប្រតិបត្តិការលើអាកាស និងប្រឆាំងនាវាមុជទឹកផងដែរ។ ឧទ្ធម្ភាចក្រនេះ ក៏មានមុខងារផ្សេងទៀតដូចជាការស្វែករក និងជួយសង្គ្រោះ ការបញ្ជូនប្រព័ន្ធទំនាក់ទំនងផងដែរ។
ឧទ្ធម្ភាចក្រ Seahawk នេះ ត្រូវបានដោយរោងចក្រផលិតសម្ភារការពារសហរដ្ឋអាមេរិក Lockheed Martin ។
ទន្ទឹមគ្នានេះដែរ លោកប្រធានាធិបតី ដូណាល់ ត្រាំ បានបង្ហោះនៅបណ្តាញគណនី Twitter ថា៖ «ក្នុងរយៈពេលប៉ុន្មានទសវត្សន៍ចុងក្រោយនេះ អាមេរិកត្រូវបានកូរ៉េខាងត្បូងបង់លុយអោយតិចតួចណាស់»។ លោកបានបញ្ជាក់បន្ថែមទៀតថា កូរ៉េខាងត្បូងគឺជាប្រទេសអ្នកមាន ដែលទើបតែទទួលស្គាល់កាតព្វកិច្ចរបស់ខ្លួនលើបង់វិភាគទានទៅលើការការពារ ដែលត្រូវបានផ្តល់ដោយសហរដ្ឋអាមេរិក៕
Tag:
សហរដ្ឋអាមេរិក
កូរ៉េខាងត្បូង
© រក្សាសិទ្ធិដោយ thmeythmey.com