កីឡាជាតិ
ជាតិ
បុរសជនជាតិខ្មែរ ដឹកនាំក្រុមតេក្វាន់ដូអ៊ុយក្រែន ប្រជែងមេដាយពិភពលោកនៅប៊ុលហ្គារី
× ប៊ុលហ្គារី៖ លោកអ៊ុក ចាន់ដារា ជនជាតិខ្មែររស់នៅប្រទេសអ៊ុយក្រែន បានទៅចូលរួមប្រកួតកីឡាតេក្វាន់ដូ ITF នៅប្រទេសប៊ុលហ្គារី នៃព្រឹត្តិការណ៍ពិភពលោក World ITF Taekwon-do Championship ដែលចាប់ផ្តើមពីថ្ងៃទី២៤ ដល់ថ្ងៃទី៣០ ខែសីហា ឆ្នាំ២០១៩។
គ្រូបង្វឹកខ្សែក្រវាត់ខ្មៅ៦ដាន់ដែលទៅរស់នៅអ៊ុយក្រែនតាំងពីឆ្នាំ១៩៨៥ រូបនេះ បានប្រាប់សារព័ត៌មានថ្មីៗថា លោកត្រូវដឹកនាំកីឡាកររបស់ជម្រើសជាតិអ៊ុយក្រែនសម្រាប់ការប្រកួតនេះ ហើយក៏ត្រូវប្រឈមមុខជាមួយកីឡាករកម្ពុជាផងដែរ។
ព្រឹត្តិការណ៍នេះ មានការចូលរួមរបស់អត្តពលិកតេក្វាន់ដូ ITF ជម្រើសជាតិកម្ពុជាចំនួន១៧នាក់ផងដែរ ដោយមានលោក កែវ រ៉េមី ប្រធានសហព័ន្ធកីឡាតេក្វាន់ដូ ITF កម្ពុជា ជាប្រធានប្រតិភូ៕
© រក្សាសិទ្ធិដោយ thmeythmey.com