ជាតិ
ចាប់ចិនជាង១០០នាក់ នៅព្រះសីហនុ ពីបទល្មើសជំរិតទារប្រាក់តាមអ៊ីនធឺណិត ជនសង្ស័យដែលឃាត់ខ្លួនបាន២
×
ជនជាតិចិន១៨០នាក់នៅខេត្តព្រះសីហនុ ត្រូវសមត្ថិច្ចឃាត់ខ្លួន ពាក់ព័ន្ធបទល្មើសជំរិតទារប្រាក់តាមប្រព័ន្ធអ៊ីនធឺណិត Voice Over Internet Protocol (VOIP) កាលពីថ្ងៃទី១៤ ខែសីហា ឆ្នាំ២០១៩។
លោក ជួន ណារិន្ទ ស្នងការនគរបាលខេត្តព្រះសីហនុ បានប្រាប់សារព័ត៌មានថ្មីៗ តាមទូរស័ព្ទនៅព្រឹកថ្ងៃទី១៥សីហានេះថា ក្នុងចំណោមជនជាតិចិនទាំងនោះ មាន១២៨នាក់ ដែលពាក់ព័ន្ធនឹងករណីជម្រិតទាកប្រាក់តាមប្រព័ន្ធអ៊ីនធឺណិត ហើយត្រូវបានបញ្ជូនទៅកាន់នាយកដ្ឋានប្រឆាំងបទល្មើសល្បែងពាណិជ្ជកម្មនៅភ្នំពេញ ចំណែកអ្នកដទៃ ត្រូវបានដោះលែងវិញ ក្រោយពិនិត្យទៅឃើញថា មិនពាក់ព័ន្ធ។ លោក បានបញ្ជាក់ថា បច្ចុប្បន្ន ស្ថាប័ន្ធខាងលើ កំពុងដោះស្រាយនិងសួរនាំបន្តតាមនីតិវិធី។
ការចុះបង្ក្រាបនេះធ្វើឡើងលើទីតាំងចំនួនពីរកន្លែង ដែលទីតាំងទីមួយ នៅអគារ៥ជាន់ ស្ថិតនៅក្រុម២៦ ភូមិ២ សង្កាត់៤ និងទីតាំងទី២ នៅវីឡាតឿរ៉ូយ៉ាល់ព្រីនសេស ក្រុម៤ ភូមិ៣ សង្កាត់២ ដែលស្ថិតក្នុងក្រុងព្រះសីហនុទាំងពីរទីតាំង៕
© រក្សាសិទ្ធិដោយ thmeythmey.com