អត្ថបទពាណិជ្ជកម្ម
ក្រុមហ៊ុន LDI ENTERPRISE LTD និងក្រុមហ៊ុននាឡិកា CASIO ប្រកាសពង្រីកទីផ្សារនៅកម្ពុជា និងណែនាំទូតសុច្ឆន្ទៈថ្មី ២រូបទៀត
× ភ្នំពេញ៖ កាលពីថ្ងៃទី២៤ ខែសីហា ឆ្នាំ២០១៩ ក្រុមហ៊ុន LDI ENTERPRISE LTD បានរៀបចំពិធីជួបជុំដ៏ធំមួយ សម្រាប់ដៃគូចែកចាយទាំងអស់នៅក្នុងប្រទេសកម្ពុជា ដើម្បីបង្កើនភាពរីករាយ និងបង្ហាញនូវគម្រោងកាន់តែធំ នៅក្នុងការនាំមុខសម្រាប់នាឡិកាម៉ាកCASIO លើទីផ្សារកម្ពុជា។ ព្រឹត្តការណ៍ដ៏ធំនេះ ប្រព្រឹត្តទៅនៅសណ្ឋាគារសូហ្វីតែល ដោយមានការអញ្ជើញចូលរួមពី លោកស្រី លី គាវ អគ្គនាយិកាក្រុមហ៊ុន LDI ENTERPRISELTD និងលោកស្រី តូច ណាវី នាយកប្រតិបត្តិនៃក្រុមហ៊ុន LDI ENTERPRISE LTD, លោក Atsushi Yamaoka និងអ្នកនាង Asami Sagara អ្នកតំណាងពីប្រទេសជប៉ុន នៃនាឡិកាម៉ាក CASIO។
នៅក្នុងកម្មវិធីនេះ ក្រុមហ៊ុន LDI ENTERPRISE LTD បានណែនាំ និងប្រកាសជាផ្លូវការទូតសុច្ឆន្ទៈ ចំនួន២រូបបន្ថែមទៀត គឺលោក ធារី ចន្ថាប៊ីន តំណាងឱ្យផលិតផលនាឡិកាម៉ាក G-SHOCK CASIO ផ្នែកកីឡា និងកញ្ញា នីគឺ នីគឺ តំណាងឱ្យផលិតផលនាឡិកាម៉ាក BABY-G ដែលស្ថិតនៅក្រោមម៉ាកសញ្ញានាឡិកា CASIO របស់ជប៉ុន។
តាមការបញ្ជាក់របស់ ក្រុមហ៊ុន LDI ENTERPRISE LTD គោលបំណងនៃការរៀបចំសន្និសីទសារព័ត៌មាន ស្តីពីអ្នកលក់នាឡិកា CASIO នេះ គឺដើម្បីបង្ហាញភាពជោគជ័យ និងគម្រោងថ្មីៗបន្ថែមទៀត បន្ទាប់ពីម៉ាកនាឡិកាដ៏ល្បីរបស់ជប៉ុននេះ ទទួលបានការគាំទ្រយ៉ាងខ្លាំងពីអតិថិជនកម្ពុជា។ ក្នុងនោះក្រុមហ៊ុន LDI ENTERPRISE LTD ក៏មានគម្រោងកាន់តែធំក្នុងការពង្រីកទីផ្សារក្នុងប្រទេសកម្ពុជា ដើម្បីបំពេញតម្រូវការ និងភាពរីកចម្រើនក្នុងប្រទេសកម្ពុជាបច្ចុប្បន្នថែមទៀតផង។
លោកស្រី គួច ណាវី នាយកប្រតិបត្តិមជ្ឈមណ្ឌលនាឡិកាស្វីស និងជប៉ុន បានមានប្រសាសន៍ថា បច្ចុប្បន្ន CASIO កំពុងទទួលបានការគាំទ្រជាខ្លាំងក្នុងប្រទេសកម្ពុជា ហើយស្របពេលកំណើនសេដ្ឋកិច្ចជាតិកំពុងមានការរីកចម្រើន និងប្រជាពលរដ្ឋមានជីវភាពសមរម្យ រស់នៅជាមួយភាពទាន់សម័យ។ លោកស្រីបានរំពឹងថា នៅថ្ងៃអនាគត CASIO នឹងមានការប្រើប្រាស់កាន់តែច្រើន ជាមួយការជឿជាក់លើគុណភាព និងតម្លៃរបស់នាឡិកាដ៏ទំនើបរបស់ជប៉ុនមួយនេះ។ លោកស្រី តូច ណាវី បានបន្ថែមថា ក្រុមហ៊ុន LDI Enterprise LTD មានគម្រោងពង្រីកសាខាចំនួន ៥ កន្លែងបន្ថែមទៀត ស្ថិតនៅទីតាំងដូចជា THE BRIDGE, OLYMPIA MALL, FURI SIHAKNUVILLE, EXCHANGE SQUARE, Sa CHIPMONG NORO MALL ។
លោក Atsushi Yamaoka ដែលជាអ្នកគ្រប់គ្រងទូទៅក្រុមហ៊ុន CASIO បានលើកឡើងថា បន្ទាប់ពីចាប់ដៃគូសហការជាមួយក្រុមហ៊ុនកម្ពុជា បានជំរុញឲ្យ CASIO កាន់តែល្បី។ អ្វីដែលគួរឲ្យកត់សម្គាល់ គឺនាឡិកាទំនើបម៉ាកល្បី G-SHOCK ដែលមានការពេញនិយមខ្លាំង គិតត្រឹមឆ្នាំ២០១៩ លក់បានជាង ១០០ លានគ្រឿងឯណោះ។
នៅក្នុងពេលឆាប់ៗខាងមុខ G-SHOCK នឹងមានបង្ហាញវត្តមានផលិតផលថ្មីៗបន្ថែមទៀត ដែលកាន់តែអស្ចារ្យ ជាមួយនឹងមុខងារផ្សេងៗកាន់តែច្រើន ពិសេសសម្រាប់អ្នកនិយមប្រើប្រាស់ក្នុងការកំណត់ពេលវេលា ដូចជាអ្នកលេងកីឡាជាដើម។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com