អត្ថបទពាណិជ្ជកម្ម
ក្រុមហ៊ុន សារ៉ាយ៉ាកម្ពុជា រៀបចំសិក្ខាសាលាស្តីពី«ការធ្វើអនាម័យដៃដែលត្រឹមត្រូវ»ដើម្បីចូលរួមលើកកម្ពស់សុខុមាលភាពពលរដ្ឋកម្ពុជា
× ថ្ងៃទី២១ ខែសីហា ឆ្នាំ២០១៩ ៖ ក្រុមហ៊ុន សារ៉ាយ៉ាកម្ពុជា ដែលជាក្រុមហ៊ុនផ្តល់សារៈយ៉ាងខ្លាំងទៅលើផ្នែកអនាម័យ បានរៀបចំសិក្ខាសាលាស្ដីអំពី «របៀបនៃការធ្វើអនាម័យដៃយ៉ាងត្រឹមត្រូវ ដើម្បីកាត់បន្ថយអត្រានៃការចម្លងរោគក្នុងមូលដ្ឋានព្យាបាល និងថែទាំសុខភាពនៅកម្ពុជា»។សិក្ខាសាលានេះ រៀបចំឡើងនៅភោជនីយដ្ឋានទន្លេបាសាក់២ និងមានការចូលរួមភ្ញៀវកិត្តិយស និងវត្តមានពីក្រុមគ្រូពេទ្យយ៉ាងច្រើន ពិសេសវាគ្មិនដែលបទពិសោធន៍ ដែលបានបកស្រាយពីរបៀបនៃការធ្វើអនាម័យដៃយ៉ាងត្រឹមត្រូវ ក៏ដូចជាផលប៉ះពាល់នៃខ្វះខាតនៃការធ្វើអនាម័យនេះ។
ដោយសារតែមើលឃើញពីកង្វះខាតនៃការធ្វើអនាម័យដៃរបស់ប្រជាពលរដ្ឋខ្មែរ ទើបក្រុមហ៊ុនសារ៉ាយ៉ា ដែលជាក្រុមហ៊ុនក្នុងការជួយជ្រោមជ្រែងឲ្យមានការកើនឡើងនូវអនាម័យជុំវិញពិភពលោក ពិសេសផ្ដោតសំខាន់ទៅលើផ្នែកអាម័យ៤ សំខាន់ ដូចជាចំណីអាហារ អនាម័យសាធារណៈ អនាម័យផ្នែកសុខាភិបាល និងការប្រើប្រាស់អនាម័យក្នុងផ្ទះ រៀបចំសិក្ខាសាលាស្ដីអំពី«របៀបនៃការធ្វើអនាម័យដៃយ៉ាងត្រឹមត្រូវ ដើម្បីកាត់បន្ថយអត្រានៃការចម្លងរោគក្នុងមូលដ្ឋានព្យាបាល និងថែទាំសុខភាពនៅកម្ពុជា» នេះឡើង។
ក្រុមហ៊ុនសារ៉ាយ៉ា បានសង្កេតឃើញថា កង្វះអនាម័យ បានធ្វើឲ្យរបស់បងប្អូនប្រជាពលរដ្ឋងាយនឹងឆ្លងជំងឺ ហើយពេលខ្លះមានជំងឺតិចតូច បានរាលដាលតែកាន់តែធ្វើធ្ងន់ឡើង។
កញ្ញា UMEZAWA បានលើកឡើងក្នុងបទបង្ហាញរបស់ខ្លួនថា ក្នុងឆ្នាំ២០១៥ មានអ្នកជំងឺ ៣,២៦៣ នាក់ ដែលចូលមន្ទីរពេទ្យ ក្នុងនោះអ្នកជំងឺ១០២ អ្នកបានធ្លងនៅមេរោគ HAI (ដែលជាមេរោគអ្នកជំងឺឆ្លងពេលនៅមន្ទីរពេទ្យ ដោយការធ្វេសប្រហែលនូវការធ្វើអនាម័យដៃ)។ ក្នុងនោះ អត្រានៃឆ្លង ៤.៦ ក្នុងអ្នកជំងឺ ១,០០០ ក្នុងមួយថ្ងៃ។ បើតាម កញ្ញា UMEZAWA ជាធម្មតា នៅពេលដែលធ្លងនៅមេររោគ HAI អាចធ្វើឲ្យអ្នកជំងឺ ស្នាក់នៅមន្ទីរពេទ្យរហូតដល់ ២៥ ថ្ងៃ ខណៈអ្នកដែលគ្មានមេរោគ HAI ស្នាក់នៅត្រឹមតែ ២ថ្ងៃប៉ុណ្ណោះ។ តាមការប៉ាន់ស្មាន ការចំណាយទៅលើអ្នកឆ្លងមេរោគ HAI ទាំង ១០២ នាក់នេះមា នតម្លៃជិត ៣០ ម៉ឺនដុល្លារ។
កញ្ញា UMEZAWA ក៏បានបន្ថែមថា៖« ពិភពលោក នឹងមានអ្នកជំងឺស្លាប់ ប្រមាណ ១០លាននាក់ ក្នុងឆ្នាំ២០៥០ ដោយសារការឆ្លង HAI នេះ ហើយអត្រា GDP ក៏ធ្លាក់ចុះពី ២ ភាគរយ ទៅ ៣.៥ ភាគយ ព្រមទាំងខាតបង់សេដ្ឋកិច្ចជុំវិញពិភពលោក ១០០ លានដុល្លារ បើសិនជាគ្មានចំណាត់ការចំពោះការធ្វើអនាម័យដៃបានត្រឹមត្រូវទេនោះ នៅពេលអ្នកជំងឺចូលមន្ទីរពេទ្យម្ដងៗនោះ»។
នៅក្នុងសិក្ខាសាលានោះដែរ លោក Ryu Matsumoto នាយកគ្រប់គ្រងរបស់ក្រុមហ៊ុនសារ៉ាយ៉ាបានប្រសាសន៍ដែរថា ក្រុមហ៊ុនសារ៉ាយ៉ា គឺមានគោលដៅធ្វើយ៉ាងណា ឲ្យអនាម័យលើពិភពលោក មានភាពប្រសើរឡើង ហើយដើម្បីសម្រេចបាននូវគោលដៅនេះ ក្រុមហ៊ុនរបស់លោកបានពង្រីកដៃគូរបស់ខ្លួន ដល់ទៅ ២៥ ប្រទេស ដើម្បីផ្គត់ផ្គង់ផលិតផលដើម។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com