ជាតិ
រូបពី ក្រសួងកសិកម្ម
×![]()
ភ្នំពេញ៖ និស្សិតជំនាញកសិកម្មចំនួន១៦៩នាក់ នឹងទៅហាត់ការងារលើវិស័យកសិកម្មនៅប្រទេស អ៊ីស្រាអែល ដើម្បីផ្លាស់ប្ដូរបទពិសោធន៍ទាំងទ្រឹស្តី និងការអនុវត្តជាក់ស្ដែងក្នុងមន្ទីរពិសោធន៍ និងនៅចម្ការផ្ទាល់រយៈពេល ១១ខែ។ ក្នុងចំណោមនិស្សិតទាំង ១៦៩នាក់ មាន ១៤៩ នាក់ជានិស្សិតសាលាភូមិន្ទកសិកម្ម និស្សិតសាលាជាតិកសិកម្មព្រែកលៀប ១០នាក់ និងនិស្សិតសាលាជាតិកសិកម្មកំពង់ចាម ១០នាក់។ នេះបើតាមទំព័រហ្វេសប៊ុក ក្រសួងកសិកម្ម រុក្ខាប្រមាញ់ និងនេសាទ។ 
បើតាម លោក ង៉ោ ប៉ុនថាន សាកលវិទ្យាធិការនៃសាកលវិទ្យាល័យភូមិន្ទកសិកម្ម (RUA) បានបញ្ជាក់នៅក្នុងពិធីសំណេះសំណាលជាមួយនិស្សិតនាថ្ងៃទី ៣០ ខែសីហា ដូច្នេះថា RUA បានធ្វើសហប្រតិបត្តិការជាមួយក្រុមហ៊ុន Agrostudies លើការបណ្តុះបណ្តាលធនធានមនុស្សផ្នែកកសិកម្មតាំងពីឆ្នាំ២០០៨ មក ក្នុងគោលបំណងលើកកម្ពស់ការអប់រំទាំងផ្នែកទ្រឹស្តី និងការអនុវត្តដល់និស្សិត ហើយកិច្ចសហប្រតិបត្តិការនេះមានរយៈពេល ១២ឆ្នាំមកហើយ។
សូមបញ្ជាក់ថា គិតមកត្រឹមឆ្នាំនេះ RUA បានបញ្ជូននិស្សិត ចំនួន ១០៥៦នាក់ហើយ ទៅហាត់ការងារនៅប្រទេសអ៊ីស្រាអែល៕
Tag:
កសិកម្ម
© រក្សាសិទ្ធិដោយ thmeythmey.com
