ព័ត៌មានជាតិ
ខ្មែរក្រហម
កំណាព្យ
ONE Championship
ចំណេះដឹងទូទៅ
ពន្យល់ពាក្យ
នយោបាយ
សេដ្ឋកិច្ច
សង្គម
ព័ត៌មានកីឡាជាតិ
វិទ្យុ
ព័ត៌មានសុខភាព
រូបត្លុក
ពីនេះ ពីនោះ
ព័ត៌មានអន្តរជាតិ
នយោបាយ
សិល្បៈ
COVID-19
សេដ្ឋកិច្ច
សង្គម
វប្បធម៌
FIFA
កីឡាអន្តរជាតិ
សង្រ្កាន្តឆ្នាំថ្មី
អត្ថបទពាណិជ្ជកម្ម
បទយកការណ៍/សម្ភាស
ជាតិ
បទសម្ភាសន៍
ពូកែថតរូបបែបប្លែកៗនិងទាក់ទាញ យុវជន ប៊ុន សុភារិទ្ធ កំពុងល្បីនៅតាមបណ្ដាញសង្គម
08, Sep 2019 ,
10:29 pm
រូបភាព
×
ដោយ:
អុីសា រ៉ហានី (Isa Rohany)
សៀមរាប៖ បើនិយាយពីការថតរូប វាហាក់ដូចជារឿងងាយស្រួលបន្ដិចនាពេលបច្ចុប្បន្នដែលមានបច្ចេកវិទ្យាទំនើប។ យ៉ាងណា ការថតរូបដើម្បីឱ្យមានគុណភាព ថតបានស្អាត ប្លែក និងទាក់ទាញ ប្រហែលមានមនុស្សមិនច្រើនទេអាចធ្វើបាន។ យុវជន ប៊ុន សុភារិទ្ធ កំពុងល្បីឈ្មោះក្នុងសង្គមថតរូបមួយរូប ក្រោយស្នាដៃរបស់គេច្រើនសន្លឹក លេចក្នុងបណ្ដាញទំនាក់ទំនងសង្គម។ រូបរបស់យុវជន សុភារិទ្ធ គឺការនាំភ្ញៀវរបស់គេថតប្លង់ប្លែកៗ ទាក់ទាញ និងសប្បាយៗ។
ចង់ដឹងថា ប៊ុន សុភារិទ្ធ ឬពូបឿន មានបច្ចេកទេសថតរូបបែបណា ដើម្បីឱ្យរូបភាពមានភាពរស់រវើក និងប្លែកពីការគេនោះ សូមស្ដាប់បទសម្ភាសរវាងអ្នកសារព័ត៌មានថ្មីៗគឺអ្នកនាង អ៊ីសា រ៉ហានី ជាមួយលោក ប៊ុន សុភារិទ្ធ ដូចតទៅ៖
ផ្តើមពីការចូលចិត្តនិងស្រឡាញ់ការថត សុភារិទ្ធ បច្ចុប្បន្ននេះយុវជនរូបនេះបានចាប់ជំនាញនេះជាអាជីពតែម្ដង។ ដំបូង សុភារិទ្ធ ជាអ្នកថតវីដេអូនៅក្រុមហ៊ុនទេសចរណ៍មួយក្នុងក្រុងសៀមរាប និងបានរៀនចាប់ប្លង់ថតពីជាងថតនៅអង្គរវត្ត។ ដើមឡើយការថតរបស់គេតាមរយៈទូរសព្ទដៃតែប៉ុណ្ណោះ និងទើបមានកាមេរ៉ាប្រើប្រមាណ៣ទៅ៤ឆ្នាំនេះតែប៉ុណ្ណោះ។
សុភារិទ្ធ ដែលបច្ចុប្បន្នជាអ្នករត់រ៉ឺម៉កនិងប្រើប្រាស់បណ្ដាញសង្គមសម្រាប់ឱ្យភ្ញៀវកក់ការកម្សាន្តផ្ទាល់មកខេត្តសៀមរាម ចាប់ផ្តើមមានគេស្គាល់ខ្លាំង ពេលគេបានបង្ហោះរូបថតស្ទាយ៍ប្លែកៗដែលថតឱ្យភ្ញៀវនៅតាមតំបន់ប្រាសាទនានា ពិសេសរូបគូស្នេហ៍ជនជាតិហូឡង់មួយគូ ដែលធ្វើឱ្យសាធារណជនកោតសរសើរពីទឹកដៃរបស់គេ។ ក្រៅពីនោះក៏មានរូបថតជាច្រើនទៀត ដែលកើតចេញពីគំនិតប្លែកៗរបស់យុវជនវ័យ៣៣ឆ្នាំរូបនេះ។
តាមការបញ្ជាក់ថាពី សុភារិទ្ធ ទម្រាំមកដល់សព្វថ្ងៃនេះ គឺបានសិក្សានិងរៀនសូត្រពីក្រុមថតរូបជាច្រើនដើម្បីបង្កើនសមត្ថភាព។ ដើម្បីបានរូបថតស្អាតៗ សុភារិទ្ធ ប្រាប់ថា ត្រូវមានសិល្បៈថតរូបឱ្យបានត្រឹមត្រូវ ក្នុងនោះម៉ូដែលឬភ្ញៀវក៏ជាចំណុចគួបផ្សំខ្លាំងដែរ។ សុភារិទ្ធ បន្ថែមថា ទឹកដៃស្អាត បូកនិងម៉ូដែលដែលស្អាត៕
សូមចុចត្រង់នេះដើម្បីអានថ្មីៗជាភាសាអង់គ្លេស (Cambodianess.com)
Tag:
ថតរូប
ប៊ុន សុភារិទ្ធ
ទេសចរណ៍
© រក្សាសិទ្ធិដោយ thmeythmey.com
អត្ថបទពេញនិយម
ថ្ងៃ១៧ មេសា កាល៤៩ឆ្នាំមុន កងទ័ពខ្មែរក្រហមដណ្តើមបានទីក្រុងភ្នំពេញ
3 ថ្ងៃ
តើពាក្យ«បច្ច័យ»មានន័យច្បាស់លាស់ដូចម្តេច?
4 ថ្ងៃ
អាចសរសេរបានថា «រួញរា» ឬ «រញ់រា» ប៉ុន្តែមិនមែន «រុញរា» ឡើយ
12 ម៉ោង
សត្វជាង ៧០០ប្រភេទ ត្រូវបានរកឃើញក្នុងតំបន់ព្រៃកោងកាងខេត្តកោះកុង
2 ថ្ងៃ
«ភេរវកម្ម» មិនមែន «ភេវរកកម្ម» ឬ «ភារវកម្ម» ឡើយ
6 ថ្ងៃ
អត្ថបទពេញនិយមបន្ថែម