ជាតិ
សង្គមជាតិ
ក្រសួងអប់រំ ប្រកាសជ្រើសរើសគ្រូបឋម១៦០០នាក់ និងគ្រូមេត្តយ្យ២០០នាក់ ដើម្បីបង្រៀននៅតាមសាលាគរុកោល្យទូទាំងរាជធានី-ខេត្ត
×![]()
ដោយ: ថ្មីៗ
ភ្នំពេញ៖ ឆ្នាំនេះ ក្រសួងអប់រំ ជ្រើសរើសគ្រូបឋមសិក្សាចំនួន១៦០០នាក់ ដែលនៅក្នុងនោះគ្រូបង្រៀនតាមប្រព័ន្ធបណ្ដុះបណ្តាល១២+២ ចំនួន១៣០០នាក់ និង១២+៤ ចំនួន៣០០នាក់ និងគ្រូមេត្តយ្យចំនួន២០០នាក់ សម្រាប់បង្រៀននៅវិទ្យាសា្ថនគរុកោសល្យ សាលាគរុកោសល្យ និងវិក្រឹតការខេត្ត និងសាលាធម្យមសិក្សាគរុកោសល្យមេត្តយ្យមជ្ឈិមទូទាំងរាជធានី-ខេត្ត រយៈពេល ២ឆ្នាំ និង៤ឆ្នាំ។ អ្នកដែលមានបំណងចង់ក្លាយជាគ្រូបង្រៀនបឋមសិក្សា និងមេត្តយ្យសិក្សា អាចមកដាក់ពាក្យបានរហូតដល់ថ្ងៃទី១៨ ខែកញ្ញា។ 
សេចក្តីជូនដំណឹងរបស់ក្រសួងអប់រំ បានបញ្ជាក់លក្ខខណ្ឌសម្រាប់ឲ្យបេក្ខជនអាចដាក់ពាក្យបានគឺតំរូវឲ្យបេក្ខជនដែលមានសញ្ជាតិខ្មែរ ដែលមិនទាន់មានការងារក្នុងក្របខណ្ឌរដ្ឋ។ បេក្ខជនទាំងពីរភេទត្រូវមានសញ្ញាបត្រមធ្យមសិក្សាទុតិយភូមិចំណេះទូទៅ ឬសញ្ញាបត្រដែលមានតម្លៃសមមូលឡើងទៅ ត្រូវមានអាយុពី១៦ ទៅ២៥ឆ្នាំ។ ចំពោះគ្រូដែលជាប់កិច្ចសន្យា ឬអតីតគ្រូជាប់កិច្ចសន្យាអាចប្រឡងចូលក្របខណ្ឌរដ្ឋបាន ដោយដាក់ពាក្យសុំចុះឈ្មោះប្រឡងជ្រើសរើសគ្រូបឋមសិក្សា និងគ្រូមេត្តយ្យសិក្សា តាមរាជធានីខេត្ត និងតាមលក្ខខណ្ឌជ្រើសរើសដូចបេក្ខជនដទៃ។
ផុតកំណត់ដាក់ពាក្យនៅថ្ងៃទី២១ ខែតុលា និងសម័យប្រឡងនឹងប្រព្រឹត្តទៅនៅថ្ងៃទី២១ ខែវិច្ឆិកា។ សម្រាប់អ្នកដែលប្រឡងជាគ្រូបង្រៀនតាមប្រព័ន្ធបណ្តុះបណ្តាលទាំងពីរប្រភេទនេះ នឹងត្រូវប្រឡងតាមកម្មវិធីសិក្សាថា្នក់ទី១២ លើវិញ្ញាសា វប្បធម៌ទូទៅ,អក្សរសាស្ត្រខ្មែរ និងគណិតវិទ្យា ហើយវិញ្ញាសានីមួយៗមានរយៈ២ម៉ោង។
Tag:
គ្រូ
អប់រំ
© រក្សាសិទ្ធិដោយ thmeythmey.com
