សុខភាព
អន្តរជាតិ
ទារកកើតនៅរដូវរងា ប្រឈមហានិភ័យខ្ពស់ផ្នែកសុខភាពផ្លូវចិត្ត រូបភាព៖ Harvard Health
×
ដោយ ឈួន ឈីវអ៊ីង
ទារកដែលកើតក្នុងអំឡុងខែរងា គឺស្ថិតក្នុងហានិភ័យខ្ពស់ក្នុងការអភិវឌ្ឍផ្នែកស្មារតី ផ្លូវចិត្តមិនប្រក្រតី។
ក្រុមអ្នកស្រាវជ្រាវនៃសកលវិទ្យាល័យ Cardiff បានរកឃើញថា កម្រិតអរម៉ូនករទីសូលកើនឡើងប្រមាណ ២០% ចំពោះស្ត្រីដែលផ្តល់កំណើតនៅរដូវស្លឹកឈើជ្រុះ និងរដូវរងារ ច្រើនជាងស្ត្រីដែលផ្តល់់កំណើតនៅរដូវផ្ការីក ឬរដូវក្តៅ។ នេះបើតាមការផ្សាយរបស់សារព័ត៌មានអង់គ្លេស BBC ។
កម្រិតអរម៉ូនករទីសូលកើនឡើងពីធម្មជាតិក្នុងអំឡុងពេលស្ត្រីកំពុងពពោះ។ នេះបើតាមប្រសាសន៍របស់លោកសាស្ត្រាចារ្យ Ros John ។ អរម៉ូនករទីសូលនេះមានតួនាទីរ៉ាប់រងការឆ្លើយតបនឹងអារម្មណ៍ដូចជា ភាពតានតឹង (ស្ត្រេស)របស់សារពាង្គកាយ ហើយក៏ទាក់ទងនឹងការចងចាំរបស់ខួរក្បាល ការតម្រូវជាតិស្ករនៅក្នុងឈាមផងដែរ។
ការស្រាវជ្រាវថ្មីនេះអាចពន្យល់ពីហេតុផលដែលទារកកើតនៅរដូវរងា អាចជួបបញ្ហាស្មារតី ឬផ្លូវចិត្ត ប៉ុន្តែពួកគេមិនទាន់អាចពន្យល់ថា ហេតុអ្វីបានជាស្ត្រីដែលផ្តល់កំណើតនៅរដូវរងាមានកម្រិតអរម៉ូនករទីសូលខ្ពស់ បាននៅឡើយទេ៕
Tag:
ទារក
សុខភាព
ចំណេះដឹងទូទៅ
© រក្សាសិទ្ធិដោយ thmeythmey.com