វិទ្យាស្ថានអន្តរជាតិកម្ពុជា-អាស៊ាន នៅថ្ងៃទី១០ និងទី១១ ខែសីហានេះ បានរៀបចំសិក្ខាសាលាតម្រង់ទិស ស្តីពីការប្រកួតប្រជែងកម្មវិធីកុមារឆ្លាតសតវត្ស២១ ជូនដល់អាណាព្យាបាល និងបេក្ខជនទាំងអស់ដែលបានដាក់ពាក្យប្រកួតក្នុងកម្មវិធីកុមារឆ្លាតសតវត្ស២១។
ការប្រកួត នឹងត្រូវធ្វើឡើងជា៤វគ្គផ្សេងៗគ្នា ដោយវគ្គទី១ គឺការធ្វើតេស្តកម្រិតភាសាអង់គ្លេស។ វគ្គចម្រុះជុំទី២ ការប្រកួត Think! Think! IQ Challenge ។ វគ្គជម្រុះពាក់កណ្តាលផ្តាច់ព្រ័ត្រ គឺការបកស្រាយផ្ទាំងរូបភាពជាភាសាអង់គ្លេស និងការប្រកួតកុមារឆ្លាត ដែលជាវគ្គផ្តាច់ព្រ័ត្រ។
បេក្ខជនវ័យក្មេងចំនួន៥រូប នឹងត្រូវជ្រើសរើសសម្រាប់ជ័យលាភីពីលេខ ១ដល់លេខ ៥ ។ ជ័យលាភីនីមួយៗនឹងទទួលបាន៖
ជ័យលាភីលេខ ១ ៖ នឹងទៅធ្វើទស្សនកិច្ចសិក្សានៅប្រទេសសិង្ហបុរី , ទទួលបានអាហារូបករណ៍ ១០០% សម្រាប់កម្មវិធីសិក្សា YLP ចំនួន ៤ វគ្គ ដែលស្មើនឹងមួយឆ្នាំ ,មេដាយមាស, លិខិតសរសើរ និងរង្វាន់លើកទឹកចិត្តបន្ថែមទៀត។
ជ័យលាភីលេខ ២ ៖ ទទួលបានថវិកាចំនួន៤០ម៉ឺនរៀល, អាហារូបករណ៍ ១០០% សម្រាប់កម្មវិធីសិក្សា YLP ចំនួន២វគ្គ, មេដាយប្រាក់, លិខិតសរសើរ និងរង្វាន់លើកទឹកចិត្តបន្ថែមទៀត។
ជ័យលាភីលេខ ៣ ៖ ទទួលបានថវិកាចំនួន ២០ម៉ឺនរៀល, អាហារូបករណ៍ ១០០% សម្រាប់កម្មវិធីសិក្សា YLP ចំនួន២វគ្គ,មេដាយសំរិទ្ធ, លិខិតសរសើរ និងរង្វាន់លើកទឹកចិត្តបន្ថែមទៀត។
ជ័យលាភីលេខ ៤ ៖ ទទួលបានថវិកាចំនួន ១០ម៉ឺនរៀល, អាហារូបករណ៍ ៥០% សម្រាប់កម្មវិធីសិក្សា YLP ចំនួន២វគ្គ, លិខិតសរសើរ និងរង្វាន់លើកទឹកចិត្តបន្ថែមទៀត។
ជ័យលាភីលេខ ៥ ៖ ទទួលបានថវិកាចំនួន ១០ម៉ឺនរៀល, អាហារូបករណ៍ ៥០% សម្រាប់កម្មវិធីសិក្សា YLP ចំនួន២វគ្គ, លិខិតសរសើរ និងរង្វាន់លើកទឹកចិត្តបន្ថែមទៀត។
អ្នកនាង Emily អ្នកប្រឹក្សាយោបល់កម្មវិធីសិក្សា YLP និងជាអ្នកសម្របសម្រួលកម្មវិធីប្រកួតកុមារឆ្លាតសតវត្សទី២១ បានគូសបញ្ជាក់ថា ការប្រកួតប្រជែងនេះ រៀបចំឡើងដើម្បីជំរុញ និងលើកទឹកចិត្តសិស្សក្មេងៗ ឲ្យកាន់តែមានការអភិវឌ្ឍន៍នូវជំនាញគ្រឹះ STEAM skills (Science, Technology, Engineering, Art and Mathematics)របស់ពួកគេ។ មិនតែប៉ុណ្ណោះ ការប្រកួតប្រជែងនេះ ក៏ដើម្បីផ្តល់ឱកាសដល់ប្អូនៗសិក្សានុសិស្សវ័យក្មេង ឲ្យអភិវឌ្ឍន៍បុគ្គលិកលក្ខណៈ ជំនាញ ចំណេះដឹង និងឱកាសឲ្យពួកគេចូលរួមក្នុងទំនាក់ទំនងជាលក្ខណៈអន្តរជាតិ ដែលនឹងជួយឲ្យគិតគូរដោយមានហេតុផល និងមានគំនិតច្នៃប្រឌិត។
សូមជម្រាបថា ការប្រកួតជម្រុះជុំទីមួយ នឹងត្រូវមុនការប្រកួតចាប់ផ្តើមនៅថ្ងៃទី១៧ ខែសីហា។ គិតមកទល់ពេលនេះ មានកុមារតូចៗអាយុចន្លោះពី៦ ដល់១២ឆ្នាំប្រមាណ១៥០នាក់ហើយ បានចុះឈ្មោះចូលរួមប្រកួតប្រជែងនេះ។ បេក្ខជនដែលមានចំណាប់អារម្មណ៍នៅតែអាចបន្តចុះឈ្មោះចូលរួមប្រកួតប្រជែង រហូតដល់ថ្ងៃទី ១២ ខែសីហា ឆ្នាំ២០១៩។
សម្រាប់ព័ត៌មានបន្ថែម សូមអញ្ជើញទៅវិទ្យាស្ថានអន្តរជាតិកម្ពុជា-អាស៊ាន ដែលមានអាសយដ្ឋាននៅអគារលេខ ១៨B ផ្លូវ ២០៥ សង្កាត់ទួលស្វាយព្រៃ២ ខណ្ឌចំការមន ខាងត្បូងភោជនីយដ្ឋាន ខ្មែរ-ថៃ អូទ្បាំពិក ចម្ងាយ ៥០ ម៉ែត្រ បត់ចូលតាមហាងលក់ផ្លែឈើ ស្រីមុំអូទ្បាំពិក។ ទូរស័ព្ទលេខ៖ 023 976 999 / 070 77 44 50 / 011 77 44 50 គេហទំព័រ៖
http://cam-asean.com/young-learner-programs/ ហ្វេសប៊ុក៖
www.facebook.com/camaseaninstitute៕