អន្តរជាតិ
ម៉ាឡេស៊ី សហការជាមួយភ្នាក់ងារបរទេសដើម្បីយកពលរដ្ឋខ្លួនដែលជាប់នៅស៊ីរីមកវិញ
រូបភាព The Star
×![]()
ដោយ៖ ងួន សុភាវត្តី
ប៉ូលិសម៉ាឡេស៊ី កំពុងធ្វើការរួមគ្នាជាមួយភ្នាក់ងារស៊ើបការណ៍បរទេសដើម្បីនាំយកជនជាតិម៉ាឡេស៊ីដែលត្រូវបានគេសង្ស័យថាមានជាប់ទាក់ទងជាមួយក្រុមសកម្មប្រយុទ្ធរដ្ឋឥស្លាមនៅក្នុងស៊ីរីត្រឡប់មកវិញ។
អគ្គស្នងការប៉ូលិស Abdul Hamid Bador និយាយនៅពីថ្ងៃទី៨ ខែកញ្ញា ថា កិច្ចសហប្រតិបត្តិការកំពុងបន្តជាមួយស្ថាប័នអន្តរជាតិដើម្បីនាំយកជនជាតិម៉ាឡេស៊ីមកវិញ ខណៈប៉ូលិសម៉ាឡេស៊ីកំពុងប្រឈមមុខនឹងឧបសគ្គមួយចំនួននៅក្នុងដំណើរការនេះក៏ដោយ។ ជនជាតិម៉ាឡេស៊ីទាំងនោះ ទំនងជាបានចូលរួមក្នុងសកម្មភាពរបស់ក្រុមរដ្ឋឥស្លាម ដែលសព្វថ្ងៃកំពុងបាក់ខ្ចាត់ខ្ចាយទៅហើយ។
បើតាមទីភ្នាក់ងារព័ត៌មាន Bernama លោក Bador បានប្រាប់អ្នកយកព័ត៌មានថា ម៉ាឡេស៊ីកំពុងដោះស្រាយបញ្ហាព្រោះត្រូវជជែកជាមួយប្រទេសស៊ីរី សម្ព័ន្ធមិត្តសហរដ្ឋអាមេរិកនិងរដ្ឋអ៊ីស្លាមផ្ទាល់។ លោកបញ្ជាក់ថា៖ « យើងកំពុងធ្វើការជាមួយភ្នាក់ងារស៊ើបការណ៍បរទេសដើម្បីនាំពួកគេចេញទៅក្រៅ យើងត្រូវនាំពួកគេត្រឡប់ទៅផ្ទះវិញពីព្រោះពួកគេជាជនជាតិម៉ាឡេស៊ី» ។
បើតាមមេប៉ូលិសម៉ាឡេស៊ីដដែលនេះ ប្រជាជនម៉ាឡេស៊ីបច្ចុប្បន្នជាប់នៅក្នុងប្រទេសស៊ីរីត្រូវបានគេជឿថា អាចត្រូវបានចាប់ខ្លួនដោយភាគីមួយចំនួន។
រដ្ឋមន្ត្រីមហាផ្ទៃម៉ាឡេស៊ី លោក Muhyiddin Yassin ធ្លាប់បាននិយាយថារដ្ឋាភិបាលមិនទាន់បានសម្រេចចិត្តលើការអំពាវនាវរបស់ប្រជាជនម៉ាឡេស៊ីដែលកំពុងត្រូវបានឃុំខ្លួននៅក្នុងស៊ីរី។ លោកMuhyiddin បាននិយាយថាដំណើរការដើម្បីនាំពួកគេទៅផ្ទះត្រូវតែគិតអោយបានល្អិតល្អន់ទាក់ទងទៅនឹងទិដ្ឋភាពនៃសន្តិសុខផងដែរ។
គួររំលឹកថា ប្រជាជនម៉ាឡេស៊ីចំនួន ៣៩ នាក់កំពុងត្រូវបានឃុំខ្លួននៅក្នុងប្រទេសស៊ីរីហើយបានទាក់ទងទៅអាជ្ញាធរនៅទីនេះដើម្បីរកមធ្យោបាយដើម្បីយកពួកគេមកស្រុកកំណើតវិញ៕
