អន្តរជាតិ
លោក Mugabe អតីតប្រធានាធិបតីស៊ីមបាវ៉េ ស្លាប់ក្នុងអាយុ៩៥ឆ្នាំនៅសិង្ហបុរី
× លោក Robert Mugabe អតីតប្រធានាធិបតីផ្តាច់ការស៊ីមបាវ៉េ បានទទួលមរណភាពក្នុងអាយុ៩៥ឆ្នាំនៅមន្ទីរពេទ្យប្រទេសសិង្ហបុរី។ យោងតាមការផ្សាយរបស់ CNN លោកប្រធានាធិបតីក្នុងតំណែងនាពេលបច្ចុប្បន្ន គឺលោក Emmerson Mnangagwa បានប្រកាសពីដំណឹងមរណភាពនេះដោយផ្ទាល់។
ដំណឹងផ្សេងៗ បានផ្សព្វផ្សាយថា អតីតប្រធានាធិបតីផ្តាច់ការរូបនេះ បានចំណាយពេលទៅព្យាបាលនៅមន្ទីរពេទ្យសិង្ហបុរី តាំងពីដើមឆ្នាំមក ដោយសារសុខភាពកាន់តែទ្រុឌទ្រោម។
លោក Mugabe បានកាន់អំណាច៣៧ឆ្នាំនៅស៊ីមបាវ៉េ ដោយក្នុងតួនាទីជានាយករដ្ឋមន្ត្រីពីឆ្នាំ១៩៨០ដល់ឆ្នាំ១៩៨៧ និងជាប្រធានាធិបតីពីឆ្នាំ១៩៨៧ ដល់ឆ្នាំ២០១៧ មុនពេលដែលកងកម្លាំងយោធាធ្វើរដ្ឋប្រហារទម្លាក់លោក៕
© រក្សាសិទ្ធិដោយ thmeythmey.com