កីឡាអន្តរជាតិ
អន្តរជាតិ
កំហុសបច្ចេកទេស! ម៉ាក្រុង សុំទោសអាល់បានីដែលច្រឡំចាក់ភ្លេងជាតិអង់ដូរ៉ា
×![]()
ដោយ: ទេព ពិទូរ្យ
ប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) បានសុំការអភ័យទោសទៅកាន់ប្រទេសអាល់បានី ចំពោះការភាន់ច្រឡំចាក់បទភ្លេងជាតិខុស ក្នុងការប្រកួតជម្រុះ Euro 2020 រវាងម្ចាស់ផ្ទះបារាំងទល់នឹងអាល់បានី កាលពីថ្ងៃ៧ ខែកញ្ញា។ នេះបើតាមការបញ្ជាក់របស់លោក Edi Rama នាយករដ្ឋមន្ត្រីអាល់បានី ដែលហៅការណ៍នេះជា «ភាពល្ងីល្ងើរដែលគួរឲ្យស្អប់ខ្ពើម»។
ការប្រកួតជម្រុះពានរង្វាន់ទ្វីបអឺរ៉ុបប្រចាំពូល H នាកីឡដ្ឋាន Stade de France ក្នុងក្រុងប៉ារីស បារាំងដែលដឹកនាំជំនួបនេះ បានច្រឡំយកភ្លេងជាតិប្រទេសអង់ដូរ៉ាមកចាក់ជំនួសឲ្យភ្លេងជាតិអាល់បានី ដែលធ្វើឲ្យកីឡាករ និងអ្នកគាំទ្រអាល់បានីមានការខកចិត្តយ៉ាងខ្លាំង។ ក្រោយភ្លេងជាតិក្រុមទាំងពីរបញ្ចាប់ គ្រូបង្វឹកអាល់បានីលោក Edoardo Reja បានបដិសេធមិនចាប់ផ្តើមការប្រកួតនេះទេ។
អ្វីដែលជារឿងគួរឲ្យអាម៉ាស់បំផុតសម្រាប់ម្ចាស់ផ្ទះបារាំងទៀតនោះ គឺនៅមុនបន្តការប្រកួតក្រោយមានការសម្របសម្រួលពីមន្ត្រី UEFA រយៈពេល៧នាទី ជុំវិញរឿងខុសភ្លេងជាតិ ពិធីករក្នុងការប្រកួតនេះបានបន្ថែមកំហុសដ៏ភ្ញាក់ផ្អើលថែមទៀត ដោយប្រកាសពីការសូមទោសទៅអាល់បានី ប៉ុន្តែនិយាយថាអាមេនីជំនួសទៅវិញ។
កំហុសផ្ទួនៗបែបនេះ នាយករដ្ឋមន្ត្រីអាល់បានី លោក Rama តាមរយៈបណ្តាញសង្គម Twitter ផ្ទាល់ បានហៅហេតុការណ៍នេះថាជា«ភាពល្ងីល្ងើរដែលគួរឲ្យស្អប់ខ្ពើម»។ យ៉ាងណាក៏ដោយ លោក Rama ក៏អះអាងថាលោកម៉ាក្រុងបានស្នើសុំការអភ័យទោសទៅលោកផងដែរ។
«លោកប្រធានាធិបតី ម៉ាក្រុង បានសម្តែងការសុំទោសដោយស្មោះចំពោះភាពល្ងីល្ងើររបស់សហព័ន្ធកីឡាបាល់ទាត់បារាំងជាមួយនឹងបទភ្លេងជាតិនៃប្រទេសរបស់យើង! គាត់ប្រាប់ខ្ញុំថានេះជា«កំហុសដែលមិនអាចទទួលយកបាន» និងកោតសរសើរចំពោះឥរិយាបថរបស់កីឡាកររបស់យើងដែលមិនប្រត្តិកម្មខ្លាំង។ ម៉ាក្រុង បានស្នើសុំខ្ញុំអោយផ្សាយពាក្រយសុំទោសរបស់គាត់ជាសារធារណផង»។
បើទោះជាខុសបច្ចេកទេស ប៉ុន្តែការប្រកួតបានចាប់ផ្តើម និងបញ្ចប់ដោយលទ្ធផលម្ចាស់ផ្ទះរហស្សនាមមាន់គកបារាំងឈ្នះអាល់បានី ៤-១។ ជ័យជម្នះនេះ បាននាំឲ្យក្រុមរងជើងឯកឆ្នាំ២០១៨ ឈរនៅកំពូលតារាងពូល H ដោយមាន១២ពិន្ទុពីការប្រកួត៥លើកចុងក្រោយ តាមពីក្រោយដោយ តួកគី និងអ៊ីស្លង់ដែលមាន១២ពិន្ទុដូចគ្នា។ អាល់បានី ស្ថិតនៅលេខរៀងទី៤ មាន៦ពិន្ទុ ឈរពីលើម៉ុលដាវីមាន៣ពិន្ទុ និងក្រុមបាតតារាងអង់ដូរ៉ាសូន្យពិន្ទុ៕