ប៉ូលិសម៉ាឡេស៊ី កំពុងធ្វើការរួមគ្នាជាមួយភ្នាក់ងារស៊ើបការណ៍បរទេសដើម្បីនាំយកជនជាតិម៉ាឡេស៊ីដែលត្រូវបានគេសង្ស័យថាមានជាប់ទាក់ទងជាមួយក្រុមសកម្មប្រយុទ្ធរដ្ឋឥស្លាមនៅក្នុងស៊ីរីត្រឡប់មកវិញ។
អគ្គស្នងការប៉ូលិស Abdul Hamid Bador និយាយនៅពីថ្ងៃទី៨ ខែកញ្ញា ថា កិច្ចសហប្រតិបត្តិការកំពុងបន្តជាមួយស្ថាប័នអន្តរជាតិដើម្បីនាំយកជនជាតិម៉ាឡេស៊ីមកវិញ ខណៈប៉ូលិសម៉ាឡេស៊ីកំពុងប្រឈមមុខនឹងឧបសគ្គមួយចំនួននៅក្នុងដំណើរការនេះក៏ដោយ។ ជនជាតិម៉ាឡេស៊ីទាំងនោះ ទំនងជាបានចូលរួមក្នុងសកម្មភាពរបស់ក្រុមរដ្ឋឥស្លាម ដែលសព្វថ្ងៃកំពុងបាក់ខ្ចាត់ខ្ចាយទៅហើយ។
បើតាមទីភ្នាក់ងារព័ត៌មាន Bernama លោក Bador បានប្រាប់អ្នកយកព័ត៌មានថា ម៉ាឡេស៊ីកំពុងដោះស្រាយបញ្ហាព្រោះត្រូវជជែកជាមួយប្រទេសស៊ីរី សម្ព័ន្ធមិត្តសហរដ្ឋអាមេរិកនិងរដ្ឋអ៊ីស្លាមផ្ទាល់។ លោកបញ្ជាក់ថា៖ « យើងកំពុងធ្វើការជាមួយភ្នាក់ងារស៊ើបការណ៍បរទេសដើម្បីនាំពួកគេចេញទៅក្រៅ យើងត្រូវនាំពួកគេត្រឡប់ទៅផ្ទះវិញពីព្រោះពួកគេជាជនជាតិម៉ាឡេស៊ី» ។
បើតាមមេប៉ូលិសម៉ាឡេស៊ីដដែលនេះ ប្រជាជនម៉ាឡេស៊ីបច្ចុប្បន្នជាប់នៅក្នុងប្រទេសស៊ីរីត្រូវបានគេជឿថា អាចត្រូវបានចាប់ខ្លួនដោយភាគីមួយចំនួន។
រដ្ឋមន្ត្រីមហាផ្ទៃម៉ាឡេស៊ី លោក Muhyiddin Yassin ធ្លាប់បាននិយាយថារដ្ឋាភិបាលមិនទាន់បានសម្រេចចិត្តលើការអំពាវនាវរបស់ប្រជាជនម៉ាឡេស៊ីដែលកំពុងត្រូវបានឃុំខ្លួននៅក្នុងស៊ីរី។ លោកMuhyiddin បាននិយាយថាដំណើរការដើម្បីនាំពួកគេទៅផ្ទះត្រូវតែគិតអោយបានល្អិតល្អន់ទាក់ទងទៅនឹងទិដ្ឋភាពនៃសន្តិសុខផងដែរ។
គួររំលឹកថា ប្រជាជនម៉ាឡេស៊ីចំនួន ៣៩ នាក់កំពុងត្រូវបានឃុំខ្លួននៅក្នុងប្រទេសស៊ីរីហើយបានទាក់ទងទៅអាជ្ញាធរនៅទីនេះដើម្បីរកមធ្យោបាយដើម្បីយកពួកគេមកស្រុកកំណើតវិញ៕
© រក្សាសិទ្ធិដោយ thmeythmey.com
