ឡាក់គីបឺរហ្គឺរ បើកសម្ពោធហាងថ្មី សាខាផ្សារទំនើបមីតថោនម៉ល ផ្ដល់ជូនការញ៉ាំឥតគិតថ្លៃ និងរង្វាន់ជាច្រើន

អត្ថបទពាណិជ្ជកម្ម

ឡាក់គីបឺរហ្គឺរ បើកសម្ពោធហាងថ្មី សាខាផ្សារទំនើបមីតថោនម៉ល ផ្ដល់ជូនការញ៉ាំឥតគិតថ្លៃ និងរង្វាន់ជាច្រើន

31, Aug 2019 , 2:29 pm

រូបភាព

ដោយ: ថ្មីៗ

ភ្នំពេញ៖ នៅថ្ងៃទី៣១ ខែសីហានេះ ក្រុមហ៊ុន រៀលហ្វ៊ូដ និងប៊េវើរីច ដែលជាម្ចាស់ភោជនីយដ្ឋានបម្រើសេវាកម្មអាហាររហ័ស Quick Service Restaurant ដំបូងគេបង្អស់នៅកម្ពុជា ដែលអ្នកទាំងអស់គ្នាធ្លាប់ស្គាល់ថា «ឡាក់គីបឺរហ្គឺរ» ថ្មីៗនេះ បានធ្វើការបើកសម្ពោធហាងថ្មីនៅផ្សារទំនើប មីតថោនម៉ល ដែលមានទីតាំងនៅផ្លូវ ២០០៤ កែងផ្លូវ ១៣B សង្កាត់ទឹកថ្លា ខណ្ឌសែនសុខ រាជធានីភ្នំពេញ។

នៅក្នុងឱកាសបើកសម្ពោធហាងថ្មីនេះដែរ ឡាក់គីបឺរហ្គឺរ មានការផ្ដល់ជូននូវកម្មវិធីពិសេសៗជាច្រើនទៅដល់អតិថិជនរបស់ខ្លួន ដោយការញ៉ាំបឺរហ្គឺរឥតគិតថ្លៃចំពោះអតិថិជន ៥០នាក់ដំបូង ហើយអតិថិជន ៥០នាក់ បន្ទាប់ទៀត គ្រាន់តែចំណាយ ១.៩៩ដុល្លារប៉ុណ្ណោះ ក៏ទទួលបាននូវអាហារ ១ឈុតភ្លាមៗផងដែរ។ បន្ថែមពីនេះទៅទៀត រាល់អតិថិជនទាំងអស់ដែលចំណាយចាប់ពី ៥ ដុល្លារឡើងទៅ សុទ្ធតែទទួលបានថង់សំណាង ដែលមានរង្វាន់ទាំងអស់ រហូតដល់ ៥០០រង្វាន់។ អ្វីដែលកាន់តែពិសេសអស្ចារ្យជាងនេះទៅទៀត គឺការប្រកួតញ៉ាំបឺរហ្គឺរ និងកូកាកូឡា រយៈពេល៣ថ្ងៃ ចាប់ពីថ្ងៃទី ៣១ ខែសីហា ដល់ថ្ងៃទី០២ ខែ កញ្ញា ឆ្នាំ២០១៩។

គួរបញ្ជាក់ថា ជ័យលាភីលេខ១ នឹងទទួលបានទឹកប្រាក់ចំនួន ៤០០ដុល្លារ, លេខ២ ទទួលបានទឹកប្រាក់ចំនួន ២០០ដុល្លារ និងជ័យលាភីលេខ៣ ទទួលបានទឹកប្រាក់ចំនួន ១០០ដុល្លារ។ ការប្រកួតនេះ ប្រព្រឹត្តទៅដោយភាពរីករាយ និងមានអ្នកចូលរួមលេងយ៉ាងច្រើនក្រៃលែង៕