ឈប់​បារម្ភ​ទៀត​ទៅ​! វេ​ប​សាយ Sala Enrollment អាចជួយ​អ្នក ស្វែងរក​សាកលវិទ្យាល័យ​នៅ​ក្រុងភ្នំពេញ​បាន​
អត្ថបទពាណិជ្ជកម្ម
ឈប់​បារម្ភ​ទៀត​ទៅ​! វេ​ប​សាយ Sala Enrollment អាចជួយ​អ្នក ស្វែងរក​សាកលវិទ្យាល័យ​នៅ​ក្រុងភ្នំពេញ​បាន​
11, Sep 2019 , 2:55 pm        
រូបភាព
ដោយ: ថ្មីៗ
​បញ្ហា​ប្រឈម​របស់​សិស្ស​ក្រោយ​ការប្រឡង​បាក់​ឌុប គឺ​ការសម្រេចចិត្ត​ជ្រើសរើស​ជំនាញ​សិក្សា និង​ស្វែងរក​សាលារៀន​ថ្នាក់​បរិញ្ញាបត្រ​។ សិស្ស​ខ្លះ​នៅតែ​សម្រេចចិត្ត​តាម​មិត្តភក្ដិ ឬ​ក្រុមគ្រួសារ​ជាដើម ដោយសារ​ពួកគេ​ខ្វះ​ព័ត៌មាន​នៅក្នុង​ដៃ​។ នៅ​រាជធានី​ភ្នំពេញ មាន​សាកលវិទ្យាល័យ​ជាច្រើន ប៉ុន្តែ​ព័ត៌មាន​ពី​ការចុះឈ្មោះ​របស់​ពួកគេ ហាក់ដូចជា​បញ្ហា​ធំ​មួយ សម្រាប់​ចំណោម​សិស្ស​បញ្ចប់​ការសិក្សា​នៅ​វិទ្យាល័យ​។​

​ដោយ​មើលឃើញ​បញ្ហា​នេះ លោក សុខ លាភ បាន​ផ្តួចផ្តើម​បង្កើត វេ​ប​សាយ Sala Enrollment មួយ​ដោយ​សង្ឃឹមថា នឹង​ដោះស្រាយ​បញ្ហា​ចម្បង​មួយ​នេះ​។ Sala Enrollment ជា​វេ​ប​សាយ​ថ្មី​មួយ បង្កើតឡើង​ក្នុង​គោលបំណង​ផ្ដល់​ភាពងាយស្រួល ទៅដល់​សិស្ស​ដែល​ទើបបាន​បញ្ចប់​ការសិក្សា​ថ្នាក់​វិទ្យាល័យ ក្នុងការ​ស្វែងរក​សាក​ល​វិទ្យាល័យ ជំនាញ សិក្សា​ក៏ដូចជា​ដំណឹង​អាហារូបករណ៍​ទាំងអស់ នៅក្នុង​រាជធានី​ភ្នំពេញ​។​



​បច្ចុប្បន្ន​វេ​ប​សាយ​នេះ ត្រូវបាន​ដាក់​ឲ្យ​ប្រើប្រាស់​ដោយ​ឥតគិតថ្លៃ ទាំង​ភាសា​អង់គ្លេស និង​ភាសា​ខ្មែរ ដែល​រួមមាន​ព័ត៌មាន​អំពី សាកលវិទ្យាល័យ  និង  វិទ្យាស្ថានចំនួន៤៣ នៅ​ទូទាំង​ក្រុងភ្នំពេញ​។

​គួរ​បញ្ជាក់ថា វេ​ប​សាយ​ដែល​ប្រើពេល​បង្កើត​ជិត ១​ឆ្នាំ​ហើយ ដោយមានក្រុមការងារ​ប្រមាណ ១៦​នាក់​ហើយ នាពេល​បច្ចុប្បន្ននេះ​។​
​លោក សុខ លាភ យល់ថា សា​សា​អ៊ី​ន​រ៉ូ​ល​មិន នឹង​ក្លាយជា​កន្លែង​ដែល​សិស្ស អាច​ចូលទៅ​មើល​ព័ត៌មាន​លម្អិត អំពី​សាកលវិទ្យាល័យ វិទ្យាស្ថាន និង​ការប្រឡង​អាហារូបករណ៍ ទាំង​រដ្ឋ និង​ឯកជន ដោយ​ពុំ​ចាំបាច់​ចំណាយពេល​ច្រើន ធ្វើដំណើរ​ទៅ​សួរ​ព័ត៌មាន​ពីសា​លា​មួយ ទៅ​សាលា​មួយទៀត​នោះទេ​។

