អត្ថបទពាណិជ្ជកម្ម
My Boy ចូលរួមលើកកម្ពស់កម្មវិធី «ការប្រកួតប្រជែងឆុងកាហ្វេថ្នាក់ជាតិប្រចាំប្រទេសកម្ពុជា ឆ្នាំ២០១៩»
× ភ្នំពេញ៖ ក្រុមហ៊ុនទឹកដោះគោខាប់ My Boy បានចូលរួមធ្វើជាម្ចាស់ឧបត្ថម្ភ (Diamond Sponsor) ក្នុងចំណោមម្ចាស់ឧបត្ថម្ភផ្សេងទៀត កម្មវិធី«ការប្រកួតប្រជែងឆុងកាហ្វេថ្នាក់ជាតិ “Cambodia National Barista Championship 2019”»។ កម្មវិធីនេះ បានប្រព្រឹត្តទៅ កាលពីថ្ងៃទី២០ និងទី២១ ខែសីហា ឆ្នាំ២០១៩ នៅផ្សារទំនើប អ៊ីអន១ ជាន់ផ្ទាល់ដី ដើម្បីបង្កើនការយល់ដឹង និងលើកកម្ពស់ឧស្សាហកម្មកាហ្វេនៅកម្ពុជា។
កម្មវិធីប្រកួតផ្តាច់ព្រ័ត្រ រវាងបេក្ខជនទាំង៦រូប បន្ទាប់ពីប្រកួតជ្រើសរើសពីបេក្ខជនសរុបចំនួន៣០នាក់ បានប្រព្រឹត្តទៅយ៉ាងរលូន ក្នុងការស្វែងរកម្ចាស់ជ័យលាភីចំនួន៣រូប។ នៅក្នុងកម្មវិធីនេះ មានការពិនិត្យ និងដាក់ពិន្ទុយ៉ាងម៉ត់ចត់ ពីគណកម្មាធិការជាតិ និងអន្តរជាតិ ចំនួន៩រូប មកពីបណ្ដាប្រទេសនានា ដូចជា អូស្ដ្រាលី ម៉ាឡេស៊ី ឥណ្ឌូណេស៊ី ថៃ ក៏ដូចជាអ្នកជំនាញក្នុងស្រុក ក្រោមវត្តមានចូលរួមលើកទឹកចិត្តពីក្រសួងទេសចរណ៍ សហព័ន្ធទេសចរណ៍កម្ពុជា សមាគមភោជនីយដ្ឋានកម្ពុជា ក្រុមហ៊ុនឯកជន ទស្សនិកជនជាតិ និងអន្តរជាតិយ៉ាងច្រើនកុះករ ក្នុងរយៈពេលពីរថ្ងៃកន្លងមកនេះ។
លោក Thanadech Tachayun ប្រធានផ្នែកលក់ប្រចាំប្រទេសកម្ពុជារបស់ក្រុមហ៊ុនFrieslandCampina បានឲ្យដឹងថា៖ «ក្រុមហ៊ុនទឹកដោះគោខាប់ My Boy មានមោទកភាព ដែលបានចូលរួមចំណែក ជាមួយក្រសួងទេសចរណ៍ ក្នុងការរៀបចំកម្មវិធីនេះឡើង ក្នុងន័យលើកស្ទួយអាជីពជាអ្នកឆុងកាហ្វេជំនាញ ដើម្បីឲ្យពួកគេបានបង្ហាញពីថ្វីដៃ ក៏ដូចជាផ្តល់ឱកាសដល់ម្ចាស់ហាងកាហ្វេ និងភេសជ្ជៈនានា» ក្នុងនោះដែរ ក្រុមហ៊ុន My Boy ដែលបានធ្វើជាអ្នកឧបត្ថម្ភ (Diamond Sponsor)មួយរូប ក៏បានដាក់បង្ហាញពីផលិតផលទឹកដោះគោខាប់ My Boy និងកញ្ចប់ថ្មី ២គីឡូក្រាម ដែលទើបនឹងដាក់លក់លើទីផ្សារប្រទេសកម្ពុជា ដោយរក្សាទុកនូវរសជាតិដើមដ៏ឈ្ងុយឆ្ងាញ់ពិសា សម្រាប់អតិថិជន ជាពិសេសម្ចាស់ហាងកាហ្វេនានា ដែលនឹងទទួលបានបរិមាណទឹកដោះគោខាប់ច្រើនជាងមុន ហើយអាចសន្សំបាន១០% នៃតម្លៃ។
(អត្ថបទពាណិជ្ជកម្ម)
© រក្សាសិទ្ធិដោយ thmeythmey.com