ភ្នំពេញ ថ្ងៃទី២៦ ខែសីហា ឆ្នាំ២០១៩៖ បន្ទាប់ពីដំណើរការ កម្មវិធីអភិវឌ្ឍន៍និស្សិតសាកលវិទ្យាល័យ SmartEdu (USDP) ជាលើកដំបូងយ៉ាងជោគជ័យ កាលពីឆ្នាំមុន កម្មវិធី USDP រដូវកាលទី២ បានបញ្ចប់កាលពីថ្ងៃទី ២៦ ខែសីហា។
ក្នុងព្រឹត្តិការណ៍នេះ ក្រុមនិស្សិតចំនួន៨នាក់ ដែលបង្ហាញនូវដំណោះស្រាយច្នៃប្រឌិតរបស់ពួកគេ សម្រាប់ក្រុមហ៊ុន Thalias Hospitality Group បានឈ្នះរង្វាន់ជាទឹកប្រាក់ ១,៨០០ដុល្លារ និងពានរង្វាន់ជ័យលាភី CEO Challenge បន្ទាប់ពីបានបង្ហាញគំនិត ដែលជាដំណោះស្រាយរបស់ពួកគេ ទៅកាន់ក្រុមគណៈកម្មការវិនិច្ឆ័យរួមមាន លោកស្រី Kim Tol Am នាយកប្រតិបត្តិក្រុមហ៊ុន BIMA កម្ពុជា លោក Arnaud Darc នាយកប្រតិបត្តិក្រុមហ៊ុន Thalias លោក Hashim Alkaff នាយកក្រុមហ៊ុន Grab កម្ពុជា និងលោក Thomas Hundt នាយកប្រតិបត្តិក្រុមហ៊ុន Smart Axiata។
រង្វាន់ផ្សេងទៀត ដែលបានប្រគល់ជូនបេក្ខជនក្នុងព្រឹត្តការណ៍នេះរួមមាន ពានរង្វាន់ក្រុមធ្វើបានល្អបំផុតលេខរៀងទី២ ដែលទទួលបានរង្វាន់ទឹកប្រាក់ចំនួន ១,០០០ ដុល្លាថ ហើយក្រុមជ័យលាភីនៃក្រុមធ្វើបានល្អបំផុត ទទួលបានរង្វាន់ទឹកប្រាក់ចំនួន ១,៤០០ ដុល្លារ ដល់ការប្ដេជ្ញាចិត្តយ៉ាងផ្ចិតផ្ចង់ កំឡុងសិក្ខាសាលានៅសៀមរាប។ លើសពីនេះទៀត បេក្ខជនឆ្នើមចំនួន ៨នាក់ នឹងទទួលបានការហាត់ការ ដែលមានប្រាក់ឧបត្ថម្ភ រយៈពេល២ខែ នៅឯក្រុមហ៊ុនរបស់ Axiata ក្នុងប្រទេសម៉ាឡេស៊ី។
ឆ្នាំនេះ យើងក៏មាន បេក្ខជនឆ្នើម មកពីសាកលវិទ្យាល័យអាជីវកម្មអន្ដរជាតិ Hult International Business School នៅឯទីក្រុងឡុងដ៍ ត្រូវបានទទួលស្គាល់ជាម្ចាស់ជ័យលាភីឆ្នើមបំផុត សម្រាប់ការចូលរួមយ៉ាងសកម្មដ៏ល្អ និងបើយោងតាមការផ្ដល់មតិយោបល់ពីមិត្តសិក្ខាកាមក្នុងកំឡុងពេលសិក្ខាសាលានៅសៀមរាប។
កែវ ពិទូ បាននិយាយថា៖«កម្មវិធីសិក្ខាសាលាបានផ្ដល់បទពិសោធន៍ដ៏អស្ចារ្យមួយ។ កម្មវិធីនេះគឺលំបាក ហើយយើងធ្វើការឥតឈប់ឈរ ប៉ុន្តែខ្ញុំមិនធ្លាប់បានសង្វាតរៀនសូត្រច្រើនដល់ម្លឹងនោះទេ ក្នុងរយៈពេលដ៏ខ្លីបែបនេះ នៅក្នុងជីវិតរបស់ខ្ញុំឡើយ។ នេះជាបទពិសោធមួយ ដែលខ្ញុំនឹងតែងតែចងចាំជានិច្ច ដោយមានការរៀនសូត្រពីជំនាញគ្រប់គ្រងអារម្មណ៍ និងជំនាញភាពជាអ្នកដឹកនាំ ក៏ដូចជាជួបមនុស្សល្អៗ និងអ្នកជំរុញការបណ្ដុះគំនិត។ ខ្ញុំពិតជាសប្បាយចិត្ត និងត្រេកអរណាស់ ដែលត្រូវបានជ្រើសរើសចូលរួមកម្មវិធីនេះ ហើយនឹងព្យាយាមប្រើប្រាស់ជំនាញដែលខ្ញុំបានរៀននៅពេលអនាគត»។
វគ្គផ្តាច់ព្រ័ត្រនៃកម្មវិធី SmartEdu USDP រដូវកាលទី២ និងពិធីប្រគល់រង្វាន់កាលពីថ្ងៃទី២៦ ខែសីហា ត្រូវបានធ្វើឡើងក្រោមវត្តមានដ៏ខ្ពង់ខ្ពស់របស់ លោក ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា, លោក Edleen Husaini Mohd. Hashim ឯកអគ្គរដ្ឋទូតម៉ាឡេស៊ីប្រចាំនៅកម្ពុជា និងលោក កាន ច័ន្ទមេត្តា រដ្ឋលេខាធិការក្រសួងប្រៃសណីយ៍ និងទូរគមនាគមន៍កម្ពុជា។ គំនិតដំណោះស្រាយរបស់ក្រុមទាំងអស់ ទទួលបានការស្ងើចសសើរ និងជូនពរឲ្យពួកមានសំណាងល្អពីភ្ញៀវកិត្តិយសទាំងអស់។
