ក្រសួងអប់រំ ចំណាយ១០០លានដុល្លារ ពង្រឹងគុណភាពអប់រំនៅថ្នាក់ឧត្តមសិក្សា

ជាតិ

បាក់ឌុប

សង្គមជាតិ

ក្រសួងអប់រំ ចំណាយ១០០លានដុល្លារ ពង្រឹងគុណភាពអប់រំនៅថ្នាក់ឧត្តមសិក្សា

25, Aug 2019 , 9:46 am

រូបភាព

ដោយ: រំដួល ចិត្រា (Romdoul Chetra)

ភ្នំពេញ៖ ក្រៅពីកំណែទម្រង់ថ្នាក់មធ្យមសិក្សានោះ ក្រសួងអប់រំ យុវជន និងកីឡា ក៏កំពុងពង្រឹងគុណភាពអប់រំ នៅកម្រិតថ្នាក់ឧត្តមសិក្សាផងដែរ តាមរយៈគម្រោងថវិកា១០០លានដុល្លារ ។ នេះបើតាមរដ្ឋមន្ត្រីក្រសួងអប់រំ យុវជន និងកីឡា។

លោក ហង់ ជួន ណារ៉ុន បាននិយាយថា ទឹកប្រាក់១០០លានដុល្លារនេះ បានយកទៅអនុវត្តពង្រឹងគុណភាពអប់រំនៅសាកលវិទ្យាល័យចំនួន៥ ដំបូងសិន ដោយក្នុងនោះរួមមាន សាកលវិទ្យាល័យភូមិន្ទភ្នំពេញ សាកលវិទ្យាល័យបាត់ដំបង សាកលវិទ្យាល័យស្វាយរៀង និងវិទ្យាស្ថានបច្ចេកវិជ្ជា ជាដើម។ រដ្ឋមន្ត្រីអប់រំរូបនេះ ក៏ទទួលស្គាល់ថា គុណភាពអប់រំនៅថ្នាក់កម្រិតឧត្តមសិក្សា មិនទាន់ល្អ១០០ភាគរយនៅឡើយទេ។ នោះក៏ព្រោះតែសាកលវិទ្យាល័យខ្លះ បើកដំណើរការអាជីវកម្មអប់រំនេះ ក្នុងទិសដៅជួយសម្រួលលទ្ធភាពកូនអ្នកក្រ តាមរយៈការបង់ថ្លៃសិក្សាសមរម្យ ។ដូច្នេះសាកលវិទ្យាល័យនោះ ក៏មានត្រឹមសមត្ថភាពជួលសាស្ត្រាចារ្យតាមកម្រិតមកបង្រៀនដូចគ្នា។ ចំណែកសាលាបង្រៀន ដែលតម្រូវឱ្យសិស្សបង់ថ្លៃសិក្សាខ្ពស់ គឺមានគុណភាពអប់រំខ្ពស់ តាមតម្លៃសិក្សាដែរ។ លោក ហង់ ជួន ណារ៉ុន ក៏បានដឹងពីបញ្ហានេះ ដោយលោកសន្យាថា ខ្លួននឹងប្រឹងកែលម្អលើគុណភាពអប់រំកម្រិតឧត្តមសិក្សាបន្ថែមទៀត។

ជាបន្តសូមលោកអ្នកនាង ស្ដាប់ការបកស្រាយរបស់លោក ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា ដែលផ្ដល់កិច្ចសម្ភាសផ្ដាច់មុខដល់សារព័ត៌មានថ្មីៗ ដូចតទៅ៖

មិនត្រឹមតែកំណែទម្រង់ថ្នាក់ឧត្តមសិក្សាទេ ក្រសួងក៏នឹងកំណែទម្រង់ ជាពិសេសរឹតបន្តឹងការប្រឡងសញ្ញាបត្រមធ្យមសិក្សាបឋមភូមិ (ថ្នាក់ទី៩) ឱ្យដូចការប្រឡងសញ្ញាបត្រមធ្យមសិក្សាទុតិយភូមិផងដែរ។ នេះបើតាមរដ្ឋមន្ត្រីក្រសួងអប់រំ លោក ហង់ ជួន ណារ៉ុន៕

អត្ថបទទាក់ទង

រដ្ឋមន្ត្រី៖ កំណែទម្រង់គុណភាពអប់រំ៥ឆ្នាំ បានធ្វើឱ្យសិស្សផ្លាស់ប្ដូរឥរិយាបថ ១៨០ដឺក្រេ

រដ្ឋមន្ត្រី៖ គោលការណ៍ច្បាប់ យុត្តិធម៌ តម្លាភាព គឺជាមូលហេតុនៃជោគជ័យកំណែទម្រង់អប់រំ

រដ្ឋមន្ត្រីអប់រំ៖ មុនរិះគន់លើវិញ្ញាសាប្រឡង គួរថ្លឹងថ្លែងពីប្រវត្តិសាស្ត្រ និងនយោបាយ

លោក ហង់ ជួន ណារ៉ុន៖ វិញ្ញាសាប្រឡង មាន៦កម្រិតទៅតាមពុទ្ធិបេក្ខជន

រដ្ឋមន្ត្រី៖ មូលហេតុសម្រេចឱ្យបេក្ខនារីនៅសៀមរាបធ្លាក់ស្វ័យប្រវត្តិ ព្រោះមិនចង់ឱ្យខូចប្រព័ន្ធអប់រំ