ជាតិ
សិល្បះ
ឱកាសរៀនជំនាញតូរ្យតន្ត្រី របាំ ល្ខោន សៀក និងសូនរូបដោយឥតគិតថ្លៃនៅសាលាវិចិត្រសិល្បៈ សិស្សដែលទទួលបានការបណ្តុះបណ្តាលនៅសាលាមធ្យមវិចិត្រសិល្បៈ - Secondary School of Fine Arts
×
ដោយ៖សុវណ្ណ ស្រីពេជ្រ
ភ្នំពេញ៖ សាលាមធ្យមវិចិត្រសិល្បៈ នៃក្រសួងវប្បធម៌ និងវិចិត្រសិល្បៈ ប្រកាសជ្រើសរើសសិស្សប្រឡងចូលរៀនដោយឥតបង់ថ្លៃ លើជំនាញ តូរ្យតន្ត្រី របាំ ល្ខោន សៀក និងសិល្បៈសូនរូបនៃឆ្នាំសិក្សា ២០១៩ -២០២០ ខាងមុខនេះ។
កាលពីថ្ងៃ ២៥ កក្កដា កន្លងទៅនេះ សាលាមធ្យមវិចិត្រសិល្បៈ បានចេញសេចក្ដីជូនដំណឹង ស្តីពី ការប្រឡងជ្រើសរើសសិស្សចូលរៀនដោយឥតបង់ថ្លៃ សម្រាប់ឆ្នាំសិក្សា ២០១៩-២០២០ នៅថ្ងៃទី៣ ខែតុលា ឆ្នាំ២០១៩។
ចំពោះលក្ខណៈជ្រើសរើស សម្រាប់ឯកទេស របាំបុរាណ ខោល សៀក ចម្រៀងបុរាណ និងឧបករណ៍ខ្សែ ចំពោះសិស្សរៀនចប់ថ្នាក់ទី៣ ឬទី៤ នៅសាលាចំណេះដឹងទូទៅ។ ចំណែក ឯកទេស របាំប្រពៃណី សៀក តន្ត្រីសម័យ ឧបករណ៍ផ្លុំ យីកេ និងបាសាក់ ចំពោះសិស្សដែលបានរៀនចប់ថ្នាក់ទី ៥ ឬទី៦នៅសាលាចំណេះទូទៅ ចុងក្រោយឯកទេស ចម្រៀងអាយ៉ៃ ចម្រៀងជាពួក ចាប៉ីដងវែង ល្ខោននិយាយ និងសិល្បៈសូនរូប ចំពោះសិស្សរៀនចប់ថ្នាក់ទី៧ នៅសាលាចំណេះទូទៅ។
វិញ្ញាសាប្រឡងគឺអាស្រ័យទៅតាមឯកទេស មានដូចជាការសរសេរតាមអាន គណិតវិទ្យា តេស្តជំនាញ ភាសាខ្មែរ។ ចែកពាក្យ និងទទួលពាក្យរហូតដល់ថ្ងៃ ២៧ កញ្ញា ឆ្នាំ ២០១៩ នៅការិយាល័យសិក្សា នៃសាលាមធ្យមសិក្សាវិចិត្រសិល្បៈ អសយដ្ឋាន វិថីបណ្ឌិតម៉ុងឫទ្ធី ភូមិបាយ៉ាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ចំណែកកាលបរិច្ឆេទប្រឡងនៅថ្ងៃ៣ តុលា ២០១៩៕
© រក្សាសិទ្ធិដោយ thmeythmey.com