ជាតិ
ព្រះមហាក្សត្រ
ព្រះមហាក្សត្រ និងសម្តេចព្រះវររាជមាតា យាងទៅពិនិត្យព្រះរាជសុខភាពនៅប៉េកាំង
× ព្រះករុណា ព្រះមហាក្សត្រ ព្រះបាទសម្តេច ព្រះបរមនាថ នរោត្តម សីហមុនី និងសម្តេចព្រះវររាជមាតាជាតិខ្មែរ នរោត្តម មុនិនាថ សីហនុ យាងទៅក្រុងប៉េកាំង ប្រទេសចិន នាព្រឹកថ្ងៃចន្ទ ទី២៦ ខែសីហា នេះ ដើម្បីពិនិត្យព្រះរាជសុខភាព។
ព្រះរាជដំណើរយាងទៅពិនិត្យព្រះរាជសុខភាពរបស់ព្រះអង្គទាំងទ្វេរ ធ្វើឡើងជាទៀងទាត់ទៅតាមការយាងពីសំណាក់ក្រុមគ្រូពេទ្យចិន ដោយលើកដំបូងប្រចាំឆ្នាំ២០១៩ ព្រះអង្គបានយាងទៅកាលពីខែមិនា។
សម្តេច សាយ ឈុំ ប្រធានព្រឹទ្ធសភា ដែលត្រូវបំពេញភារកិច្ចជាប្រមុខរដ្ឋស្តីទី និងសម្តេចនាយករដ្ឋមន្ត្រី ហ៊ុន សែន រួមទាំងឥស្សរជនជាន់ខ្ពស់ជាច្រើនរូបទៀត បានអញ្ជើញទៅជូនព្រះរាជដំណើរព្រះមហាក្សត្រ និងសម្តេចព្រះវររាជមាតា ដល់អាកាសយានដ្ឋានអន្តរជាតិភ្នំពេញ៕
© រក្សាសិទ្ធិដោយ thmeythmey.com