ជាតិ
២៥ខេត្ត/រាជធានី
អាជ្ញាធរខេត្តកំពង់ចាម ត្រៀមម៉ាស៊ីនបូមទឹកចេញពីក្រុង ខណៈទឹកទន្លេមេគង្គហក់ឡើងខ្លាំង
× កំពង់ចាម៖ នៅល្ងាចថ្ងៃទីថ្ងៃទី០៤ ខែកញ្ញានេះ ក្រុមការងារមន្ទីរធនធានទឹក និងឧតុនិយម ខេត្តកំពង់ចាម បានត្រៀមម៉ាស៊ីន២គ្រឿង ដើម្បីបូមទឹកចេញពីលូមួយចំនួននៅតាមមាត់ទន្លេ នៃក្រុងកំពង់ចាម ខណៈទឹកទន្លេមេគង្គហក់ឡើងកាន់តែខ្ពស់។ គិតត្រឹមម៉ោង១២ថ្ងៃត្រង់នេះ កម្ពស់ទឹកទន្លេមេគង្គខេត្តកំពង់ចាមឡើងដល់១៣.៦៩ម៉ែត្រ ពោលគឺកើនឡើង ០.៩ម៉ែត្រ បើធៀបទៅនឹងកម្ពស់ទឹកកាលពីពេលព្រឹក ខណៈពេលដែលសញ្ញាណប្រកាសអាសន្នស្ថិតនៅកម្ពស់ទឹក ១៥.២០ម៉ែត្រ។ នេះបើយោងតាមទិន្នន័យរបស់មន្ទីធនធានទឹក និងឧតុនិយមរបស់ខេត្តកំពង់ចាម។
នៅព្រឹកថ្ងៃទី៤ កញ្ញាដដែល ក្រសួងធនធានទឹក និងឧតុនិយម ក៏បានផ្សាយតាមគេហទំព័រហ្វេសប៊ុករបស់ខ្លួន ក្នុងករណីបាក់ច្រាំងទនេ្ល ស្ថិតនៅភូមិជ្រោយក្របៅទី២ ឃុំរកាអារ ស្រុកកងមាស ដែលមានបណ្តោយ ៣៥០ម៉ែត្រ និងទទឹង ៥ម៉ែត្រផងដែរ៕
(រូបភាពពីហ្វេសប៊ុកក្រសួងធនធានទឹក និងឧតុនិយម)
© រក្សាសិទ្ធិដោយ thmeythmey.com