បេក្ខជន ដែលត្រូវបានជ្រើសរើសពីសាកលវិទ្យាល័យចំនួន១៦ នៅទូទាំងប្រទេសកម្ពុជា និងក្រៅប្រទេស រួមជាមួយនឹងនិស្សិតកម្ពុជាថ្នាក់បរិញ្ញាបត្រចំនួន ៤៨ នាក់។ ដំបូងឡើយពួកគេ ត្រូវបានចែកជា៨ក្រុម ដើម្បីចូលរួមកម្មវិធីបណ្ដុះបណ្ដាលនៅសណ្ឋាគារសុខា ក្នុងខេត្តសៀមរាប។ ពួកគេទទួលបានការបំពាក់បំប៉នជំនាញទំនាក់ទំនង គំនិតច្នៃប្រឌិត និងជំនាញត្រិះរិះពិចារណា និងជំនាញគ្រប់គ្រងអារម្មណ៍។ បេក្ខជនទាំងអស់ បានចូលរួមក្នុងការប្រកួតប្រជែងទាក់ទងទៅនឹងអាជីវកម្មបែបឌីជីថល សិក្ខាសាលា និងការពិសោធន៏ជាច្រើន ដោយពួកគេត្រូវបានជំរុញឲ្យបញ្ចេញសមត្ថភាពឲ្យអស់ និងផ្ដល់មតិយោបល់ដល់គ្នាទៅវិញទៅមក។
ក្នុងសុន្ទរកថាលោក Thomas Hundt នាយកប្រតិបត្តិក្រុមហ៊ុន Smart Axiata បានបង្ហាញពីរបៀបដែលកម្មវិធី SmartEdu USDP សមស្របទៅនឹងចក្ខុវិស័យរបស់ក្រុមហ៊ុន ក្នុងការផ្ដល់ជំនាញដល់អនាគតអ្នកដឹកនាំ និងអ្នកមានទេពកោសល្យផ្នែកបច្ចេកវិទ្យាព័ត៌មាន និងគមនាគមន៍។
លោកបានមានប្រសាសន៍ថា៖ «សិក្ខាសាលានៃកម្មវិធី SmartEdu USDP ផ្តល់នូវឱកាសជាច្រើនដល់និស្សិតតាមសាកលវិទ្យាល័យនៅកម្ពុជា ឲ្យទទួលយកតួនាទីភាពជាអ្នកដឹកនាំ ក្នុងបរិយាកាសដែលត្រូវបានរៀបចំឲ្យ។ កម្មវិធីនេះ ផ្ដល់ជំនាញដោះស្រាយបញ្ហាផ្ទាល់ និងបញ្ហាជីវិតពិត។ ខ្ញុំពិតជាមិនអាចមិនកោតសរសើរ ពីគំនិត និងការខិតខំប្រឹងប្រែងរបស់ពួកគាត់បានទេ។ យើងមានមោទនភាព ដែលបានជួយដល់អ្នកមានទេពកោសល្យទាំងនេះ ហើយខ្ញុំទន្ទឹងរង់ចាំមើល អ្វីដែលពួកគេនឹងទទួលបាន នៅក្នុងពិភពឌីជីថលនាពេលអនាគត»។
កម្មវិធី SmartEdu USDP ត្រូវបានដាក់ឲ្យដំណើការ កាលពីខែតុលា ឆ្នាំ២០១៨ ជាផ្នែកមួយនៃអនុស្សារណៈយោគយល់គ្នា ជាមួយនឹងក្រសួងអប់រំ យុវជន និងកីឡា ក្រសួងប្រៃសណីយ៍ និងទូរគមនាគមន៍កម្ពុជា ដោយក្រុមហ៊ុន Smart បានប្តេជ្ញាវិនិយោគទឹកប្រាក់ចំនួន ១លាន ៥សែនដុល្លារ សម្រាប់រយៈពេល៣ឆ្នាំ ទៅក្នុងកម្មវិធីចំនួន២ នៃ SmartEdu រួមមាន កម្មវិធីអាហារូបករណ៍ SmartEdu និងកម្មវិធីអភិវឌ្ឍន៍និស្សិតសកលវិទ្យាល័យ SmartEdu (USDP)។
កម្មវិធី SmartEdu USDP រំពឹងថា នឹងអភិវឌ្ឍគំនិតអាជីវកម្មឌីជីថលល្អបំផុត របស់ប្រទេសកម្ពុជាបន្ថែមទៀត ជាមួយនឹងឧបករណ៍ ក៏ដូចជាជំនាញដើម្បីជួយជំរុញដល់បច្ចេកវិទ្យាក្នុងប្រទេសផងដែរ។ ចំណែកមួយនៃប្រាក់ការវិនិយោគ ១លាន ៥សែនដុល្លារ ត្រូវបានចែករំលែកពីប្រាក់រួមវិ ភាគទានរបស់ក្រុមហ៊ុន Smart ដល់កម្មវិធីមូលនិធិកសាងសមត្ថភាពស្រាវជ្រាវ និងអភិវឌ្ឍន៍របស់រាជរដ្ឋាភិបាល។
(អត្ថបទពាណិជ្ជកម្ម)