អត្ថបទពាណិជ្ជកម្ម
OPPO ប្រកាសផ្តល់ពានរង្វាន់សន្ធឹកសន្ធាប់ ដល់អ្នកស្រលាញ់ការថតរូបនៅលើពិភពលោក
× កាលពីពេលថ្មីៗនេះ ក្រុមហ៊ុនទូរស័ព្ទដៃស្មាតហ្វូន OPPO ប្រកាសផ្តល់ពានរង្វាន់ដល់អ្នកថតរូប ដែលមានភាពច្នៃប្រឌិតខ្ពស់ឆ្នាំ២០១៩ ឬ OPPO Creators Awards 2019 នៅក្នុងកម្មវិធី បើកសម្ពោធសមាគមថតរូបរបស់ខ្លួន។ ចាប់តាំងពីមានកម្មវិធីប្រកួតជាលើកដំបូង ដែលមានឈ្មោះថា«See Beyond» (#SeeBeyondWithOPPO) ទទួលបានការគាំទ្រច្រើន ដោយមានចំនួនអ្នកចូលមើលរាប់លាននាក់ និងមានការបញ្ចេញយោបល់លើកម្មវិធីនេះ រាប់ពាន់ផងដែរ។ ពួកគេបានបង្ហាញពីអារម្មណ៍របស់ពួកគេ មកលើសមត្ថភាពថតរូប របស់ទូរស័ព្ទដៃ OPPO ដែលតែងតែមានភាពច្នៃប្រឌិតខ្ពស់ជានិច្ច។ ប្រភេទរូបថតដែលអាចនឹងមានឱកាសទទួលបានពានរង្វាន់ អ្នកថតរូបបែបច្នៃប្រឌិតឆ្នាំ ២០១៩ នេះ ត្រូវផ្អែកទៅលើប្រភេទរូបថត ស្តីអំពីស្ថានភាពពេលរាត្រី (Night) បង្កប់គំនិតច្នៃប្រឌិតថ្មីៗ (Creativity) សំដៅលើទេសភាព (Landscape) និងសំដៅលើ មនុស្សទូទៅ(People)។
អ្នកឧបត្ថម្ភគាំទ្ររង្វាន់ធំមានចំនួនពីរ ទី១ គឺក្រុមហ៊ុន OPPO និងមួយទៀត គឺក្រុមហ៊ុន OPEN ដែលពួកគេ នឹងផ្តល់នូវថវិការង្វាន់សរុប ចំនួន៧,៥០០ដុល្លារ។ អ្នកឈ្នះ នឹងមានសិទ្ធិចូលរួមប្រកួត ក្នុងកម្មវិធី The OPPO Photography Talent Program នាពេលខាងមុខ ។ ចំណែកបេក្ខភាពចំនួន១០នាក់ផ្សេងទៀត នឹងទទួលបានប្រាក់រង្វាន់ចំនួន ១,៥០០ដុល្លារក្នុងម្នាក់ ហើយបេក្ខភាព៥នាក់បន្ទាប់ទៀត នឹងទទួលបានទូរស័ព្ទ OPPO Reno 10X Zoom ម្នាក់មួយគ្រឿងផងដែរ។
ស្របពេលជាមួយគ្នានោះដែរ អ្នកថតរូបជំនាញម្នាក់ ដែលមានឈ្មោះថា Nan Shan បានបង្ហាញពីស្ទីលថតរូប ស្តីពីរបៀបនៃការជ្រមុជទឹក ឬ «Fish are diving» របស់ខ្លួន។ អ្នកថតរូបម្នាក់នេះ បាននិយាយថា៖«បច្ចុប្បន្នការថតរូបនៅលើស្មាតហ្វូន កាន់តែមានប្រជាប្រិយភាពខ្លាំង ដែលធ្វើឲ្យអ្នកថតរូបកាន់តែមានភាពងាយស្រួល ហើយវាធ្វើឱ្យអ្នកថតរូប រីករាយនឹងការចាប់ប្លង់ថតរូបបែបធម្មជាតិ និងថតភាពពិតៗ»។
មិនតែប៉ុណ្ណោះ អ្នកឈ្នះក្នុងកម្មវិធី The OPPO Photography Talent Program នឹងអាចចូលរួមចូលកម្មវិធីមួយ ក្នុងការបញ្ចេញស្នាដៃរបស់ខ្លួន ក្នុងការរចនាទម្រង់នានា ដើម្បីជំរុញភាពច្នៃប្រឌិតក្នុងវិស័យថតរូប។ នៅក្នុងកម្មវិធីនេះដែរ នឹងមានការចូលរួមពីក្រុមអ្នកជំនាញថតរូបល្បីៗ លំដាប់ពិភពលោក ដែលមានបទពិសោធន៍ដោយផ្ទាល់។ ហើយនៅខែសីហានេះ OPPO នឹងរៀបចំកម្មវិធីតាំងពិពណ៌ Creators Awards Exhibition នៅទីក្រុងសៀងហៃ ប្រទេសចិន និង Amsterdam ប្រទេសហូឡង់ ដើម្បីបង្ហាញរូបថតរបស់ជ័យលាភីតែម្តង។ រូបថតដែលឈ្នះការប្រកួតនេះ នឹងត្រូវដាក់បង្ហាញនៅលើផ្ទាំង Wallpaper របស់ OPPO ព្រមទាំងបោះពុម្ពផ្សាយពាណិជ្ជកម្មទាំងក្នុងស្រុក និងនៅលើពិភពលោកផងដែរ។
សូមបញ្ជាក់ថាស្មាតហ្វូនស៊េរីចុងក្រោយបំផុត របស់ក្រុមហ៊ុន OPPO គឺ Reno 10X Zoom បានកំពុងឆក់យកបេះដូងអ្នកដែលស្រលាញ់ការថតរូប និងអ្នកដែលតែងតែស្រមើស្រមៃលើគំនិតច្នៃប្រឌិតខ្ពស់ នៅទូទាំងពិភពលោក។ ព្រោះស្មាតហ្វូននេះ បាន Set Up ជាមួយនឹងកាមេរ៉ា៣គ្រាប់ ដូចជាកាមេរ៉ាមេ កាមេរ៉ាពង្រីកមុំ កាមេរ៉ខា Zoom ប្រវែងវែង ដែលទទួលស្គាល់ថា ជាស្មាតហ្វូនដែលអាចចាប់យករូបភាពច្បាស់ គួរឱ្យចាប់អារម្មណ៍ស្ទើរតែគ្រប់សេណារីយ៉ូ ទាំងអស់នៃប្លង់ថតរូប សម្រាប់អ្នកដែលស្រលាញ់បច្ចេកវិទ្យាកាមេរ៉ា និងប្រកបដោយបទពិសោធន៍ក្នុងការប្រើប្រាស់៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com