ធ្លាប់​ទទួលទាន “​ទឹកដោះគោ​លាយ​រមៀត​” អត់​? ឆ្ងាញ់​ហើយ​ល្អ​ចំពោះ​សុខភាព​ទៀត​
ពីនេះ ពីនោះ / មិនយល់...!
ព័ត៍មានសុខភាព
ធ្លាប់​ទទួលទាន “​ទឹកដោះគោ​លាយ​រមៀត​” អត់​? ឆ្ងាញ់​ហើយ​ល្អ​ចំពោះ​សុខភាព​ទៀត​
10, Sep 2019 , 6:59 am        
រូបភាព
ដោយ: ថ្មីៗ
​ទឹកដោះគោ​លាយ​រមៀត​ជា​អ្វីដែល​អ្នកទទួលបាន​ប្រសិនបើ​លាយ​ម្សៅ​រមៀត​កន្លះ​ស្លាបព្រា​ជាមួយ​ទឹកដោះគោ ១ ពែង​។ ភេសជ្ជៈ​នេះ​អាច​ផ្ដល់​អត្ថប្រយោជន៍​អស្ចារ្យ​គួរ​ឲ្យ​កត់សម្គាល់​ចំពោះ​សុខភាព​។​ប្រសិនបើ​អ្នកទទួល​ទាន​ទឹកដោះគោ​លាយ​រមៀត​ជាប្រចាំ​នោះ​ប្រព័ន្ធ​ភាពស៊ាំ​រាងកាយ​របស់​អ្នក​កាន់តែ​រឹងមាំ​ឡើង ភេសជ្ជៈ​នេះ​ក៏​ជួយ​សម្អាត​ក្នុង​រាងកាយ​បន្សាប​ជាតិពុល​តាមរយៈ​ថ្លើម និង​ទប់ស្កាត់​សូម្បី​ជំងឺមហារីក​។



​ខាងក្រោម​នេះ​យើង នឹង​បង្ហាញ​ឱ្យដឹងពី​ផល​ល្អៗ​នៃ​ការ​ទទួលទាន​ភេសជ្ជៈ​ទឹកដោះគោ​លាយ​រមៀត ៖

១. បន្សាប​ជាតិពុល​ក្នុង​ថ្លើម​


​រមៀត​ជួយ​ជំរុញ​ឱ្យ​ថ្លើម​ផលិត​អង់ស៊ីម​កាន់តែច្រើន​ដើម្បី​ដំណើរការ​ប្រកបដោយ​ប្រសិទ្ធភាព​ខ្ពស់​ក្នុងការ​កម្ចាត់​កាកសំណល់​និង​ជាតិពុល​ចេញពី​រាងកាយ​។ រមៀត​ក៏​ដើរតួនាទី​ជា​អ្នក​សម្អាត​និង​ទប់ស្កាត់​ការប្រមូលផ្ដុំ​ជាតិ​ខ្លាញ់​ក្នុង​ថ្លើម​ផងដែរ​។ ការ​ទទួលទាន​ទឹកដោះគោ​លាយ​រមៀត​នឹង​ជួយ​បង្កើន​សមត្ថភាព​របស់​ថ្លើម​ក្នុង​ដំណើរការ​បំបែក​ជាតិ​ខ្លាញ់​និង​សារធាតុ​គីមី​ផ្សេងៗ ហើយ​កម្ចាត់​ចោល​សមាសធាតុ​ដែល​មិនចាំបាច់ ឬ​រាងកាយ​មិនត្រូវ​ការ​។ ដំណើរការ​នេះ​នឹង​បន្សាប​ជាតិពុល​ក្នុង​រាងកាយ​។​

២. កាត់បន្ថយ​ការ​រលាក​ក្នុង​រាងកាយ​

​រមៀត​ជា​ប្រភព​ដ៏​ប្រសើរ​នៃ​សារធាតុ curcumin ដែលមាន​លក្ខណៈសម្បត្តិ​ប្រឆាំង​ការ​រលាក​។ ដូច្នេះ​ការទទួល​ទាន​ទឹកដោះគោ​លាយ​រមៀត​អាចជួយ​ទប់ស្កាត់​និង​ព្យាបាល​ជំងឺ​រលាក​សន្លាក់ ជំងឺ​រលាក​ពោះវៀន ជំងឺ​រលាក​លំពែង និង​ជំងឺ​ច្រើន​ផ្សេងទៀត​ពាក់ព័ន្ធ​ការ​រលាក​ក្នុង​រាងកាយ​។​

