អន្តរជាតិ
ចិនព្រមឲ្យលុយអភិវឌ្ឍន៍ បើប្រជុំកោះសូលូម៉ុនផ្តាច់ចំណងការទូតជាមួយតៃវ៉ាន់
ប្រធានាធីបតីប្រជុំកោះ សូលូម៉ុន និងសមភាគី តៃវ៉ាន់ ក្នុងទីក្រុង តៃប៉ិ ឆ្នាំ២០១៧ (AFP)
×![]()
ក្រុងប៉េកាំង នឹងផ្តល់លុយមូលនិធិអភិវឌ្ឍន៍សម្រាប់ប្រទេសប្រជុំកោះសូលូម៉ុន (Solomon Islands) ប្រសិនបើប្រទេសក្នុងតំបន់ប៉ាស៊ីហ្វិកភាគខាងត្បូងនេះ ព្រមដោះដៃពីកោះតៃវ៉ាន់ទៅចាប់ចិនវិញ។ សំណើដែលនឹងទៅជំនួសគម្រោងរចនាសម្ព័ន្ធស្រដៀងគ្នាមួយដែលបង្កើតឡើងដោយរដ្ឋាភិបាលតៃវ៉ាន់ ធ្វើឡើងចំពេលដែលក្រុងប៉េកាំងព្យាយាមបំបែកបំបាក់សម្ព័ន្ធរបស់ក្រុងតៃប៉ិ ដោយបច្ចុប្បន្ន មានចំណងការទូតជាមួយប្រទេស១៧ប៉ុណ្ណោះ។ 
នារយៈពេលច្រើនទសវត្សរ៍ចុងក្រោយនេះ រដ្ឋាភិបាលក្រុងប៉េកាំង និងតៃប៉ិ បានច្បាំងដណ្តើមការទទួលស្គាល់ផ្នែកការទូត ក្នុងតំបន់ប៉ាស៊ីហ្វិកភាគខាងត្បូង ដោយប្រជាជាតិប្រជុំកោះខ្លះផ្លាស់ប្តូរមិត្តដើម្បីប្រយោជន៍ហិរញ្ញវត្ថុ។
តាមការចុះផ្សាយរបស់ទីភ្នាក់ងារព័ត៌មាន Reuters លោក John Moffat Fugui សមាជិកសភាម្នាក់នៃប្រជុំកោះសូលូម៉ុន និងជាប្រធានគណៈកម្មធិការមួយ ទទួលបន្ទុកវាយតម្លៃចំណងការទូត នៅថ្ងៃពុធទី ៤ កញ្ញា បានបញ្ជាក់ថា រដ្ឋាភិបាលក្រុងប៉េកាំង នឹងផ្តល់លុយជំនួយអភិវឌ្ឍន៍ ដែលជាធម្មតាស្ថិតក្រោមរូបភាព «ជំនួយឥតសំណង កម្ចីការប្រាក់ទាប និងកាដូរខ្លះ»។ តួលេខច្បាស់លាស់ ពុំត្រូវបានបញ្ជាក់ឡើយ។
យ៉ាងណាមិញ ការផ្តល់ឲ្យបែបនេះ មានលក្ខខណ្ឌមួយដោយប្រជុំកោះសូលូម៉ុនត្រូវព្រមកាត់ផ្តាច់ចំណងការទូតជាមួយ តៃវ៉ាន់ ដែលបានផ្តើមពីឆ្នាំ១៩៨៣មក។ ដូចគ្នានឹងចិន កោះតៃវ៉ាន់ បានសន្យាផ្តល់លុយ៨,៥លានដុល្លារដល់ប្រជុំកោះសូលូម៉ុន ក្នុងឆ្នាំ ២០១៩-២០ តាមរយៈកម្មវិធីជំនួយ។
ឆ្លើយតបនឹងរឿងនេះ លោក Joanne Ou អ្នកនាំពាក្យនៃក្រសួងការបរទេសតៃវ៉ាន់ បានបញ្ជាក់ថា បច្ចុប្បន្ន ទំនាក់ទំនងជាមួយប្រជុំកោះ សូលូម៉ុន គឺ មានស្ថិរភាព ប៉ុន្តែខាងលោក កំពុងតាមដានស្ថានការណ៍នេះយ៉ាងដិតដល់បំផុត។
