ការឡើងទម្ងន់ គឺជាបញ្ហាមួយដែលមនុស្សភាគច្រើនកំពុងមានការព្រួយបារម្ភ។ ក្រៅពីការធ្វើលំហាត់ប្រាណទៀងទាត់ហើយនោះរបបអាហារក៏ដើរតួនាទីយ៉ាងសំខាន់ក្នុងការដុតបំផ្លាញជាតិខ្លាញ់ដែលលើស។ ប៉ុន្តែថាតើអាហារនិងភេសជ្ជៈអ្វីខ្លះទៅជួយឱ្យស្រកទម្ងន់បានយ៉ាងឆាប់រហ័សដោយមិនប៉ះពាល់ដល់សុខភាព?
កុំបារម្ភ! ថ្ងៃនេះយើង នឹងបង្ហាញឲ្យដឹងពីអ្វីដែលអ្នកគួររួមបញ្ចូលក្នុងរបបអាហារប្រចាំថ្ងៃដើម្បីស្រកទម្ងន់ ៖
១. ប្រេងដូង
ជាប្រភពដ៏ប្រសើរនៃជាតិខ្លាញ់សុខភាពល្អដែលជួយឱ្យឆ្អែតបានយូរចៀសផុតការទទួលទានច្រើនហួស។ គ្រាន់តែទទួលទានប្រេងដូង ២ ស្លាបព្រាបាយក្នុងមួយថ្ងៃ ហើយអ្នកនឹងអាចស្រកទម្ងន់ដូចការប៉ងទុកជាមិនខាន។
២. ប៉េងប៉ោះ
នោះក៏ព្រោះតែប៉េងប៉ោះមានផ្ទុកសម្បូរទៅដោយសារធាតុ lycopene រួមទាំងជាតិសរសៃដែលជួយពន្លឿនការដុតរំលាយអាហារក្នុងរាងកាយនិងធ្វើឱ្យឆ្អែតបានយូរ។
៣. ដំឡូងបារាំង
មនុស្សភាគច្រើនគិតថាការទទួលទានដំឡូងបារាំងធ្វើឱ្យធាត់ ប៉ុន្តែតាមពិតទៅអាហារនេះប្រសើរណាស់សម្រាប់អ្នកចង់ស្រកទម្ងន់ នោះក៏ព្រោះវាមានផ្ទុកជាតិទឹកពី ៧០ ដល់ ៨០ ភាគរយជួយឲ្យឆាប់ឆ្អែត។ ប៉ុន្តែត្រូវប្រាកដថាអ្នកមិនទទួលទានវាលាយជាមួយបឺរ និងជាតិខ្លាញ់ ឬអាហារបន្ថែមរសជាតិណាមួយដែលសម្បូរទៅដោយជាតិកូឡេស្តេរ៉ូល។
៤. ផ្លែបឺរ
មានផ្ទុកសម្បូរទៅដោយជាតិខ្លាញ់សុខភាពល្អ monounsaturated ប្រូតេអ៊ីន ជាតិសរសៃ និងសារធាតុចិញ្ចឹមដែលផ្ដល់អត្ថប្រយោជន៍ចាំបាច់ជាច្រើនពិសេសកំឡុងពេលអ្នកព្យាយាមសម្រកទម្ងន់។ ផ្លែបឺរក៏ជាប្រភពនៃអាស៊ីតខ្លាញ់ oleic ដែលជួយធ្វើអោយអ្នកឆាប់ឆ្អែត និងបានយូរផងដែរ។
៥. ខ្ញី
ជាភ្នាក់ងារ thermogenic ដែលមានប្រសិទ្ធិភាពបង្កើនការរំលាយអាហារនិងដុតរំលាយជាតិខ្លាញ់បានយ៉ាងប្រសើរតាមរយៈការបង្កើនសីតុណ្ហភាពក្នុងរាងកាយ។ ដូច្នេះប្រសិនបើអ្នកចង់ស្រកខ្លាញ់ក្បាលពោះបានឆាប់កុំភ្លេចបន្ថែមខ្ញី ឬតែខ្ញីក្នុងរបបអាហារប្រចាំថ្ងៃ។
៦. តែបៃតង
ជាភេសជ្ជៈដ៏ល្អបំផុតមួយសម្រាប់ការដុតរំលាយអាហារក្នុងរាងកាយ។ តែបៃតងមានផ្ទុកសម្បូរទៅដោយសារធាតុប្រឆាំងអុកស៊ីតកម្មដែលកម្ចាត់រ៉ាឌីកាល់សេរីពីរាងកាយទប់ស្កាត់ការស្តុកទុកនូវជាតិខ្លាញ់។
៧. ទឹកក្រូចឆ្មារ
សារធាតុ polyphenol និងវីតាមីន C ដែលមានផ្ទុកក្នុងក្រូចឆ្មារអាចជួយឱ្យអ្នកស្រកទម្ងន់បានយ៉ាងងាយជៀសផុតពីជំងឺធាត់ជ្រុល។ អ្វីដែលអ្នកត្រូវធ្វើ គឺគ្រាន់តែលាយទឹកក្រូចឆ្មារស្រស់ ២ ស្លាបព្រាកាហ្វេ និងទឹកឃ្មុំ ១ ស្លាបព្រាកាហ្វេក្នុងទឹកក្ដៅឧណ្ហៗ ១ កែវ។ កូរឱ្យសព្វសឹមទទួលទាននៅពេលពោះទទេមិនទាន់ទទួលទានអ្វីកំឡុងពេលព្រឹក។
៨. ទឹកដូង
ទឹកដូងមានផ្ទុកបរិមាណជាតិខ្លាញ់ទាបបំផុត ដូច្នេះទើបវាជាជម្រើសនៃភេសជ្ជៈដ៏ប្រសើរសម្រាប់អ្នកចង់ស្រកទម្ងន់។ វាក៏ជួយកាត់បន្ថយចំណង់អាហារ និងធ្វើឱ្យអ្នកមានអារម្មណ៍ឆ្អែតបានយូរផងដែរ៕
ត្រួតពិនិត្យដោយ www.health.com.kh