កីឡាជាតិ
ជាតិ
កីឡាការិនី ខៀវ ចិន្តារ័ត្ន ឈ្នះមេដាយមាសសម្ដែងក្បាច់គុន នៅកូរ៉េខាងត្បូង
×![]()
ភ្នំពេញ៖ កីឡាការិនីល្បុក្កតោកម្ពុជា ខៀវ ចិន្តារត្ន័ ដណ្តើមបានមេដាយមាស ក្នុងការសម្តែងក្នុងក្បាច់គុន ទែកគ្យុន (TEAKKYON) យុទ្ធគុនបុរាណកូរ៉េ ក្នុងការប្រកួតមហោស្រពក្បាច់គុនចម្រុះពិភពលោក ២០១៩ នៅទីក្រុង Chung Ju ប្រទេសកូរ៉េខាងត្បូង។ 
កីឡាការិនី ខៀវ ចិន្តារ័ត្ន បានបង្ហោះសារលើហ្វេសប៊ុករបស់ខ្លួនថា៖«ទីបំផុតក្ដីស្រមៃរបស់ខ្ញុំបានក្លាយជាការពិតហើយ។ មិនដែលហ៊ានសូម្បីតែគិត ដែលអាចឲ្យគេចាក់ភ្លេងជាតិនៅក្នុងកម្មវិធីប្រកួតអន្តរជាតិមួយបាន។ ថ្ងៃនេះ ខ្ញុំធ្វើបានហើយ»។
ភ្លេងជាតិរបស់ប្រទេសកម្ពុជា បានបន្លឺឡើងក្នុងព្រឹត្តិការណ៍មហោស្រពកីឡាក្បាច់គុនចម្រុះពិភពលោក ពេលដែលកីឡាការិនី ចិន្តា រ័ត្ន ឈ្នះមេដាយមាស ព្រមជាមួយនឹងការហោះហើរអបអរពីយន្តហោះចម្បាំងចំនួន ៥គ្រឿង នៅលើអាកាសទៀតផង។
សូមបញ្ជាក់ថា ក្នុងការប្រកួតក្បាច់គុនចម្រុះពិភបលោក 2019 Chungju Martial Arts Masterships មានកីឡាករ និងគ្រូ ចូលរួមសរុបប្រមាណ ៣,២០០នាក់ មកពី១០៦ប្រទេស៕
រូបភាពពីហ្វេសប៊ុក ខៀវ ចិន្តារ័ត្ន
© រក្សាសិទ្ធិដោយ thmeythmey.com
