អន្តរជាតិ
ប្រធានាធីបតីប្រជុំកោះ សូលូម៉ុន និងសមភាគីតៃវ៉ាន់ នៅក្នុងការិយាល័យប្រធានាធិបតីកោះតៃវ៉ាន់កាលពីឆ្នាំ២០១៧, ប្រភព Taiwan Today
×![]()
ដោយ: ធៀន ភារិន្ទ
បន្ទាប់ពីទីក្រុងប៉េកាំង ប្រកាសផ្តល់លុយមូលនិធិអភិវឌ្ឍន៍លើប្រទេសប្រជុំកោះសូលូម៉ុនជាមួយលក្ខខណ្ឌផ្តាច់ទំនាក់ទំនងការទូតជាមួយកោះតៃវ៉ាន់ ពេលនេះភាគីខាងរដ្ឋាភិបាលទីក្រុងតៃប៉ិនៅថ្ងៃទី០៦ ខែសីហា បានចេញមុខមកព្រមានចំៗតែម្តងថា ប្រយ័ត្នក្លាយជាកូនបំណុលរបស់ចិន។ ការបំបែកបំបាក់មិត្តភាពរបស់ទីក្រុងប៉េកាំងបែបនេះគឺធ្វើឡើងជាញយៗ ខណៈតៃវ៉ាន់នៅមានមិត្តភក្តិទទួលស្គាល់តែ ១៧ប្រទេសប៉ុណ្ណោះ។ 
«ការពង្រីកឥទ្ធិពលចិននៅក្នុងតំបន់ប៉ាស៊ីហ្វិក បានធ្វើឲ្យប្រទេសជាច្រើនធ្លាក់ក្នុងអន្ទាក់បំណុល»។ នេះជាការលើកឡើងរបស់អ្នកនាំពាក្យក្រសួងការបរទេសតៃវ៉ាន់ លោកស្រី Joanne Ou ប្រាប់ទីភ្នាក់ងារសារព័ត៌មាន Reuter។
ការលើកឡើងរបស់មន្ត្រីតៃវ៉ាន់ ធ្វើឡើងក្រោយកោះសូលូម៉ុនកំពុងគិតគូរបោះដៃរកទីក្រុងប៉េកាំងដែលបានសន្យាផ្ដល់ជំនួយដើម្បីអភិវឌ្ឍន៍។ មេដឹកនាំក្រុមជាន់ខ្ពស់លើការត្រួតពិនិត្យបញ្ហាទំនាក់ទំនងការទូតរបស់រដ្ឋាភិបាលប្រជុំកោះសូលូម៉ុន បាននិយាយថា ប្រជុំកោះប៉ាស៊ីហ្វិកនេះ មានបំណងផ្ដាច់ទំនាក់ទំនងការទូតជាមួយតៃវ៉ាន់ និងងាកទៅរកទីក្រុងប៉េកាំង។
ដើម្បីទាក់ទាញទឹកចិត្តរបស់ប្រជុំកោះសូលូម៉ុន ចិនសន្យាផ្តល់លុយមូលនិធិអភិវឌ្ឍមួយជំនួសលុយ ៨,៥លានដុល្លារ ដែលកោះតៃវ៉ាន់ឲ្យសូលូម៉ុនប្រចាំឆ្នាំ។ ក្នុងន័យចំអកឲ្យទីក្រុងប៉េកាំង និងព្រមានប្រជុំកោះសូលូម៉ុនលោកស្រី Joanne Ou គូសបញ្ជាក់ថា រចនាសម្ព័ន្ធ ដែលចិនសន្យា គឺបង្កឲ្យមានផលប៉ះពាល់ប្រព័ន្ធអេកូឡូស៊ីយ៉ាងខ្លាំង និងបំផ្លាញអធិបតេយ្យរបស់ប្រជុំកោះសូលូម៉ុនទៀត។
លើសពីនេះទៅទៀត អ្នកនាំពាក្យក្រសួងការបរទេសតៃវ៉ាន់រូបនេះ បានបញ្ជាក់ទៀតថា៖ «យើងជឿថារដ្ឋាភិបាលប្រជុំកោះសូលូម៉ុន និងប្រជាជនបានដឹងរួចមកអំពី ល្បិចបោកបន្លំ ការចាប់បង្ខំ និងភាពមិនអាចទុកចិត្តបានរបស់ចិននៅក្នុងសង្គមអន្តរជាតិ។»
