អត្ថបទពាណិជ្ជកម្ម
ក្រុមហ៊ុន ខេមបូឌាន ដេរីវ៉េទីវ អុិចឆេង និងសមាគមធានារ៉ាប់រងកម្ពុជា រួមគ្នារៀបចំសិក្ខាសា លាស្ដីពី«វិស័យឧបករណ៍និស្សន្ទ និងវិស័យធានារ៉ាប់រង»
× ក្រុមហ៊ុន ខេមបូឌាន ដេរីវ៉េទីវ អុិចឆេង (CDX) និងសមាគមធានារ៉ាប់រងកម្ពុជា (IAC) បានសហការគ្នា រៀបចំសិក្ខាសាលាមួយក្រោមប្រធានបទ «ការរួបរួមគ្នាដើម្បីភាពល្អប្រសើរ នៃវិស័យឧបករណ៍និស្សន្ទ និងវិស័យធានារ៉ាប់រង»។ សិក្ខាសាលានេះ ត្រូវបានរៀបចំនៅថ្ងៃព្រហស្បតិ៍ ទី២២ ខែសីហា សណ្ឋាគារ Sofitel Phnom Penh Phokeethra ក្រោមអធិបតីភាព លោក ស៊ូ សុជាតិ អគ្គនាយកនៃគណៈកម្មការមូលបត្រកម្ពុជា ព្រមទាំងមានការចូលរួមពីមន្ត្រីរាជការ និងថ្នាក់ដឹកនាំនៃក្រុមហ៊ុនហិរញ្ញវត្ថុធំៗផងដែរ។ សិក្ខាសាលានេះ គឺជាកំណត់ត្រាលើកទីមួយ ដែលក្រុមហ៊ុនធំៗពីរ មកពីផ្នែកពីរផ្សេងគ្នាគឺ ឧបករណ៍និស្សន្ទ និងធានារ៉ាប់រង បានពួតដៃគ្នាលើកស្ទួយការវិនិយោគ។
សិក្ខាសាលានេះ ជាការរៀបចំយ៉ាងពិសេស ដើម្បីផ្តល់នូវតំណភ្ជាប់ រវាងវិស័យទាំងពីរ និងឱកាសអាជីវកម្ម សម្រាប់វិស័យធានារ៉ាប់រង។ សិក្ខាសាលានេះ ក៏បានផ្តល់នូវចំណេះដឹង អំពីការវិនិយោគ ក៏ដូចជាជំនាញ ព្រមទាំងបង្ហាញអំពីជម្រើសផ្សេងៗ នៃការវិនិយោគ និងយុទ្ធសាស្ត្រសម្រាប់ការជួញដូរ ដែលនាំឲ្យទទួលបានប្រាក់ចំណេញខ្ពស់។
លោក Lawrence Kook អភិបាលនៃក្រុមហ៊ុន ខេមបូឌាន ដេរីវ៉េទីវ អុិចឆេង បានសម្តែងក្តីត្រេកអរ ចំពោះកិច្ចសហការរវាង ក្រុមហ៊ុន ខេមបូឌាន ដេរីវ៉េទីវ អុិចឆេង និងសមាគមធានារ៉ាប់រងកម្ពុជា។ លោក Lawrence Kook ជឿជាក់ថា តាមរយៈកិច្ចសហការនេះ ឱកាសវិនិយោគ និងលទ្ធផលវិជ្ជមានផ្សេងៗទៀត នឹងត្រូវបានបង្ហាញកាន់តែទូលំទូលាយ។ លោក Lawrence Kook ក៏បានថ្លែងអំណរគុណចំពោះ លោក ស៊ូ សុជាតិ អគ្គនាយកនៃគណៈកម្មការមូលបត្រកម្ពុជា ដែលបានផ្តល់នូវកិត្តិយសក្នុងការថ្លែងសុន្ទរកថា បើកសិក្ខាសាលា និងចំពោះការដឹកនាំ ក្នុងការអភិវឌ្ឍន៍ទីផ្សារឧករណ៍និស្សន្ទនៅកម្ពុជា ដែលបង្កើតជាមូលដា្ឋនគ្រឹះ អនុញ្ញាតឲ្យក្រុមហ៊ុនឧបកណ៍និស្សន្ទ មានភាពរួចរាល់ សម្រាប់ពង្រីកវិសាលភាពអាជីវកម្ម និងដៃគូ សហប្រតិបត្តិការ។
ការផ្តល់ចំណេះដឹង និងជំនាញ នៃការវិនិយោគដល់សាធារណជន គឺជាបេសកកម្មចម្បងរបស់ក្រុមហ៊ុន ខេមបូឌាន ដេរីវ៉េទីវ អុិចឆេង។ កាលពីឆ្នាំ២០១៨កន្លងទៅ ក្រុមហ៊ុន ខេមបូឌាន ដេរីវ៉េទីវ អុិចឆេង គឺជាក្រុមហ៊ុនសមភាគីកណ្តាលតែមួយគត់ ដែលបានមានវត្តមាននៅគ្រប់គោលដៅទាំងអស់ នៃសិក្ខាសិលាតាមបណ្ដាខេត្ត ជាមួយគណៈកម្មការមូលបត្រកម្ពុជា។ ក្នុងឆ្នាំនេះ ក្រុមហ៊ុន ខេមបូឌាន ដេរីវ៉េទីវ អុិចឆេង ក៏មានគោលដៅរៀបចំសិក្ខាសាលា នៅគ្រប់បណ្ដាខេត្តក្រុងទាំងអស់នៅកម្ពុជា ហើយនឹងចូលរួមក្នុងពិព័រណ៌ខ្នាតអន្តរជាតិដ៏ធំមួយ នៅទីក្រុងឡុងដ៍ នៃចក្រភពអង់គ្លេស ជាថ្មីម្ដងទៀត នៅក្នុងពេលប៉ុន្មានខែខាងមុខនេះ៕
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com