​លោក សុខ លាភ ស្ថាបនិក​វ័យ 35 ឆ្នាំ រូបនេះ និយាយថា​៖ «​យើង​ចង់​ឲ្យ​សិស្ស មាន​ព័ត៌មាន​គ្រប់គ្រាន់​ថា​តើ​មាន​សាកលវិទ្យាល័យ ឬ​វិទ្យាស្ថាន​ប៉ុន្មាន​? ហើយ​មាន​ជំនាញ​សិក្សា​អ្វីខ្លះ​? ដូច្នេះ​ពួកគាត់​អាច​ប្រៀបធៀប និង​សម្រេច​ចិត្តបាន​ត្រឹមត្រូវ​»​។ លោក​បាន​បន្តទៀតថា​៖ «​យើង​កំពុង​បន្ត​ស្វែងរក​ការសហការ ជាមួយ​សាកលវិទ្យាល័យ និង​វិទ្យាស្ថាន​ទាំងអស់ ដើម្បី​បាន​ព័ត៌មាន​លម្អិត និង​ថ្មីៗ សម្រាប់​យុវជន​ដែល​កំពុង​ស្វែងរក​សាលារៀន​»​។​



​សិស្សានុសិស្ស​អាច​ចូលទៅ​កាន់​វេ​ប​សាយ​របស់ Sala Enrollment បាន​តាមរយៈ​តំណរ​៖ https://www.salaenrollment.com សម្រាប់​ភាសា​អង់គ្លេស និង https://www.salaenrollment.com/kh/ សម្រាប់​ភាសា​ខ្មែរ​។ ព័ត៌មាន​ត្រូវបាន​បែង​ចែកជា ៥ ផ្នែក​ដូចជា ព័ត៌មាន​ទូទៅ​របស់​សាកលវិទ្យាល័យ ឬ​វិទ្យាស្ថាន​នីមួយៗ​, តម្លៃ​សិក្សា​, កម្មវិធីសិក្សា​អាហារូបករណ៍ និង​កម្មវិធី​ផ្លាស់ប្ដូរ​ការសិក្សា​ទៅ​ក្រៅប្រទេស អម​ជាមួយ​រូបភាព​នៅ​ខាងក្នុង​សាលា​នីមួយៗ​ផងដែរ​។​

​បន្ថែម​ពីនេះ សិស្សានុសិស្ស​អាច​ចុះឈ្មោះ​ជាមួយ វេ​ប​សាយ​នេះ​ងាយៗ ដោយ​គ្រាន់តែ​វាយ​បញ្ចូល​លេខ​ទូរស័ព្ទ​ប៉ុណ្ណោះ​។ បន្ទាប់មក អ្នកប្រើប្រាស់​វាយ​បញ្ចូល​ប្រ​វិ​ត្តិ​រូប​សង្ខេប និង​ជា​ចុងក្រោយ​សិស្សានុសិស្ស​អាច​ចុះឈ្មោះ តាម​សាកលវិទ្យាល័យ​នីមួយៗ ដែល​ខ្លួន​ពេញចិត្ត​។ បុគ្គលិក សាកលវិទ្យាល័យ​នឹង​ទាក់ទង​ផ្តល់ព័ត៌មាន​លម្អិត ដល់​សិស្សានុសិស្ស តាម​ទូរស័ព្ទ​ដែល​ផ្តល់​ឲ្យ​ដើម្បី​ជា​ប្រយោជន៍​ចំណេញ​ពេលវេលា​៕


Tag:
 Redhill
© រក្សាសិទ្ធិដោយ thmeythmey.com