អន្តរជាតិ
×![]()
ក្រុមហ៊ុន ហ្វេសប៊ុក (Facebook) ឆាប់ៗខាងមុខ ប្រហែលចាប់ផ្តើមបិទបាំងតួលេខ Like និង Reaction លើការបង្ហោះ (Post) ដែលលេចឡើងលើ ញូវហ្វីត (New Feed) របស់អ្នកប្រើប្រាស់ ។ នេះបើយោងតាមអ្នកស្រាវជ្រាវកម្មវិធីម្នាក់ ឈ្មោះថា ជេន ម៉េនឈុន វង់ (Jane Manchun Wong) ដែលបានរកឃើញកូដ (code) លើកម្មវិធី Android របស់ Facebook ។
សរសេរលើបណ្តាញសង្គម Twitter កញ្ញា Jane Manchun Wong បញ្ជាក់ថា៖«ខ្ញុំកត់សម្គាល់ថា Facebook បានចាប់ផ្តើមសាកល្បងមុខងារបិទបាំងការរាប់ចំនួន Like និង Reaction លើកម្មវិធី Android ខ្លួន»។ ប្រាប់ទីភ្នាក់ងារព័ត៌មាន AFP នៅថ្ងៃទី៣ ខែកញ្ញា អ្នកនាំពាក្យម្នាក់របស់ក្រុមហ៊ុន Facebook អះអាងថា ក្រុមហ៊ុនខ្លួនកំពុងពិចារណាបិទការរាប់ចំនួន Like ពីបណ្តាញសង្គម Facebook ប៉ុន្តែសង្កត់ធ្ងន់ថា ការសាកល្បងពុំទាន់ចាប់ផ្តើមនៅឡើយទេ។
បណ្តាញសង្គម Instagram ដែលជាកម្មសិទ្ធិរបស់ក្រុមហ៊ុនបច្ចេកវិទ្យាយក្ស Facebook បានចាប់ផ្តើមមុខងារបិទបាំងចំនួន Like នេះរួចហើយ ក្នុងបណ្តាប្រទេសចំនួន ៧ ដោយក្នុងនោះក៏មានកាណាដា និងប្រេស៊ីលផងដែរ។ ជំនួសឲ្យបង្ហាញតួលេខ Like សរុប អ្នកប្រើប្រាស់អាចឃើញត្រឹមឈ្មោះ Friend ដែលចុច Like ប៉ុណ្ណោះ។ សម្រាប់ការផ្លាស់ប្តូរនេះ Instagram ចង់ឲ្យអ្នកប្រើប្រាស់ផ្តោតសំខាន់លើអ្វីដែលពួកគេចែករំលែក ជំនួសឲ្យចំនួន Like ដែលពួកគេទទួលបាន។
ជាង១០ឆ្នាំមកនេះ បណ្តាញសង្គម Facebook បានយកការចុច Like ជាសេវាកម្មស្នូលរបស់ខ្លួន។ ប៉ុន្តែប៉ុន្មានឆ្នាំចុងក្រោយនេះ ក្រុមហ៊ុនយក្សនេះ រងការរិះគន់ព្រោះតែវាប៉ះពាល់ដល់អារម្មណ៍អ្នកប្រើប្រាស់។ ប្រសិនបើការរាប់ចំនួន Like ត្រូវដកចេញពីបណ្តាញសង្គម Facebook មែននោះ វានឹងក្លាយជាការផ្លាស់ប្តូរដ៏ធំធេងមួយ។ ហេតុផលនោះគឺថា ចំនួន Like លើ Facebook ត្រូវបានចាត់ទុកជា ហិរញ្ញវត្ថុ និងទិន្នន័យដ៏សំខាន់ ដែល Facebook ប្រើសម្រាប់គោលដៅផ្សាយពាណិជ្ជកម្ម ហើយវាក៏ជាប្រភពចំណូលដ៏ធំរបស់ខ្លួនផងដែរ៕
សរសេរលើបណ្តាញសង្គម Twitter កញ្ញា Jane Manchun Wong បញ្ជាក់ថា៖«ខ្ញុំកត់សម្គាល់ថា Facebook បានចាប់ផ្តើមសាកល្បងមុខងារបិទបាំងការរាប់ចំនួន Like និង Reaction លើកម្មវិធី Android ខ្លួន»។ ប្រាប់ទីភ្នាក់ងារព័ត៌មាន AFP នៅថ្ងៃទី៣ ខែកញ្ញា អ្នកនាំពាក្យម្នាក់របស់ក្រុមហ៊ុន Facebook អះអាងថា ក្រុមហ៊ុនខ្លួនកំពុងពិចារណាបិទការរាប់ចំនួន Like ពីបណ្តាញសង្គម Facebook ប៉ុន្តែសង្កត់ធ្ងន់ថា ការសាកល្បងពុំទាន់ចាប់ផ្តើមនៅឡើយទេ។
បណ្តាញសង្គម Instagram ដែលជាកម្មសិទ្ធិរបស់ក្រុមហ៊ុនបច្ចេកវិទ្យាយក្ស Facebook បានចាប់ផ្តើមមុខងារបិទបាំងចំនួន Like នេះរួចហើយ ក្នុងបណ្តាប្រទេសចំនួន ៧ ដោយក្នុងនោះក៏មានកាណាដា និងប្រេស៊ីលផងដែរ។ ជំនួសឲ្យបង្ហាញតួលេខ Like សរុប អ្នកប្រើប្រាស់អាចឃើញត្រឹមឈ្មោះ Friend ដែលចុច Like ប៉ុណ្ណោះ។ សម្រាប់ការផ្លាស់ប្តូរនេះ Instagram ចង់ឲ្យអ្នកប្រើប្រាស់ផ្តោតសំខាន់លើអ្វីដែលពួកគេចែករំលែក ជំនួសឲ្យចំនួន Like ដែលពួកគេទទួលបាន។
ជាង១០ឆ្នាំមកនេះ បណ្តាញសង្គម Facebook បានយកការចុច Like ជាសេវាកម្មស្នូលរបស់ខ្លួន។ ប៉ុន្តែប៉ុន្មានឆ្នាំចុងក្រោយនេះ ក្រុមហ៊ុនយក្សនេះ រងការរិះគន់ព្រោះតែវាប៉ះពាល់ដល់អារម្មណ៍អ្នកប្រើប្រាស់។ ប្រសិនបើការរាប់ចំនួន Like ត្រូវដកចេញពីបណ្តាញសង្គម Facebook មែននោះ វានឹងក្លាយជាការផ្លាស់ប្តូរដ៏ធំធេងមួយ។ ហេតុផលនោះគឺថា ចំនួន Like លើ Facebook ត្រូវបានចាត់ទុកជា ហិរញ្ញវត្ថុ និងទិន្នន័យដ៏សំខាន់ ដែល Facebook ប្រើសម្រាប់គោលដៅផ្សាយពាណិជ្ជកម្ម ហើយវាក៏ជាប្រភពចំណូលដ៏ធំរបស់ខ្លួនផងដែរ៕
© រក្សាសិទ្ធិដោយ thmeythmey.com