សូមបញ្ជាក់នារយៈពេលចុងក្រោយនេះ រដ្ឋាភិបាលទីក្រុងប៉េកាំង និងតៃប៉ិ បានច្បាំងដណ្តើមការទទួលស្គាល់ផ្នែកការទូត នៅក្នុងតំបន់ប៉ាស៊ីហ្វិកភាគខាងត្បូង ដោយប្រជាជាតិប្រជុំកោះខ្លះផ្លាស់ប្តូរទំនាក់ទំនងការទូតដោយសារប្រយោជន៍ហិរញ្ញវត្ថុ៕
«ការពង្រីកឥទ្ធិពលចិននៅក្នុងតំបន់ប៉ាស៊ីហ្វិក បានធ្វើឲ្យប្រទេសជាច្រើនធ្លាក់ក្នុងអន្ទាក់បំណុល»។ នេះជាការលើកឡើងរបស់អ្នកនាំពាក្យក្រសួងការបរទេសតៃវ៉ាន់ លោកស្រី Joanne Ou ប្រាប់ទីភ្នាក់ងារសារព័ត៌មាន Reuter។
ការលើកឡើងរបស់មន្ត្រីតៃវ៉ាន់ ធ្វើឡើងក្រោយកោះសូលូម៉ុនកំពុងគិតគូរបោះដៃរកទីក្រុងប៉េកាំងដែលបានសន្យាផ្ដល់ជំនួយដើម្បីអភិវឌ្ឍន៍។ មេដឹកនាំក្រុមជាន់ខ្ពស់លើការត្រួតពិនិត្យបញ្ហាទំនាក់ទំនងការទូតរបស់រដ្ឋាភិបាលប្រជុំកោះសូលូម៉ុន បាននិយាយថា ប្រជុំកោះប៉ាស៊ីហ្វិកនេះ មានបំណងផ្ដាច់ទំនាក់ទំនងការទូតជាមួយតៃវ៉ាន់ និងងាកទៅរកទីក្រុងប៉េកាំង។
ដើម្បីទាក់ទាញទឹកចិត្តរបស់ប្រជុំកោះសូលូម៉ុន ចិនសន្យាផ្តល់លុយមូលនិធិអភិវឌ្ឍមួយជំនួសលុយ ៨,៥លានដុល្លារ ដែលកោះតៃវ៉ាន់ឲ្យសូលូម៉ុនប្រចាំឆ្នាំ។ ក្នុងន័យចំអកឲ្យទីក្រុងប៉េកាំង និងព្រមានប្រជុំកោះសូលូម៉ុនលោកស្រី Joanne Ou គូសបញ្ជាក់ថា រចនាសម្ព័ន្ធ ដែលចិនសន្យា គឺបង្កឲ្យមានផលប៉ះពាល់ប្រព័ន្ធអេកូឡូស៊ីយ៉ាងខ្លាំង និងបំផ្លាញអធិបតេយ្យរបស់ប្រជុំកោះសូលូម៉ុនទៀត។
លើសពីនេះទៅទៀត អ្នកនាំពាក្យក្រសួងការបរទេសតៃវ៉ាន់រូបនេះ បានបញ្ជាក់ទៀតថា៖ «យើងជឿថារដ្ឋាភិបាលប្រជុំកោះសូលូម៉ុន និងប្រជាជនបានដឹងរួចមកអំពី ល្បិចបោកបន្លំ ការចាប់បង្ខំ និងភាពមិនអាចទុកចិត្តបានរបស់ចិននៅក្នុងសង្គមអន្តរជាតិ។»
សូមបញ្ជាក់នារយៈពេលចុងក្រោយនេះ រដ្ឋាភិបាលទីក្រុងប៉េកាំង និងតៃប៉ិ បានច្បាំងដណ្តើមការទទួលស្គាល់ផ្នែកការទូត នៅក្នុងតំបន់ប៉ាស៊ីហ្វិកភាគខាងត្បូង ដោយប្រជាជាតិប្រជុំកោះខ្លះផ្លាស់ប្តូរទំនាក់ទំនងការទូតដោយសារប្រយោជន៍ហិរញ្ញវត្ថុ៕
Tag:
តៃវ៉ាន់
ចិន
ប្រជុំកោះសូលូម៉ុន
© រក្សាសិទ្ធិដោយ thmeythmey.com
