កីឡាអន្តរជាតិ
អន្តរជាតិ
Lukaku ស៊ុត១គ្រាប់ ជួយ Inter ឈ្នះ Leece ៤-០ ក្នុងជំនួបបើកឆាក Serie A
× Romelu Lukaku រកគ្រាប់បាល់ដំបូងឲ្យក្រុមថ្មី Inter Milan ក្នុងជ័យជម្នះ ៤-០ លើក្រុម Lecce ក្នុងការប្រកួតបើកឆាករដូវកាលថ្មីនៃក្របខណ្ឌអ៊ីតាលី Serie A នៅយប់ថ្ងៃទី២៦ ខែសីហា។ ជ័យជម្នះនេះ បាននាំ Inter ឡើងឈរកំពូលតារាងបណ្តោះអាសន្នសម្រាប់សប្តាហ៍ទី១ផងដែរ។
ខ្សែប្រយុទ្ធសញ្ជាតិបែលហ្ស៊ិក ដែលអ្នកចាត់ការទូទៅលោក Antonio Conte ទិញពី Manchester United ក្នុងតម្លៃកំណត់ត្រាក្លិប ៩០,៣៨លានដុល្លារអាមេរិក ជាអ្នកសម្រេចទីគ្រាប់បាល់ទី៣នៅនាទី៦០ ឲ្យ Inter បន្ទាប់ពី Marcelo Brozovic និង Stefano Sensi ស៊ុតម្នាក់១គ្រាប់រួចមក។ Antonio Candreva បានបញ្ចប់ទីគ្រាប់ទី៤នៅនាទី៨៤ ដើម្បីជួយ Inter ឈ្នះ Lecce ៤-០ ។
មុនទៅកាន់ទឹកដីអ៊ីតាលី Lukaku រកបាន៤២គ្រាប់ ក្នុងការបង្ហាញខ្លួនឲ្យបិសាចក្រហមចំនួន ៩៦ប្រកួត ក្រោយចាកចេញពី Everton ក្នុងតម្លៃ៩១,៦០លានដុល្លារ នៅឆ្នាំ២០១៧។
លោក Conte ដែលឡើងទៅជំនួសតំណែងលោក Luciano Spalletti ក្នុងនាមអ្នកចាត់ការថ្មី Inter បានព្យាយាមទិញយកអតីតខ្សែប្រយុទ្ធ Chelsea វ័យ២៧ឆ្នាំរូបនេះ ដោយចាត់ទុករូបគេជា Key Player សម្រាប់ក្រុមក្នុងការប្រជែងពានរដូវកាលនេះ ទាំង Serie A និង Champions League។
ដោយសាររកបានដល់ទៅ៤គ្រាប់ Inter ត្រូវឡើងទៅឈរលើគេក្នុងតារាង Serie A បណ្តោះអាសន្នសម្រាប់សប្តាហ៍ទី១ តាមពីក្រោយដោយក្រុម Top 4 Lazio, Napoli និង Atalanta៕
Tag:
Serie A
Inter Milan
Romelu Lukaku
© រក្សាសិទ្ធិដោយ thmeythmey.com