៣. រាងកាយ​នឹង​កាន់តែខ្លាំង​ក្នុងការ​ប្រយុទ្ធប្រឆាំង​បាក់តេរី​

​នោះ​ក៏​ព្រោះតែ​រមៀត​មាន​លក្ខណៈសម្បត្តិ​ប្រឆាំង​បាក់តេរី​ដែល​ជួយ​ប្រយុទ្ធប្រឆាំង​បាក់តេរី វីរុស និង​រោគ​ផ្សិត​។​

៤. ទប់ស្កាត់​ជំងឺមហារីក​


​រមៀត ជា​ប្រភព​ដ៏​ប្រសើរ​នៃ​សារធាតុ curcumin ដែល​ជួយ​ការពារ​កោសិកា​សុខ​ភាពល្អ​មិនឱ្យ​ក្លាយទៅជា​កោសិកា​មហារីក​។ Curcumin មិន​ត្រឹមតែ​ជា​សារធាតុ​ប្រឆាំង​អុកស៊ីតកម្ម​ដ៏​មាន​ឥទ្ធិពល​ប៉ុណ្ណោះ​ទេ ប៉ុន្តែ​ក៏មាន​លក្ខណៈសម្បត្តិ​ប្រឆាំង​ការ​រលាក និង​ទប់ស្កាត់​ជំងឺមហារីក​ផងដែរ​។​

៥. ជួយ​ឲ្យ​ស្រក​ទម្ងន់​


​រមៀត​មិន​ត្រឹមតែ​ជំរុញ​ការដុត​រំលាយ​អាហារ​ប៉ុណ្ណោះ​ទេ វា​ក៏​ជួយ​រាងកាយ​បំបែក​ជាតិ​ខ្លាញ់​កាន់តែ​លឿន​ផងដែរ​។ ដូច្នេះ​ការទទួល​ទាន​ទឹកដោះគោ​លាយ​រមៀត​ជាប្រចាំ​នឹង​ជួយ​ឲ្យ​ស្រក​ទម្ងន់ ក៏ដូចជា​ទប់ស្កាត់​ការប្រមូលផ្ដុំ​ជាតិ​ខ្លាញ់​ក្នុង​រាងកាយ​គួរ​ឲ្យ​កត់សម្គាល់​។​

៦. សុខភាព​បេះដូង​កាន់តែ​រឹងមាំ​ប្រសើរ​


​រមៀត​នឹង​រារាំង​ការបញ្ចេញ Cytokines ក្នុង​រាងកាយ​។ Cytokines ជា​សមាសធាតុ​ដែល​ពាក់ព័ន្ធ​ការ​រលាក​និង​ជំងឺ​សរសៃឈាម​បេះដូង​។ ការ​ទទួលទាន​ទឹកដោះគោ​លាយ​រមៀត​រាល់​យប់​អាចជួយ​កា​តើ​បន្ថយ​ហានិភ័យ​នៃ​បញ្ហា​បេះដូង​ផ្សេងៗ​។​

៧. សុខភាព​ខួរក្បាល​កាន់តែ​ប្រសើរ​

​ការ​ទទួលទាន​ទឹកដោះគោ​លាយ​រមៀត​នឹង​ជួយ​បង្កើន​សមាសធាតុ BDNF កាត់បន្ថយ​ហានិភ័យ​នៃ​ជំងឺ​ភ្លេចភ្លាំង ឬ​វង្វេងវង្វាន់​បាន​យ៉ាង​ប្រសើរ​។​

៨. សុខភាព​ឆ្អឹង​នឹង​កាន់តែ​រឹងមាំ​

​នោះ​ក៏​ព្រោះតែ​រមៀត​នឹង​ជួយ​ទប់ស្កាត់​ការបាត់បង់​ម៉ាស​នៃ​ឆ្អឹង​ក្នុង​រាងកាយ​។ លើសពីនេះទៅទៀត​ទឹកដោះគោ​សម្បូរ​ទៅដោយ​ជាតិ​កាល់ស្យូម​និង​វីតាមីន D ដែល​ល្អ​បំផុត​សម្រាប់​សុខភាព​ឆ្អឺ​ង​៕

​ត្រួតពិនិត្យ​ដោយ www.health.com.kh


© រក្សាសិទ្ធិដោយ thmeythmey.com