ជាតិ
បាក់ឌុប
បាក់ឌុបឆ្នាំ២០១៩៖ អ្នកជាប់មាន៦៨.៦២ ភាគរយ និទ្ទេស A មាន ៤៤៣ នាក់
× ក្រសួងអប់រំ យុវជន និងកីឡា នាថ្ងៃទី៩ ខែកញ្ញា ឆ្នាំ២០១៩ នេះ បានផ្សព្វផ្សាយលទ្ធផលនៃការប្រឡងសញ្ញាបត្រមធ្យមសិក្សាទុតិយភូមិ សម័យប្រឡង ១៩ សីហា ២០១៩។ លទ្ធផលបានបង្ហាញថា សិស្សដែលប្រឡងជាប់មានចំនួន ៧៩ ០៥២នាក់ ត្រូវជា ៦៨.៦២ភាគរយ។
បេក្ខជនប្រឡងជាប់និទ្ទេស A មានចំនួន ៤៤៣នាក់ និទ្ទេស B មានចំនួន ២ ៤៣០នាក់ និទ្ទេស C មានចំនួន ៥ ៨៤៧នាក់។ ចំណែកឯនិទ្ទេស D មានចំនួន ១៤ ១០០នាក់ និងនិទ្ទេស E មានចំនួន ៥៦ ២៣២ នាក់។
កាលពីឆ្នាំ២០១៨ លទ្ធផលបាក់ឌុបត្រូវបានប្រកាសរហូតដល់ទៅពីរលើក ដោយសារមានការតវ៉ាពីក្រុមសិស្សក្នុងរាជធានីភ្នំពេញ និងខេត្តកំពតដែលច្បាស់លាស់នឹងសំណេររបស់ខ្លួន។ ក្រោយការតវ៉ា គណៈកម្មការជំនាញ បានរកឃើញថា ដំណើរការបូកស្រង់ពិន្ទុ តាមប្រព័ន្ធកុំព្យូទ័រ មានបញ្ហាបច្ចេកទេសទាក់ទងនឹងពិន្ទុមុខវិជ្ជាគណិតវិទ្យាថ្នាក់វិទ្យាសាស្ត្រ។
បន្ទាប់ពីដោះស្រាយបញ្ហាបច្ចេកទេស ក្រសួងអប់រំ បានប្រកាសថា អ្នកជាប់បាក់ឌុបឆ្នាំ២០១៨ មាន ៧៦ ០៣៤នាក់ ត្រូវជា ៦៧.០៧ភាគរយ ក្នុងនោះ និទ្ទេស A មានចំនួន៤០៨នាក់ និទ្ទេស B ចំនួន ២ ២២២នាក់ និទ្ទេស C ចំនួន ៦ ០៤១នាក់ និទ្ទេស D ចំនួន១៥ ១៨០នាក់ និងនិទ្ទេស E ចំនួន ៥២ ១៨៣នាក់៕
© រក្សាសិទ្ធិដោយ thmeythmey.com