តំណាងសាកលវិទ្យាល័យ La Trobe នឹងមកធ្វើទស្សនកិច្ចនៅទីក្រុងភ្នំពេញ នៅថ្ងៃទី ៣០ ខែសីហាឆ្នាំ ២០១៩ ដើម្បីផ្តល់ព័ត៌មានស្តីពីការស្វែងរកវគ្គសិក្សា ដែលសមស្របនឹងតម្រូវការរបស់អ្នក ទាក់ទងពីរបៀបដាក់ពាក្យ តម្លៃសិក្សា ព័ត៌មានអាហារូបករណ៍ ប្រព័ន្ធគាំទ្រសិស្សនិស្សិតអន្តរជាតិ និងពត៌មានជាច្រើនទៀត។ វគ្គបទបង្ហាញនេះនឹងរៀបចំឡើងដោយ ស្ថាប័នអប់រំ IDP កម្ពុជាហើយនឹងធ្វើឡើងនៅសាលា ACE សាខាទួលទំពូងចាប់ពីម៉ោង ២ រសៀលដល់ ៦ល្ងាច។
IDP Education គឺជាស្ថាប័នធំជាងគេបង្អស់លើពិភពលោកដែលបានដើរតួនាទីក្នុងការបញ្ជូនសិស្ស និស្សិត ទៅសិក្សានៅប្រទេសអូស្ត្រាលី នូវែលសេឡង់ កាណាដា អាមេរិក អង់គ្លេស និងអៀរឡង់ ជាមួយនឹងការិយាល័យជាង ១០០ កន្លែង នៅច្រើនជាង ៣០ ប្រទេសជុំវិញពិភពលោក។
«ជាច្រើនទសវត្សរ៍មកហើយ ដែលប្រទេសអូស្ត្រាលីជាទិសដៅសិក្សាមួយ ដែលមានប្រជាប្រិយភាពសម្រាប់សិស្ស និស្សិត និងអាណាព្យាបាលកម្ពុជា ដើម្បីឱ្យពួកគេជ្រើសរើសទៅបំពេញក្តីស្រមៃការសិក្សា និង ត្រួសត្រាយផ្លូវឆ្ពោះទៅរកអាជីពដែលពួកគេប្រាថ្នា នៅពេលពួកគេត្រឡប់មកប្រទេសកម្ពុជាវិញ។ ប្រទេសអូស្ត្រាលីផ្តល់ឱ្យសិស្ស និស្សិតនូវការអប់រំប្រកបដោយស្តង់ដាពិភពលោកគ្រប់កម្រិត និងត្រូវបានគេទទួលស្គាល់ជាអន្តរជាតិ»។ នេះបើតាមប្រសាសន៍លោក ម៉ៅ ស្រេង នាយកស្ថាប័នអប់រំ IDP ប្រចាំប្រទេសកម្ពុជា។
ស្វែងយល់ពីលទ្ធភាពដែលគ្មានទីបញ្ចប់របស់ La Trobe ដែលផ្តល់ជូននូវការជួបពិភាក្សាផ្ទាល់ជាមួយអ្នកតំណាងពី La Trobe មកពីផ្នែកពាណិជ្ជកម្ម វិស្វកម្ម និងបច្ចេកវិទ្យាព័ត៌មាន ព្រមទាំងអតីតសិស្សនិស្សិត La Trobe ទៀតផង។ ព្រឹត្តិការណ៍នេះ ក៏នឹងអនុញ្ញាតឱ្យអ្នកទទួលបានបទពិសោធន៍ពីការទស្សនាថ្នាក់បទបង្ហាញបែបអូស្ត្រាលីរបស់សាកលវិទ្យាល័យ La Trobe។
សាកលវិទ្យាល័យ La Trobe ផ្តល់ជូននូវមុខវិជ្ជាជាច្រើនដូចជា៖
អាជីវកម្ម និង ពាណិជ្ជកម្ម
ព័ត៌មានវិទ្យា វិស្វកម្ម វិទ្យាសាស្ត្រកុំព្យូទ័រ និងសន្តិសុខសុវត្ថិភាពតាមប្រព័ន្ធអ៊ីនធឺណិត
ច្បាប់ និងវិទ្យាសាស្ត្រ
សិល្បៈ និងវិទ្យាសាស្ត្រសង្គម
ការទំនាក់ទំនង
ការអប់រំ និងការបង្រៀន (បឋមសិក្សា និងអនុវិទ្យាល័យ)
ភាសានិង ការបង្រៀនអង់គ្លេស
វិទ្យាសាស្ត្រសុខភាពទន្តសាស្ត្រនិងសុខភាពមាត់
គិលានុបដ្ឋាយិកា ឆ្មប និងគ្រូពេទ្យព្យាបាល
ចិត្តវិទ្យា ការប្រឹក្សានិងការងារសង្គម។
សុខភាពឌីជីថល
សាកលវិទ្យាល័យ La Trobe ផ្តល់នូវបទពិសោធន៍ផ្ទាល់ខ្លួនដែលអភិវឌ្ឍន៍គ្រប់ផ្នែករបស់អ្នក។ យើងបង្រៀនអ្នកនូវជំនាញបច្ចេកទេសនៃការងារ ក្នុងសុបិនរបស់អ្នក តាមរយៈវគ្គសិក្សាដែលត្រូវបានរចនាឡើងជាមួយផ្នែកឧស្សាហកម្មនេះ។ យើងផ្តល់ជូននូវការសិក្សា រួមបញ្ចូលទាំងការងារ ដើម្បីបង្កើតបទពិសោធន៍វិជ្ជាជីវៈរបស់អ្នក។ ហើយយើងជួយអ្នកអភិវឌ្ឍន៍ជំនាញគុណតម្លៃរបស់និយោជិតភាគច្រើន ដូចជា ចំណង់ចំណូលចិត្ត ភាពអត់ធ្មត់ ការយល់ចិត្ត និងការចង់ដឹងចង់ឃើញ។
សាលាធុរកិច្ចរបស់ La Trobe ត្រូវបានទទួលស្គាល់ដោយសមាគមសាលាអាជីវកម្ម (AACSB)ហើយយើងគឺជាសាលាអាជីវកម្មមួយក្នុងចំណោមប្រាំភាគរយនៃសាលាធុរកិច្ចទូទាំងពិភពលោក ដែលបានទទួលស្គាល់ជា AACSB ហើយ។ La Trobe គឺមានស្តង់ដារពិភពលោកសម្រាប់ថ្នាក់ធនាគារ ហិរញ្ញវត្ថុនិងការស្រាវជ្រាវលើការវិនិយោគ ដែលជាផ្នែកមួយនៃកំពូលទាំងបួននៅក្នុងប្រទេសអូស្ត្រាលី។
កុំខកខានព្រឹត្តិការណ៍ដ៏ពិសេសនេះ ប្រសិនបើអ្នកចាប់អារម្មណ៍ចង់ស្វែងយល់បន្ថែមអំពីការសិក្សានៅក្រៅប្រទេស ។សូមចូលទៅកាន់ការិយាល័យ IDP នៅគ្រប់សាខាសាលា ACE ក្នុងរាជធានីភ្នំពេញនិងខេត្តសៀមរាប ដើម្បីទទួលបានការប្រឹក្សាយោបល់ដោយឥតគិតថ្លៃ៕
(អត្ថបទពាណិជ្ជកម្ម)