ការប្រកួតជម្រុះពានរង្វាន់ទ្វីបអឺរ៉ុបប្រចាំពូល H នាកីឡដ្ឋាន Stade de France ក្នុងក្រុងប៉ារីស បារាំងដែលដឹកនាំជំនួបនេះ បានច្រឡំយកភ្លេងជាតិប្រទេសអង់ដូរ៉ាមកចាក់ជំនួសឲ្យភ្លេងជាតិអាល់បានី ដែលធ្វើឲ្យកីឡាករ និងអ្នកគាំទ្រអាល់បានីមានការខកចិត្តយ៉ាងខ្លាំង។ ក្រោយភ្លេងជាតិក្រុមទាំងពីរបញ្ចាប់ គ្រូបង្វឹកអាល់បានីលោក Edoardo Reja បានបដិសេធមិនចាប់ផ្តើមការប្រកួតនេះទេ។
អ្វីដែលជារឿងគួរឲ្យអាម៉ាស់បំផុតសម្រាប់ម្ចាស់ផ្ទះបារាំងទៀតនោះ គឺនៅមុនបន្តការប្រកួតក្រោយមានការសម្របសម្រួលពីមន្ត្រី UEFA រយៈពេល៧នាទី ជុំវិញរឿងខុសភ្លេងជាតិ ពិធីករក្នុងការប្រកួតនេះបានបន្ថែមកំហុសដ៏ភ្ញាក់ផ្អើលថែមទៀត ដោយប្រកាសពីការសូមទោសទៅអាល់បានី ប៉ុន្តែនិយាយថាអាមេនីជំនួសទៅវិញ។
កំហុសផ្ទួនៗបែបនេះ នាយករដ្ឋមន្ត្រីអាល់បានី លោក Rama តាមរយៈបណ្តាញសង្គម Twitter ផ្ទាល់ បានហៅហេតុការណ៍នេះថាជា«ភាពល្ងីល្ងើរដែលគួរឲ្យស្អប់ខ្ពើម»។ យ៉ាងណាក៏ដោយ លោក Rama ក៏អះអាងថាលោកម៉ាក្រុងបានស្នើសុំការអភ័យទោសទៅលោកផងដែរ។
«លោកប្រធានាធិបតី ម៉ាក្រុង បានសម្តែងការសុំទោសដោយស្មោះចំពោះភាពល្ងីល្ងើររបស់សហព័ន្ធកីឡាបាល់ទាត់បារាំងជាមួយនឹងបទភ្លេងជាតិនៃប្រទេសរបស់យើង! គាត់ប្រាប់ខ្ញុំថានេះជា«កំហុសដែលមិនអាចទទួលយកបាន» និងកោតសរសើរចំពោះឥរិយាបថរបស់កីឡាកររបស់យើងដែលមិនប្រត្តិកម្មខ្លាំង។ ម៉ាក្រុង បានស្នើសុំខ្ញុំអោយផ្សាយពាក្រយសុំទោសរបស់គាត់ជាសារធារណផង»។
បើទោះជាខុសបច្ចេកទេស ប៉ុន្តែការប្រកួតបានចាប់ផ្តើម និងបញ្ចប់ដោយលទ្ធផលម្ចាស់ផ្ទះរហស្សនាមមាន់គកបារាំងឈ្នះអាល់បានី ៤-១។ ជ័យជម្នះនេះ បាននាំឲ្យក្រុមរងជើងឯកឆ្នាំ២០១៨ ឈរនៅកំពូលតារាងពូល H ដោយមាន១២ពិន្ទុពីការប្រកួត៥លើកចុងក្រោយ តាមពីក្រោយដោយ តួកគី និងអ៊ីស្លង់ដែលមាន១២ពិន្ទុដូចគ្នា។ អាល់បានី ស្ថិតនៅលេខរៀងទី៤ មាន៦ពិន្ទុ ឈរពីលើម៉ុលដាវីមាន៣ពិន្ទុ និងក្រុមបាតតារាងអង់ដូរ៉ាសូន្យពិន្ទុ៕
Tag:
Euro 2020
អាល់បានី
ម៉ានុយអែល ម៉ាក្រុង
© រក្សាសិទ្ធិដោយ thmeythmey.com
