កីឡាអន្តរជាតិ
អន្តរជាតិ
Ibrahimovic ចង់ត្រឡប់ទៅ Man Utd វិញ ក្រោយបញ្ចប់កិច្ចសន្យាជាមួយ LA Galaxy
× ខ្សែប្រយុទ្ធ Zlatan Ibrahimovic សារភាពថាចង់វិលត្រឡប់ទៅកាន់ក្លិបចាស់ Manchester United វិញ នៅពេលកិច្ចសន្យារបស់គេជាមួយក្រុម LA Galaxy បញ្ចប់នៅខែវិច្ឆិកាខាងមុខ។
វ័យ ៣៧ឆ្នាំ អតីតប្រធានក្រុមជម្រើសជាតិស៊ុយអែត រកបាន ៤៦គ្រាប់ ក្នុងការបង្ហាញខ្លួន ៤៩ប្រកួត ចាប់តាំងពីចាកចេញពី Premier League ទៅលេងនៅក្របខណ្ឌលីគកំពូលអាមេរិក Major League Soccer កាលពីខែមីនា ឆ្នាំ២០១៨។
«ខ្ញុំអាចលេងបានស្រួលនៅ Premier League ដូច្នេះប្រសិនបើ Man Utd ត្រូវការខ្ញុំ ខ្ញុំនឹងទៅទីនោះវិញ។ នេះជាការអះអាងរបស់ Ibrahimovic ដែលធ្លាប់រកគ្រាប់ឲ្យបិសាចក្រហមបានចំនួន២៨គ្រាប់សម្រាប់រដូវកាលដំបូង ២០១៦-១៧។
កិច្ចសន្យារយៈពេល ២ ឆ្នាំរបស់អតីតខ្សែប្រយុទ្ធ PSG រូបនេះ ត្រូវបានបញ្ចប់មុនពេលកំណត់ជាមួយ Man Utd ដោយភាគីទាំងពីរបានព្រមគ្នាដើម្បីអនុញ្ញាតឲ្យ Ibrahimovic ផ្លាស់ទៅក្រុមនៅអាមេរិក LA Galaxy ដោយចុះកិច្ចសន្យារហូតដល់ ខែធ្នូ ឆ្នាំ២០១៩។
Ibrahimovic ពិតជាចង់ចូលរួមជាមួយ Man Utd វិញណាស់ នៅក្រោយកិច្ចសន្យានៅអាមេរិកបញ្ចប់។ «ខ្ញុំបានលេងជាមួយក្លិបនៅអឺរ៉ុបជាច្រើន។ ខ្ញុំពិតជារីករាយព្រោះខ្ញុំធ្លាប់ឈ្នះពានដល់ទៅ ៣៣ កាលខ្ញុំលេងនៅអឺរ៉ុប ហើយខ្ញុំសង្ឃឹមថាខ្ញុំអាចឈ្នះពានទៀតនៅទីនោះ»។
យ៉ាងណាក៏ដោយ ប្រសិនបើ Ibrahimovic អាចចូលរួមជាមួយ Man Utd មែន រូបគេត្រូវរង់ចាំដល់ខែមករាឯណោះ ពោលគឺនៅពេលទីផ្សារដោះដូរកីឡាករនៅអង់គ្លសបើកទ្វារទើបអាចចូលេងបាន៕
Tag:
Zlatan Ibrahimovic
Manchester United
© រក្សាសិទ្ធិដោយ thmeythmey.com