អភិរក្សដ្ឋានអង្គរបើកទ្វារឱ្យសាធារណជនទស្សនាវត្ថុបុរាណក្នុងឃ្លាំងមួយថ្ងៃអបអរទិវាបេតិកភណ្ឌពិភពលោក

ជាតិ

អភិរក្សដ្ឋានអង្គរបើកទ្វារឱ្យសាធារណជនទស្សនាវត្ថុបុរាណក្នុងឃ្លាំងមួយថ្ងៃអបអរទិវាបេតិកភណ្ឌពិភពលោក

08, Sep 2019 , 9:29 am

រូបភាព

ដោយ: អុីសា រ៉ហានី (Isa Rohany)

សៀមរាប៖ ជាឃ្លាំងរក្សាទុកវត្ថុបុរាណតាមបណ្ដាប្រាសាទនានាក្នុងប្រទេស អភិរក្សដ្ឋានអង្គរត្រូវបានយាមកាមតឹងរឹង ដោយមិនសូវមានអ្នកណាបានចូលទស្សនាឡើយ។ ការទស្សនាប្រចាំថ្ងៃ គឺត្រឹមតែបរិវេណខាងក្រៅប៉ុណ្ណោះ ដោយឡែកក្នុងឃ្លាំងទុកវត្ថុសិល្បៈបុរាណនីមួយៗ កម្របើកជូនសាធារណជនបានទស្សនាជាសាធារណណាស់។

ពេលវេលាដ៏ល្អបានមកដល់។ ដើម្បីចូលរួមអបអរសាទរទិវាបុណ្យបេតិកភណ្ឌពិភពលោកថ្ងៃទី២១ កញ្ញា អភិរក្សដ្ឋានអង្គរ ដែលស្ថិតក្រោមការគ្រប់គ្រងរបស់នាយកដ្ឋានគាំពារនិងអភិរក្សសំណង់បុរាណនៃក្រសួងវប្បធម៌ និងវិចិត្រសិល្បៈ នឹងបើកទ្វារស្វាគមន៍ដល់សាធារណជនចូលទស្សនាតាមឃ្លាំងទុកវត្ថុបុរាណនីមួយៗពេញមួយថ្ងៃ។ គោលបំណងនៃការរៀបចំនេះដែរ ក្រៅពីការអបអរសាទរទិវាបេតិកភណ្ឌពិភពលោក ក្នុងនោះក៏ដើម្បីឱ្យមហាជនចូលទស្សនាអំពីសម្បតិ្ដបេតិកភណ្ឌជាតិខ្មែរដែលបានការពារនិងថែរក្សាទុកនៅក្នុងអភិរក្សដ្ឋានអង្គរ នាខេត្តសៀមរាបដែលមានប្រវត្តិតាំងពីសម័យបារាំងមកនេះដែរ។

ក្នុងសេចក្ដីជូនដំណឹងរបស់នាយកដ្ឋានគាំពារនិងអភិរក្សសំណង់បុរាណ បានប្រាប់សាធារណជនទាំងអស់ដែលចង់ចូលទស្សនា គឺពេលព្រឹកចាប់ពីម៉ោង៨ដល់ម៉ោង១១កន្លះ និងពេលរសៀលចាប់ពីម៉ោង ១ដល់ម៉ោង៤រសៀល៕