ជាតិ
នយោបាយជាតិ
សេចក្តីព្រាងច្បាប់ស្តីពីសំណង់ នឹងត្រូវលើកយកទៅពិភាក្សាក្នុងកិច្ចប្រជុំគណៈរដ្ឋមន្ត្រី
សម្តេចនាយករដ្ឋមន្ត្រី ហ៊ុន សែន នាកិច្ចប្រជុំគណៈរដ្ឋមន្ត្រីកន្លងមក
×![]()
ដោយ: ថ្មីៗ
សម្តេចនាយករដ្ឋមន្ត្រី ហ៊ុន សែន នឹងដឹកនាំកិច្ចប្រជុំពេញអង្គគណៈរដ្ឋមន្ត្រីនាព្រឹកថ្ងៃសុក្រ ទី៣០ ខែសីហា ដើម្បីពិភាក្សា និងឆ្លងរបៀបវារៈ១ចំនួន។ បើតាមអ្នកនាំពាក្យរដ្ឋាភិបាល សេចក្តីព្រាងច្បាប់ស្តីពីសំណង់ គឺជារបៀបវារៈទី១ក្នុងកិច្ចប្រជុំ។
លោក ផៃ ស៊ីផាន ប្រធានអង្គភាពអ្នកនាំពាក្យរដ្ឋាភិបាល បានបង្ហាញពីរបៀបវារៈដែលត្រូវពិភាក្សា និងឆ្លង នាកិច្ចប្រជុំពេញអង្គគណៈរដ្ឋមន្ត្រី ក្រោមអធិបតីភាពរបស់សម្តេចនាយករដ្ឋមន្ត្រី ហ៊ុន សែន។
សេចក្តីព្រាងច្បាប់ស្តីពីសំណង់ គឺជារបៀបវារៈទីមួយនៃកិច្ចប្រជុំ ហើយរបៀបវារៈជាបន្តបន្ទាប់ទៀតរួមមាន សេចក្តីព្រាងឯកសារកម្មវិធីវិនិយោគសាធារណៈ៣ឆ្នាំរំកិល២០២០-២០២២ សេចក្តីព្រាងរបាយការណ៍ស្វ័យវាយតម្លៃស្តីពីការត្រួតពិនិត្យឡើងវិញនៃការអនុវត្តអនុសញ្ញាអង្គការសហប្រជាជាតិប្រឆាំងអំពើពុករលួយ (អ៊ុនតាក់, UNCAC) ជុំទី២នៅកម្ពុជា។
ជាមួយគ្នានេះ បញ្ហាផ្សេងៗ ក៏មាននៅក្នុងរបៀបវារៈផងដែរ ដូចជាសំណើសុំការយល់ព្រមពីគណៈរដ្ឋមន្ត្រី ដើម្បីសុំការអនុម័តយល់ព្រមពីស្ថាប័ននីតិប្បញ្ញត្តិលើ កិច្ចព្រមព្រៀងរវាងរាជរដ្ឋាភិបាលនៃព្រះរាជាណាចក្រកម្ពុជា និងរដ្ឋាភិបាលនៃតំបន់រដ្ឋបាលពិសេសហុងកុងនៃសាធារណរដ្ឋប្រជាមានិតចិន ស្តីពីការជៀសវាងការយកពន្ធត្រួតគ្នា និងការបង្ការការកិបកេងបន្លំពន្ធពាក់ព័ន្ធនឹងពន្ធលើប្រាក់ចំណូល និងពិធីសារទី២ ស្តីពីការកំណត់ច្រកទ្វាព្រំដែនឆ្លងកាត់នៃកិច្ចព្រមព្រៀងក្របខណ្ឌអាស៊ានស្តីពីកិច្ចសម្របសម្រួលការដឹកជញ្ជូនឆ្លងកាត់ទំនិញ៕
Tag:
គណៈរដ្ឋមន្ត្រី
© រក្សាសិទ្ធិដោយ thmeythmey.com