សូមបញ្ជាក់ថា សូលូម៉ុន គឺជាប្រជុំកោះដែលមានប្រជាជនរស់នៅប្រមាណ ៦០ម៉ឺននាក់។ ប្រជាជាតិមួយនេះ ពឹងផ្អែកខ្លាំងលើលុយជំនួយបរទេស ព្រោះតែមធ្យោបាយរកចំណូលនៅមិនកម្រិត ដែលនៅតែពឹងច្រើនទៅលើការនាំចេញឈើ៕
នារយៈពេលច្រើនទសវត្សរ៍ចុងក្រោយនេះ រដ្ឋាភិបាលក្រុងប៉េកាំង និងតៃប៉ិ បានច្បាំងដណ្តើមការទទួលស្គាល់ផ្នែកការទូត ក្នុងតំបន់ប៉ាស៊ីហ្វិកភាគខាងត្បូង ដោយប្រជាជាតិប្រជុំកោះខ្លះផ្លាស់ប្តូរមិត្តដើម្បីប្រយោជន៍ហិរញ្ញវត្ថុ។
តាមការចុះផ្សាយរបស់ទីភ្នាក់ងារព័ត៌មាន Reuters លោក John Moffat Fugui សមាជិកសភាម្នាក់នៃប្រជុំកោះសូលូម៉ុន និងជាប្រធានគណៈកម្មធិការមួយ ទទួលបន្ទុកវាយតម្លៃចំណងការទូត នៅថ្ងៃពុធទី ៤ កញ្ញា បានបញ្ជាក់ថា រដ្ឋាភិបាលក្រុងប៉េកាំង នឹងផ្តល់លុយជំនួយអភិវឌ្ឍន៍ ដែលជាធម្មតាស្ថិតក្រោមរូបភាព «ជំនួយឥតសំណង កម្ចីការប្រាក់ទាប និងកាដូរខ្លះ»។ តួលេខច្បាស់លាស់ ពុំត្រូវបានបញ្ជាក់ឡើយ។
យ៉ាងណាមិញ ការផ្តល់ឲ្យបែបនេះ មានលក្ខខណ្ឌមួយដោយប្រជុំកោះសូលូម៉ុនត្រូវព្រមកាត់ផ្តាច់ចំណងការទូតជាមួយ តៃវ៉ាន់ ដែលបានផ្តើមពីឆ្នាំ១៩៨៣មក។ ដូចគ្នានឹងចិន កោះតៃវ៉ាន់ បានសន្យាផ្តល់លុយ៨,៥លានដុល្លារដល់ប្រជុំកោះសូលូម៉ុន ក្នុងឆ្នាំ ២០១៩-២០ តាមរយៈកម្មវិធីជំនួយ។
ឆ្លើយតបនឹងរឿងនេះ លោក Joanne Ou អ្នកនាំពាក្យនៃក្រសួងការបរទេសតៃវ៉ាន់ បានបញ្ជាក់ថា បច្ចុប្បន្ន ទំនាក់ទំនងជាមួយប្រជុំកោះ សូលូម៉ុន គឺ មានស្ថិរភាព ប៉ុន្តែខាងលោក កំពុងតាមដានស្ថានការណ៍នេះយ៉ាងដិតដល់បំផុត។
សូមបញ្ជាក់ថា សូលូម៉ុន គឺជាប្រជុំកោះដែលមានប្រជាជនរស់នៅប្រមាណ ៦០ម៉ឺននាក់។ ប្រជាជាតិមួយនេះ ពឹងផ្អែកខ្លាំងលើលុយជំនួយបរទេស ព្រោះតែមធ្យោបាយរកចំណូលនៅមិនកម្រិត ដែលនៅតែពឹងច្រើនទៅលើការនាំចេញឈើ៕
Tag:
ចិន
ប្រជុំកោះសូលូម៉ុន
តៃវ៉ាន់
ទំនាក់ទំនងការទូត
© រក្សាសិទ្ធិដោយ thmeythmey.com
