កីឡាជាតិ
ជាតិ
កំណត់ត្រាថ្មី! ប៉ាល់ ជីវ័ន ឈ្នះមេដាយមាសតេក្វាន់ដូ ITF ពិភពលោកនៅប៊ុលហ្គារី
× កីឡាករ ប៉ាល់ ជីវ័ន បានឈ្នះមេដាយមាសលើវិញ្ញាសាសម្តែងមេគុនខ្សែក្រវាត់ខ្មៅ៥ដាន់ នាការប្រកួតកីឡាតេក្វាន់ដូ ITF ជ្រើសរើសជើងឯកពិភពលោក World Taekwon-do ITF Championship នៅក្រុង Plodivប្រទេសប៊ុលហ្គារី។ នេះជាមេដាយដំបូងរបស់កម្ពុជា ខណៈកម្ពុជានៅសល់ការប្រកួតជាច្រើនទៀត។
ទីបំផុតការរំពឹងទុករបស់លោក កែវ រ៉េមី ប្រធានសហព័ន្ធកីឡាតេក្វាន់ដូ ITF កម្ពុជា ដែលចង់ឃើញទង់ជាតិនិងភ្លេងជាតិកម្ពុជាបង្ហូត និងបន្លឺឡើងក្នុងព្រឹត្តិការណ៍ World ITF Taekwon-do Championship នៅទីក្រុង Plovdiv ប្រទេសប៊ុលហ្គារីបានកើតឡើងដូចការរំពឹងទុក។ កើតឡើង បន្ទាប់ពីកីឡាករ ប៉ាល់ ជីវ័ន ដណ្តើមបានមេដាយមាសលើវិញ្ញាសាសម្តែងមេគុនខ្សែក្រវាត់ខ្មៅ៥ដាន់ នៅថ្ងៃទី២៦ ខែសីហា។
មេដាយមាសដំបូងរបស់កីឡាករ ប៉ាល់ ជីវ័ន បានជួយលើកមុខមាត់និងកិត្តិយសជាតិ ពិសេសសាងកំណត់ត្រាថ្មីជូនវិស័យកីឡាតេក្វាន់ដូ ITF កម្ពុជា។ លើសពីនេះ វាជួយបំបែកកំណត់ត្រាចាស់របស់កម្ពុជាក្នុងព្រឹត្តិការណ៍ប្រកួតជើងឯកពិភពលោកនេះទៀតផង។ គួររំលឹកថា កម្ពុជាធ្លាប់ចូលរួមព្រឹត្តិការណ៍នេះ៦លើករួចមកហើយ តែពុំធ្លាប់ដណ្តើមបានមេដាយមាសនោះទេ ពោលគឺបានត្រឹមតែមេដាយប្រាក់ និងសំរឹទ្ធប៉ុណ្ណោះ៕
សម្រាប់ការចូលរួមប្រកួតជើងឯកពិភពលោកនៅប្រទេសប៊ុលហ្គារី ដោយទទួលបានការឧបត្ថម្ភពីក្រុមហ៊ុនខ្មែរប៊ែវើរីជីស (Khmer Beverages) ក្រសួងអប់រំ យុវជន និងកីឡា និងគណៈកម្មាធិការជាតិរៀបចំការប្រកួតកីឡាស៊ីហ្គេមឆ្នាំ២០២៣(CAMSOC)។
Tag:
តេក្វាន់ដូ ITF
ប៉ាល់ ជីវ័ន
World Taekwon-do ITF Championship
© រក្សាសិទ្ធិដោយ thmeythmey.com