ហាមរថយន្តឆ្លងកាត់ស្ពានបេឡេស្រុកស្ទឹងត្រង់ ដោយសារទឹកហូរខ្លាំងបាក់សសរស្ពាន

ព័ត៌មានជាតិ

ព័ត៌មានអន្តរជាតិ

រថយន្ត

វីដេអូ

បទយកការណ៍/សម្ភាស

យុវជនសកម្ម សេវាល្អ

ជាតិ

ហាមរថយន្តឆ្លងកាត់ស្ពានបេឡេស្រុកស្ទឹងត្រង់ ដោយសារទឹកហូរខ្លាំងបាក់សសរស្ពាន

07, Sep 2019 , 4:39 pm

រូបភាព

លោកអភិបាលខេត្តកំពង់ចាម អ៊ុន ចាន់ដា ចុះទៅមើលស្ថានភាពស្ពានបេឡេនៅស្ទឹងត្រង់

ដោយ: ឡាយ សុភាវតី

ស្ពានបេឡេដែលស្ថិតនៅភូមិទួលរកា ឃុំពាមកោះស្នា ស្រុកស្ទឹងត្រង់ ខេត្តកំពង់ចាម បានបាក់សសរទ្រស្ពាន១ដើម កាលពីម្សិលមិញ ដោយសារមានទឹកហូរខ្លាំង។ អាជ្ញារធរបានផ្អាកមិនឲ្យរថយន្តធ្វើចរាចរណ៍ឆ្លងកាន់តាំងពីយប់រហូតមកដល់ពេញនេះដោយរង់ចាំការជួសជុលពីមន្ទីរសាធារណការ និងដឹកជញ្ជូន ដើម្បីសុខវត្ថិភាពដល់ពលរដ្ឋ។

ស្ពាននេះ ត្រូវបានផ្អាកចរាចរណ៍កាលយប់ម្សិលមិញ ដោយអនុញ្ញាតឲ្យតែថ្មើរជើង និងទោចក្រយានយន្តឆ្លងកាត់តែប៉ុណ្ណោះ ចៀសវាងបាក់ស្រុតស្ពានបណ្ដាលឲ្យមានគ្រោះថ្នាក់ជាយថាហេតុ។ នេះបើតាមអភិបាលខេត្តកំពង់ចាមលោក អ៊ុន ចាន់ដា បញ្ជាក់ប្រាប់សារព័ត៌មានថ្មីៗតាមទូរសព្ទនៅថ្ងៃរសៀល ថ្ងៃទី៧ ខែកញ្ញា ឆ្នាំ២០១៩។

ទន្ទឹមនេះ អភិបាលខេត្តកំពង់ចាម អំពាវនាវដល់ប្រជាពលរដ្ឋ ឲ្យមានការយោគយល់និងប្រុងប្រយ័ត្នក្នុងការធ្វើដំណើរលើស្ពាន។ លោក អ៊ុន ចាន់ដា អះអាងថា៖ «ស្ថានភាពទឹកក្នុងខេត្តពេលនេះ មិនទាន់សត្ថិក្នុងការប្រកាសអាសន្នទេ ដោយកម្ពស់ទឹកឡើងមិនទាន់មានការប៉ះពាល់ដល់ពលរដ្ឋ»។

បច្ចុប្បន្នកម្លាំងនគរបាល និងអាជ្ញាធរពាក់ព័ន្ធ កំពុងចុះត្រួតពិនិត្យ និងបានដាក់ផ្លាកសញ្ញាហាមឃាត់ជាបណ្ដោះអាសន្ន និងយាមការពារមិនឲ្យប្រជាពលរដ្ឋបើករថយន្តឆ្លងកាត់ឡើយ ដើម្បីជៀសវាងគ្រោះថ្នាក់៕