លោក ហង់ ជួន ណារ៉ុន៖ វិញ្ញាសាប្រឡង មាន៦កម្រិតទៅតាមពុទ្ធិបេក្ខជន

ជាតិ

បាក់ឌុប

សង្គមជាតិ

លោក ហង់ ជួន ណារ៉ុន៖ វិញ្ញាសាប្រឡង មាន៦កម្រិតទៅតាមពុទ្ធិបេក្ខជន

21, Aug 2019 , 7:19 am

រូបភាព

រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួន ណារ៉ុន

ដោយ: រំដួល ចិត្រា (Romdoul Chetra)

ភ្នំពេញ៖ ការចេញវិញ្ញាសាប្រឡង គឺមាន៦កម្រិត ផ្អែកទៅលើពុទ្ធិបេក្ខជន។ នេះជាការបញ្ជាក់របស់រដ្ឋមន្ត្រីក្រសួងអប់រំ យុវជន និងកីឡា លោក ហង់ ជួន ណារ៉ុន ដែលឆ្លើយតបទៅនឹងមតិរិះគន់របស់សាធារណជនថា ការប្រឡងមានការរឹតបន្តឹង ដើម្បីបំភាន់ភ្នែកមហាជន ខណៈវិញ្ញាសាចេញប្រឡងធូររលុង ដែលអាចឱ្យបេក្ខជនងាយស្រួលយកពិន្ទុបាន។

លោក ហង់ ជួន ណារ៉ុន បាននិយាយថា រាល់ការចេញវិញ្ញាសាប្រឡងម្ដងៗ គឺក្រសួងអប់រំ រៀបចំសំណួរដោយផ្អែកទៅលើការចងចាំ, សំណួរបែបវិភាគ និងការវិវត្តនៅក្នុងសង្គម និងសកលលោកជាដើម។ ក្នុងន័យនេះ លោក ហង់ ជួន ណារ៉ុន បានពន្យល់ថា សំណួរបែបចង់ចាំ គឺផ្ដោតទៅលើសកម្មភាព និងពេលវេលា ដែលបានចារទុកក្នុងប្រវត្តិសាស្ត្ រនៃមេរៀន។ រីឯសំណួរបែបពិចារណាវិញ គឺឱ្យបេក្ខជនចេះរកមូលហេតុ ដែលនាំឱ្យមានព្រឹត្តិការណ៍អ្វីមួយកើតឡើង នៅក្នុងសង្គមជាដើម។

ជាបន្តសូមលោកអ្នកនាង ស្ដាប់ការបកស្រាយរបស់លោក ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ដែលផ្ដល់កិច្ចសម្ភាសផ្ដាច់មុខដល់សារព័ត៌មានថ្មីៗ ដូចតទៅ៖

អះអាងបែបនេះហើយ រដ្ឋមន្ត្រីអប់រំ បាននិយាយតបថា សំណួរដែលក្រសួងចេញប្រឡង៥ឆ្នាំមកនេះ ក៏មិនប្រាកដថាមានបេក្ខជន អាចឆ្លើយត្រូវទាំងអស់ ដូចការរិះគន់នោះទេ។ «បើយើងមើលទៅសំនួរទី១ (នៅក្នុងវិញ្ញាសាប្រឡង) មិនសូវពិបាកឆ្លើយនោះទេ ប៉ុន្តែបានពិន្ទុតិច។ ប៉ុន្តែសំណួរទី៥ គឺពិបាកឆ្លើយ ហើយបានពិន្ទុច្រើន។ ជារួមតែងតែមានមតិ (រិះគន់)ហើយ។ អ៊ីចឹងចំពោះសិស្សខ្សោយ សំណួរ(ប្រឡង)គឺពិបាកហើយ ។ ចំពោះសិស្សពូកែវិញ សំណួរហ្នឹង គឺវាស្រួល(ឆ្លើយ)។ ដូច្នេះការប្រឡង (ក្រសួង) ត្រូវជ្រើសរើសកម្រិត(សំណួរ)លំបាកមធ្យម ទាំងសម្រាប់សិស្សពូកែ ដើម្បីទទួលបាននិទ្ទេសA និងទាំងសម្រាប់សិស្សខ្សោយ»។ នេះជាការពន្យល់របស់លោក ហង់ ជួន ណារ៉ុន៕