ពីនេះ ពីនោះ
ព័ត៍មានសុខភាព
×![]()
ដោយ: ថ្មីៗ
ទឹកឃ្មុំ និងទឹកដោះគោត្រូវបានគេស្គាល់ថាមានប្រយោជន៍របស់វារៀងៗខ្លួន។ ប៉ុន្តែនៅពេលញ៉ាំវាក្នុងពេលតែមួយ វាអាចផ្តល់ជាប្រយោជន៍ដល់សុខភាពយ៉ាងអស្ចារ្យ។ ទឹកឃ្មុំត្រូវបានគេប្រើប្រាស់សម្រាប់ប្រយោជន៍ចំពោះសុខភាពដោយសារតែ វាមានសមត្ថភាពសម្លាប់បាក់តេរី ជាអង់ទីអុកស៊ីដង់ និងសម្លាប់មេរោគផ្សិតបាន ប្រឆាំងការរលាក និងល្អសម្រាប់បញ្ហាផ្លូវដង្ហើម។
ម្យ៉ាងវិញទៀត ទឹកឃ្មុំត្រូវបានគេរកឃើញថាមានជាតិរ៉ែ និងវីតាមីន ដែលអាចជួយឲ្យមានប្រយោជន៍យ៉ាងខ្លាំង។ យ៉ាងណាមិញ ការញ៉ាំទឹកឃ្មុំជាមួយគ្នានឹងទឹកឃ្មុំ អាចផ្តល់ជាប្រយោជន៍ដូចខាងក្រោមនេះ៖
ម្យ៉ាងវិញទៀត ទឹកឃ្មុំត្រូវបានគេរកឃើញថាមានជាតិរ៉ែ និងវីតាមីន ដែលអាចជួយឲ្យមានប្រយោជន៍យ៉ាងខ្លាំង។ យ៉ាងណាមិញ ការញ៉ាំទឹកឃ្មុំជាមួយគ្នានឹងទឹកឃ្មុំ អាចផ្តល់ជាប្រយោជន៍ដូចខាងក្រោមនេះ៖
សម្លាប់បាក់តេរី
ការស្រាវជ្រាវបានបង្ហាញថា ទឹកឃ្មុំ និងទឹកដោះគោមានប្រយោជន៍យ៉ាងខ្លាំងទៅលើការសម្លាប់បាក់តេរី Stapylococcus។ វាក៏ត្រូវបានគេជឿថា ការបន្ថែមទឹកឃ្មុំជាមួយទឹកដោះគោក្តៅៗ អាចព្យាបាលការទល់លាមក ផោមច្រើន និងបញ្ហាក្នុងពោះវៀនដែរ។ អ្វីដែលល្អទៀតនោះគឺព្យាបាលបញ្ហាផ្លូវដង្ហើមដូចជា ក្អក និងផ្តាសាយ។
ប្រឆាំងភាពចាស់
ការប្រើប្រាស់ទឹកឃ្មុំ និងទឹកដោះគោលើស្បែកជាទៀងទាត់ អាចបន្ថយភាពចាស់ ខណៈពេលដែលវាអាចបន្ថយភាពជ្រួញលើស្បែកដែរ។ ការធ្វើម៉ាសបិតមុខដោយប្រើទឹកឃ្មុំនិងទឹកដោះគោគឺមានប្រសិទ្ធភាពយ៉ាងល្អសម្រាប់សុខភាពស្បែកខាងក្រៅ។ នេះដោយសារតែអង់ទីអុកស៊ីដង់របស់វាអាចបន្សាបរ៉ាឌីកាល់សេរីលើស្បែកបាន ជាពិសេសបំបាត់ភាពជ្រួញ និងការចាស់របស់ស្បែកតែម្តង។
សុខភាពឆ្អឹង
ការស្រាវជ្រាវបាននិយាយថា ទឹកឃ្មុំដើរតួនាទីជាអ្នកដឹកជញ្ជូនជីវជាតិពីចំណាយអាហារចូលចរន្តឈាមបាន។ ទឹកឃ្មុំខ្លួនឯងអាចជួយបឺតស្រូបជាតិកាលស្យូមពីទឹកដោះចូលទៅក្នុងចរន្តឈាមកាន់តែល្អ។ ហេតុដូច្នេះហើយនៅពេលញ៉ាំចូលគ្នា អ្នកនឹងទទួលបានសុខភាពឆ្អឹងកាន់តែល្អប្រសើរ ព្រមទាំងបន្ថយការពុកឆ្អឹង និងរលាកសន្លាក់ថែមទៀត។
បង្កើនថាមពលក្នុងខ្លួន
ការញ៉ាំទឹកដោះគោលាយទឹកឃ្មុំរាល់ព្រឹកត្រូវបានគេជឿថា អាចពង្រឹងដល់ថាមពលរបស់មនុស្សបាន។ ទឹកដោះគោផ្ទុកទៅដោយជាតិប្រូតេអ៊ីន ខណៈពេលដែលទឹកឃ្មុំមានកាបូអ៊ីដ្រាតសំខាន់ៗ ដែលជាតម្រូវការក្នុងការរំលាយអាហារឲ្យមានប្រសិទ្ធភាព។ ប្រូតេអ៊ីនដែលបានមកពីទឹកដោះគោនឹងរំលាយក្លាយទៅជា អាស៊ីតអាមីណេ ដើម្បីរាងកាយប្រើប្រាស់បង្កើតទៅជាថាមពល។
ជួយដល់ការរំលាយអាហារ
ទឹកឃ្មុំដើរតួនាទីក្នុងការចិញ្ចឹមបាក់តេរីល្អៗក្នុងពោះវៀន។ នៅពេលទឹកដោះគោត្រូវបានញ៉ាំរាល់ថ្ងៃជាមួយនឹងទឹកឃ្មុំពីរបីដំណក់បន្ថែមទៀត វានឹងជួយស្តារបាក់តេរីល្អៗនេះឡើងវិញ ដើម្បីជួយដល់ការរំលាយអាហារកាន់តែល្អឡើងវិញ។ ដូច្នេះហើយ ការញ៉ាំភេសជ្ជៈទាំងនេះចូលគ្នាទៀងទាត់ នឹងជួយថែរក្សាសុខភាពក្រពះពោះវៀន បានតាមរយៈការលុបបំបាត់ការហើមពោះ ទល់លាមក និងការឈឺពោះបែបរមួលៗបាន។
តើទឹកឃ្មុំអាចបង្កជាការពុលទេនៅពេលលាយញ៉ាំជាមួយទឹកដោះគោក្តៅឧណ្ហៗ?
ទឹកឃ្មុំមិនអាចធ្វើឲ្យពុលឡើងនៅពេលលាយជាមួយនឹងទឹកដោះគោក្តៅឧណ្ហៗ។ ប៉ុន្តែ ទឹកឃ្មុំមិនគួរណាកម្តៅជាង ៦០អង្សារឡើយ ព្រោះកាលណាក្តៅដល់កម្រិតនេះ វានឹងបង្កើតជាជាតិពុលមួយប្រភេទឈ្មោះថា Hydroxymethyl Furfuraldenhyde (HMF) បាន។ អ្នកអាចបន្ថែមទឹកឃ្មុំច្រើនទៅតាមអ្នកចង់បាន ទៅក្នុងទឹកដោះគោក្តៅឧណ្ហៗ៕
ត្រួតពិនិត្យដោយ www.health.com.kh
ត្រួតពិនិត្យដោយ www.health.com.kh
© រក្សាសិទ្ធិដោយ thmeythmey.com
